原文刊於：東方新地 ｜ 圖片來源：新傳媒圖庫

前國泰空姐揞名踢爆10大藝人黑名單真面目被揭穿

藝人黑名單第10位：「大笑姑婆」

空姐莎姐爆料指一位以「大笑姑婆」形象見稱女星，有空姐是她的小粉絲，但每次上機個女星都瞓咗覺，直到落機終於可以影番張合照，誰知該女星就好晦氣話：「影喇影喇咁想影！」空姐小粉絲嚇一嚇，自此割席不再喜歡那個女星。

三位疑似「大笑姑婆」名單 ：

藝人黑名單第9位：「 自私黑超大導演」

至於這位「自私導演」，在東京坐飛機香港時，「阿Sa」就見到「自私導演」攜帶超大型陶瓷藝術品上飛機，外面只拿薄身發泡膠包住。不過因為體積太大超出限制，被要求送去寄艙。最後到香港後缺乏保護的陶瓷藝術品破碎，倒轉頭反而要求航空公司賠償，更Call齊記者求關注。「阿Sa」就話：「既然你件物件咁貴重，係咪應該買保險呢？」

藝人黑名單第8位：「豪門千金」

豪門千金坐頭等，每5分鐘就按一次服務鈴，卻不是什麼緊要事情，通通都是雞毛蒜皮的小事；而且去廁所仲要求要空姐Block住廁所，空姐連休息時間都沒有！「阿Sa」就感嘆其實頭等艙仲有其他乘客，不可能全副心力招呼你一人，並笑言道：「平時冇乜人留意佢，想要attention seeking掛！」

藝人黑名單第7位：「暴躁學者」

雖然不算娛樂圈中人，不過這名學者以鬧人見稱，引經據典見人就鬧。「阿Sa」話有次香港飛台北班機，「暴躁學者」見延遲起飛就開始瘋狂鬧人，「阿Sa」唯有見招拆招，希望對方可以冷靜下來。不過「暴躁學者」火爆完之後，「阿Sa」禮貌講句對不起，對方都相當熱誠地握握手，連「阿Sa」都話「粗聲粗氣唔代表心地唔好。」

藝人黑名單第5、6位：「踢波阿伯x2」

兩個踢波阿伯好朋友孖住上榜，因為有一次兩個阿伯同一班機，態度超惡頂，「阿Sa」在阿伯身邊經過，阿伯即刻好惡喝停：「喂，攞杯水畀我！」，打份工當然只能夠乖乖照做，而另外一位阿伯都相當極品，「阿Sa」準備出發去馬爾代夫時見到阿伯與他老婆。「阿Sa」禮貌打招呼問是否乘搭國泰的航班，卻被對方惡言回應：「唔搭你哋仲有其他機咩？」不過他老婆就毫不給臉，直接一句「有啊」回應，認真落面！

藝人黑名單第4位：「心急人上」

「阿Sa」表示「心急人上」有幾單八卦是非曾經見報，本身在航空界中相當出名。有次「心急人上」心急上機，空姐上前查看登機證帶位，卻不料「心急人上」疑似嫌空姐手腳慢，從空姐手中搶過登機證自己找位置，空姐感覺自然不會舒服。雖然「阿Sa」都話感覺麻麻，不過見到「心急人上」近年家庭美滿，都祝願對方更加穩重，行為變得更加好。

藝人黑名單第3位：「數字先生」

有次這位數字先生同老婆由香港去倫敦，因有位空姐撞到他手臂，期後火爆的數字先生大罵：「我屋企工人都無你咁蠢！」該名空姐難過得匿埋一邊狂喊，機艙長在該程航機將她調往另一個機艙位置。

藝人黑名單第2位：「投胎餓鬼」

空姐阿Sa憶述幾年前，曾serve過一位藝人，取名「投胎餓鬼」，指當時該名藝人與家人一齊坐商務，本身已經食咗好多嘢，之後佢再嗌嘢食，但所點的飛機餐已派完，結果即場「發爛渣」，更將餐牌拋上枱面，再呼喝空姐：「無嘢啦，走啦！」阿Sa指「餓鬼投胎」早前在澳門也曾發生令人側目的事件。

藝人黑名單第1位：「Fashion西客」

空姐阿Sa指航空界最討厭的人第1位，非潮流西客莫屬！阿Sa說：「所有空姐見到呢個人都頭痛，講粗口惡言侮辱乜都齊，掉嘢都好閒，試過有次call保安，機長行埋去，你估佢點講？『You are just my driver！』但不知為何，他沒有被航空公司blacklist，「佢而家生咗個女，或者可以對人nice啲啦。」但以往惡行絕對在行內臭名遠播！