50歲陳松伶亮相《童你一起長大了》身世坎坷曾遭家人出賣、因膝下無子「從未被奶奶讚過」

50歲陳松伶亮相《童你一起長大了》身世坎坷曾遭家人出賣、因膝下無子「從未被奶奶讚過」

《童你一起長大了》最新一集有「兒歌天后」之稱的陳松伶,陳松伶唱過不少經典兒歌,成為不少人的集體回憶,11年嫁內地演員張鐸後現居北京 ,現年50歲的陳松伶再亮相節目,網民大叫驚喜,有人大讚半百保養不錯,但亦有不少網民指陳松伶跟大家記憶中的靚樣相距甚遠,幾乎認唔出﹗

原文刊於:東方新地|圖:《童你一起長大了》截圖

半百陳松伶亮相《童你一起長大了》

周日(24日)晚上八點半翡翠台播出的第四集《童你一起長大了》,以「童你尋開心」為主題,將與大家重溫歷年經典兒歌,並分別請來《夢中天使》、《白石嶺公園》及《烏卒卒》經典兒歌主唱者唐韋琪、譚偉權、陳松伶等亮相錄影廠,與大家開心Share當年唱兒歌趣聞及對兒歌看法。

身在內地的陳松伶視像亮相《童你一起長大了》節目,並與昔日拍檔「合照」。(圖片來源:《童你一起長大了》截圖)
身在內地的陳松伶視像亮相《童你一起長大了》節目,並與昔日拍檔「合照」。(圖片來源:TVB《童你一起長大了》截圖)
陳松伶由當年嘅招牌短髮變成長髮,有不少網民指「認唔出係松松姐姐」。(圖片來源:《童你一起長大了》截圖)
陳松伶由當年嘅招牌短髮變成長髮,有不少網民指「認唔出係松松姐姐」。(圖片來源:TVB《童你一起長大了》截圖)

陳松伶奪兒歌獎七次之多

在一眾嘉賓中,陳松伶與唐韋琪可算「兒歌天后」,二人曾多次殺入《兒歌金曲頒獎典禮》並勇奪金曲,單是陳松伶,便有七次得獎紀錄!現年定居內地的松松姐姐,透過視像與三位主持及嘉賓話當年,並回顧當年經典「兒歌Look」。

松松姐姐當年的經典短髮﹗(圖片來源:《童你一起長大了》截圖)
松松姐姐當年的經典短髮﹗(圖片來源:TVB《童你一起長大了》截圖)

陳松伶全靠《小甜甜》精神面對挫折

松松姐姐笑指當年錄兒歌時,自己還是學生,故很多時是穿著校服錄音,她又謂喜歡兒歌的原因是因為夠「乾淨」,獲譚玉瑛笑指理由很特別。松松又大談最愛卡通片:「我最鍾意《飄零燕》同《小甜甜》,《小甜甜》好勵志,佢嘅精神,好似種植咗喺我心底咁,每當我人生起跌時,我都會諗番起。」

松松姐姐是《兒歌金曲頒獎典禮》的常客,曾有七次得獎紀錄﹗(圖片來源:《童你一起長大了》截圖)
松松姐姐是《兒歌金曲頒獎典禮》的常客,曾有七次得獎紀錄﹗(圖片來源:TVB《童你一起長大了》截圖)

回顧50歲陳松伶初出道靚樣

近年長居內地的陳松伶驚喜亮相無綫《童你一起長大了》,有不少網民指陳松伶唔同晒樣,靚樣不再﹗有收視福將的陳松伶其實繼2017年嘅《全職沒女》後,19年在無綫劇集《 福爾摩師奶 》再次擔任女主角演女版福爾摩斯,當時已被指面容跟以前大不同,同大家重溫陳松伶初出道嘅清純靚相,張張都係咁靚樣!

87年 出首張唱片

86年15歲嘅陳松伶參加無綫模仿葉蒨文歌唱大 賽獲得冠軍而入行,並獲唱片公司賞識,翌年初推出同名首張個人唱片,全白服裝影封面相形象清純。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

87年 小鳳波點衫

陳松伶87年首次出唱片 同拍電影開始為人認識,佢嘅 靚相不時出現喺各大娛樂同音樂雜誌,呢張靚相松松著咗徐小鳳經典白色圓點波波冇袖衫,畀人清爽嘅感覺。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

87年 拍首部電影

出首張唱片外,陳松伶同年仲畀高志森睇中邀拍校園青春電影《 鬼馬校園 》,片中暗戀追求同學李麗珍嘅陳山河,而電影原聲大碟,松松 包辦主題曲同三首插曲,但佢拍完呢部戲後就專注番學業。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

89年 首拍劇爆紅

89年無綫金牌監製蕭笙搵嚟陳松伶喺劇集《天涯歌女》,演繹「金嗓子」周璇跌宕一生,而天王黎明就演佢嘅首任老公。首次拍劇就擔正嘅松松,主唱嘅歌曲大受歡迎令原聲唱片大賣特賣,令佢一劇爆紅。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

91年 男仔頭look

陳松伶自出道以嚟都係短頭髮,91年20歲嘅松松剪得更短,索性以男仔頭示人,令人耳目一新。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

92年 靚靚大頭相

陳松伶92年登上某電視偶像圖輯雜誌嘅封面,呢張大頭相捕捉到松松姐姐最靚一面,美貌盡展現。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

92年 新版鐘無艷

92年無綫開拍時裝版鍾無艷,陳松伶演因 鴛鴦醜面遭男友拋棄而傷心墮樓,雖然 毀容但手術後竟變成絕色美女, 仲畀曾航 生( 左 )發掘訓練成廣告明星,最後同工友鄭伊健共墮愛河。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

93年 輕輕撫粉臉

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

93年陳松伶替某偶像雜誌創刊號影咗張靚靚相,呢輯相以爆光為主調,光得嚟唔淡色,松松梳咗個冬菇頭輕撫 粉臉 , 動人又美艷 。

94年 少女回眸

呢張94年影嘅相,陳松伶回眸一笑,少女味濃。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

95年 長期男友

鄭伊健同陳松伶共合作六次 ——《 蜀山奇俠之仙侶 奇緣》《月兒彎彎照九州》《 92鍾無艷》《婚姻物語》《 笑看風雲 》《 新包青天之劫聖旨 》,係經典最佳螢幕情侶之一,95年再冇合作嘅兩人重聚即合照留念。

童你一起長大了|「兒歌天后」陳松伶驚喜亮相 網民指認唔出
(圖片來源:新傳媒照片庫)

即時回顧:

陳松伶人生低谷幸遇老公張鐸

繼2016年復出拍攝《全職沒女》 ,陳松伶19年再次出演無線新劇《福爾摩師奶》,劇中她飾演一位於貧窮家庭出生的女生,立志脫貧進入上流社會。原本以為跟隨心愛的人嫁到中環,成為有大屋、管家,衣食無憂的爵士夫人。怎料老公為保命棄之不顧,結果陳松伶唯有屈就於油麻地,重新適應新生活。

《福爾摩師奶》劇照陳松伶
圖片來源:TVB 《福爾摩師奶》劇照陳松伶
000009494231_1491553425
在電視劇《全職沒女》中飾演「天生愛情狂」-羅麗晶,演技大受好評!圖片來源:TVB 《全職沒女》劇照陳松伶

遭家人出賣 離家出走

鏡頭之外,松松在現實中的經歷卻恰恰相反,雖然童年慘遭至親出賣,後來又被好姊妹騙去積蓄,之後經歷父親離世,經歷種種人生低潮的她更一度患上抑鬱症。1986年,當時年僅15歲的陳松伶參加歌唱大賽獲冠軍,成功簽約無線TVB。1989年,主演電視劇《天涯歌女》,飾演女一號周璇,一炮而紅。1994年 主演《笑看風雲》,飾演女主角林貞烈。1995年,拜台灣音樂人劉家昌為師,是劉家昌在香港收的第一個學生,並為其取藝名陳松伶。傳聞因為陳母迫她放棄學業、全身投入演藝圈賺錢養家,令陳松伶心灰意冷,決意離家出走,與家人斷絕來往20年。

1989年 與黎明合演TVB劇集《天涯歌女》一炮而紅
1989年 與黎明合演TVB劇集《天涯歌女》一炮而紅圖片來源:TVB《天涯歌女》劇照
1998年接拍了台慶劇《金玉滿堂》,角色深受觀眾熟知與喜愛。
1998年接拍了台慶劇《金玉滿堂》,角色深受觀眾熟知與喜愛。 圖片來源:TVB《金玉滿堂》劇照

再被好姊妹騙去全部積蓄 差點瞓街

與家人鬧翻後,她寄居在契媽家中,與兩個契家姐情同姊妹 。陳松伶與兩位契姐姐生活的15年間,的確備受呵護,陪進陪出做埋貼身保母,感情猶如親姊妹。她將唱歌拍戲所賺回來的一分一文,全跟這家人共用,沒有留一點私己錢給自己,信任度好比血脈之親。關係好時,當然沒有問題,但05年,突然急轉直下,這家人將她踢出門口,還講明不能帶走任何東西。所有血汗錢化為烏有,她尚能看開,但感情被出賣,才教她痛心疾首,死去活來,突然無依無靠,一度方寸大亂。

《飛短留長父子兵》劇照
圖片來源:TVB《飛短留長父子兵》劇照

「所有片酬會入落大家個pool度,然後我就唔理,佢哋會幫我交學費,我話想買邊幾本書,佢哋會買俾我,衫更加唔使我care,我係一個好隨便嘅人,佢哋買乜,我咪着乜囉,出騷衫亦係佢哋搞掂,所以生活上我有一個缺失,就係唔識照顧自己。「但原來有一日佢哋會突然唔鍾意你,唔會再理你嘅生死,將我踢出佢哋嘅圈子,嗰時啱啱新年,感受特別深。」當時陳松伶身無分文,沒有積蓄,身上的現金也不多,只帶走幾件簡單衣服和內衣便被趕出家門,差點要瞓街,甚至連自己卵巢腫瘤的手術費都無法支付。其實這件事上,她也有責任,就是不懂保護自己而種下禍根。

{"IPTC-DATA":"NMG","data":{"photoID":1922780}}
圖片來源:舞台劇《雪狼湖》

跌落低谷 患上抑鬱症

跌落低谷的她再也撐不住了,最終確診患上抑鬱症。陳松伶曾有過打算自殺尋死,了結煩惱的想法:「嗰陣唔敢將件事講出嚟,好羞家,尤其係藝人。每天都係風光嘅開始,積積埋埋變咗一個好大嘅黑洞,陷入當中完全企唔返起身。好無助,不停問點解會令自己陷入咁嘅地步,不斷反思、質疑自己,到最後去到唔健康嘅狀態。」患上抑鬱,只能靠吃藥看醫生度日,而在同年,爸爸突然離世,給她帶來更沉重的打擊。陳松伶話最嚴重的時候連人都不想見:「嗰段時間我連出門口都會反覆掙扎半日、心跳加速,所以同朋友冇再聯絡。」她足足用了兩年時間去療傷和尋找自己,上天是公平的,也給她與真正家人和好如初的機會。

相隔20年重遇胞妹 和家人打破隔閡

「其實我係一個好down to earth嘅女仔,八歲已經識煮飯煲湯、修理水喉電掣,屋企仲有一大棚細佬妹同表弟妹等我照顧,幫佢哋洗尿布,只係呢種能力被腰斬咗,咪重新學囉!」陳松伶與真正家人重聚的經歷也很有趣,應該是整定。「有次行行吓街,有個女仔埋嚟問『你認唔認得我?』我以為係fans,但唔夠兩秒鐘,我就望到佢個樣同我好似,尤其嘴同鼻,但佢已經亭亭玉立,我問佢『你係咪我個妹媚媚呀?』」相隔多年,終於一家團聚。

陳松伶靠信仰解開過去的心結。(圖片來源:陳松伶微博)
陳松伶靠信仰解開過去的心結。(圖片來源:陳松伶_adiaChan微博)

遇上暖男苦盡甘來姊弟戀修成正果

正值人生低谷,陳松伶最後沒有放棄,決意離開香港,轉戰內地拍劇,希望可以賺回失去的一切。萬萬沒想到一個決定,變成其未來幸福生活的關鍵。07年她接拍內地電視劇《血未冷》,邂逅比他小8歲的同劇演員張鐸,兩人一拍即合,但愛情萌芽的同時,松松亦曾因兩人年 齡相距八年而卻步,據知情者透露:「知道咗張鐸細自己咁多,松松都 嚇咗一跳,根本唔敢行多一步!好彩張鐸唔肯放棄,最後都打動到松 松!」張鐸的堅持成就這段幸福婚姻,他窩心的一句:「你為何唔試就 害怕?」令松松深受感動,婚後松松更因老公而改變對生兒育女的觀 念。她曾這樣表示:「以前冇諗過會結婚,以為自己會孤獨終老,更加 冇諗過生仔,但遇到伴侶之後,自己好想同老公生BB !」 無懼年齡差距 雖然年齡相差接近九年,但39歲張鐸思想成熟,陳松伶更形容老公更像哥哥多一點,就算兩人因工作兩地分隔,每日都一定會同對方視像傾偈,增進感情。

《血未冷》劇照
圖片來源:《血未冷》劇照

雖然松松曾憂慮「姊弟戀」而婉拒對方,但因對方堅決表示「其實沒甚麼好怕」,給予她勇氣去發展這段戀情。雖然有年齡差距,但女的單純,男的早熟,思想溝通並無問題。不被看好的姐弟戀,終修成正果,二人於2011年註冊結婚。

被求婚嚇到死

陳松伶 與張鐸的年紀始終相差8年,溝通不會有問題嗎?「當 初我一聽到佢話自己廿幾歲,個心即刻跌落地,心諗『唔通內地artists鍾意報細數?』講真佢個樣真係唔似,我覺得自己似細佢十年多啲囉!嗰刻我已經想 縮沙,但佢話『我講過照顧你,就會照顧你一世。』其實最大問題係佢屋企人介唔介意我大佢哋個仔咁多,好彩佢喺屋企係皇帝,佢話一,冇人敢話二。」於是愛苗 慢慢發芽成長,這套劇亦曲終人散,不過他們的故事才剛剛開始。

9e7fac3cjw1f8akuyll2mj20zk0qo7b0
(圖片來源:陳松伶_adiaChan微博)

「之後我去北京拍,佢去大連拍,因為佢實在太擔心我,寧願每日搭一個鐘頭飛機返北京搵我,入閘出閘車程計埋三個鐘,點會唔感動吖!」那他向你求婚時,又感動嗎?「嚇 死我就真,佢嗰晚約咗我去天安門附近食飯,仲叫我着靚啲,點知嗰日我同水喉師傅喺屋企搞到嗌交咁滯,邊有心情扮靚,去到見到佢着晒西裝已經好驚訝,食食吓 飯,waiter突然遞紮花俾我,然後佢就求婚喇,我同佢講如果想我長命啲,以後唔好再搞咩surprise,哈…哈…」唔知張鐸有冇少少好心着雷劈的感 覺呢?愛這個女人,就要愛她的傻。

老公畀足安全感

陳松伶 表示,中港兩地男星的文化差異不少。「譬 如當年拍《血未冷》,我哋啱啱識,老公就同我講中國歷史,香港男artists講玩講食就多啫!而且可能大陸嘅狗仔隊唔係咁盛行,佢唔會特登同我保持距 離,譬如有次佢見我凍到縮吓縮吓,即刻將佢身上嘅羽絨披喺我身上,嗰刻有啲觸動,覺得呢個男仔真係好細心、好識照顧人。香港男演員怕傳緋聞通常唔會咁做, 所以老公俾我好大嘅安全感,好有吸引力。」咁又係,香港男仔比較現實,對你冇意思時,就話當你是兄弟,僭台詞即是叫你自己顧自己!

童你一起長大了|「兒歌天后」陳松伶驚喜亮相 網民指認唔出
(圖片來源:陳松伶_adiaChan微博)

老公陪伴度過陰霾

早前,陳松伶出演內地綜藝節目《跨界歌王》上演唱《那個男人》時,在節目上深情告白老公,指丈夫不只是她的另一半,更似是恩人。松松透露當年自己治療抑鬱症時,老公每天努力工作讓她安心在家養病,足足有4-5年時間。「我相信身邊全部的人都以為我是瘋子,只有他一個人相信我。」陳松伶感謝老公對他不離不棄,直到有天她發現書桌上有一個她的「養老計劃」,是他們40年後的計劃。原來張鐸早就認定陳松伶,希望用行動去感動她,讓她安心,終於陳松伶病情好轉了,重新振作起來。

童你一起長大了|「兒歌天后」陳松伶驚喜亮相 網民指認唔出
(圖片來源:陳松伶_adiaChan微博)

嘗試人工受孕 為老公繼後香燈

結婚8年,二人時間在微博晒恩愛,出席活動更是形影不離。松松喜歡小朋友,而且張鐸是獨子,對生小孩都有著期望。陳松伶 與老公一直希望有小朋友,甚至婚前在美國冷藏卵子為生小朋友做準備,可惜松松曾患卵巢腫瘤更因患卵巢瘤做婦科手術,令懷孕機會極微,不過,為了同張鐸有自己愛情結晶,松松亦用盡努力,婚前就曾同老公到美國做冷凍卵子,嘗試人工受孕。據知情者透露:「婦科手術之後醫生已經同松松講過,佢懷孕嘅機會好低,呢件事對松松打擊好大,不過嗰時佢冇拍拖,唔會有太大壓力,但自從識到張鐸之後,佢睇法唔同晒,為咗生BB,佢諗過好多方法,只要有一絲希望都會 試,除咗人工受孕,佢亦諗過想搵代母,但係最後都唔放心而打消念頭!」

童你一起長大了|「兒歌天后」陳松伶驚喜亮相 網民指認唔出
(圖片來源:陳松伶_adiaChan微博)

有意領養

其實早於16年,松松已同老公去過 天津兒童福利社探訪殘障兒童,為領養鋪路。首次做探訪的張鐸對住一班天真無邪的殘障孤兒深受感動,對領養亦由抗拒變成支持。據知情者透露:「張鐸本身好抗拒領養,始終佢性格比較大男人,好想同老婆生自己嘅BB,不過,佢見到老婆好努力想幫自己圓夢,反而覺得好心 痛,唔想太太再為咗生仔承受咁大壓力,覺得最緊要係老婆健康行先,小朋友係上天恩賜,張 鐸已經唔再勉強,特別係探訪之後,佢被松松愛心感動,見到一班孤兒身世咁可憐,亦覺得如 果可以畀到愛佢哋,都係一件美好嘅事!」陳松伶 一直有助養小朋友,早前曾表示有意領養孤兒,特別是領養身體有殘疾的小朋友,希望給他們一個溫暖的家。唯老公張鐸對領養殘疾小朋友有點抗拒。 陳松伶說會透過溝通慢慢改變老公的觀念,而自己亦會好好考慮清楚是否領養身體有殘疾的小朋友。

童你一起長大了|「兒歌天后」陳松伶驚喜亮相 網民指認唔出
(圖片來源:陳松伶_adiaChan微博)
{"IPTC-DATA":"NMG","data":{"photoID":1871681}}
(圖片來源:陳松伶_adiaChan微博)

 

因膝下無子 陳松伶從未被奶奶讚過

早前在內地真人騷節目《婆婆和媽媽》第二季中,陳松伶都有參與其中,在其中一個張媽媽(張鐸母)的訪問中,已經可看得出她與陳松伶的關係緊張。因為當她(張母)做完自我介紹後,不斷讚美對兒子張鐸,反而對新抱陳松伶隻字不提,張爸爸聽看不過眼,忍不住為陳松伶護航:「你老是誇你張澤,那他找的對象松松呢,怎麼沒聽你誇她?你不偏心嗎?在我心裡,松松優點很多,但我沒聽你說過一句好話。」張媽媽頓時語塞,表情苦惱,然後指張爸爸離題。

網民猜測婆媳問題與一原因有關

陳松伶與奶奶的婆媳關係引發網民激論,紛紛為陳松伶抱不平,認為張媽媽太過分:「我都快看不下去了」、「松松也太可憐了」、「簡直令人窒息,那怕老公再好都沒有用,不想要這樣的婆婆」有網友猜測,張媽媽冷落陳松伶,可能是因為她嫌棄陳松伶年紀比張鐸大8歲,而且介意陳松伶曾因為患過卵巢瘤,做了切割手術,影響生育,結婚10年仍膝下無兒。雖然婆媳關係緊張,不過張鐸非常貼心,沒有一味聽媽媽的說話,反而教陳松伶討好媽媽,講一些歡迎媽媽的話語,例如:「讓我們把過去的一切不美好都埋葬了吧。」

你可能也喜歡