42歲楊思琦老公是誰?隱形老公身份成疑 被網民質疑大話冚大話

42歲楊思琦老公是誰?隱形老公身份成疑 被網民質疑大話冚大話

42歲港姐冠軍楊思琦,2012年遇上吳帥空心老倌,未婚大肚有了大女(楊卓穎),更母兼父職獨力撫養女兒。沒想到,去年她又再度懷孕,有指BB生父是圈外人,二人已在19年在美國註冊結婚。今年2月兒子Kody出世,與家姐一樣都是姓「楊」。整個結婚生仔過程,楊思琦老公從未曝光,簡直像一個謎!日前她接受訪問再被追問隱形老公身份,楊思琦繼續避談,一時指老公不用幫手湊仔,一時又說囡囡穎穎靠whatsapp同後父溝通。網民即圍插楊思琦說謊:「根本冇老公,呃得一時呃唔到一世,不如話自己單細胞繁殖可能仲可信!」。

撰文:東方新地 圖片:楊思琦IG、楊思琦微博

楊思琦首新歌〈仲夏陽光〉是日劇《夏空》的港版主題曲,相隔一年再入錄音室錄歌,楊思琦表現興奮,近日更四出為新歌做宣傳。
楊思琦首新歌〈仲夏陽光〉是日劇《夏空》的港版主題曲,相隔一年再入錄音室錄歌,楊思琦表現興奮,近日更四出為新歌做宣傳。
去年被爆再度懷孕,楊思琦表示與圈外男友早在去年已結婚,不過老公身份卻是個謎。
去年被爆再度懷孕,楊思琦表示與圈外男友早在去年已結婚,不過老公身份卻是個謎。

楊思琦扮搵到幸福

42歲的楊思琦當年遇人不淑,錯愛吳帥誕下女兒穎穎,她咬實牙關帶住囡囡由美返港,努力搵錢養家,去年再懷上第二胎,經手人身份不明,她卻對外扮幸福話自己與一位圈外人已婚,老公姓乜名乜隻字不提,由懷孕產檢到入院生仔,老公都冇出現過,最吊詭是阿仔都係跟阿媽姓,咁楊思琦同個男人結婚為乜?

今年初楊思琦產前帶埋囡囡穎穎去影大肚相,老公都係冇現身。
今年初楊思琦產前帶埋囡囡穎穎去影大肚相,老公都係冇現身。

楊思琦出新歌做宣傳

楊思琦產後繼續頻撲工作搵錢,阿媽就幫佢湊仔女,去年轉型做歌手的楊思琦,早前新歌〈仲夏陽光〉面世要做宣傳,她接受訪問時難免會被追問隱形老公究竟是何方神聖,任由楊思琦怎樣有備而來,答案始終有漏洞,甚至完全
解釋不到,不過楊思琦繼續遊花園自圓其說。

隱形老公唔現形,楊思琦繼續工作養家冇停過,去電台做節目都要湊埋囡囡同行。
隱形老公唔現形,楊思琦繼續工作養家冇停過,去電台做節目都要帶埋囡囡同行。

楊思琦強調尊重老公

楊思琦被追問老公為何要這樣神秘唔見得人,她笑言老公唔係呢個圈的人,所以唔會習慣這種模式,想他以舒服為主。記者指楊思琦能夠將丈夫的消息做到滴水不漏,保密功夫相當耍家,特意向楊思琦請教當中秘訣,她想了一想話冇特別,都係順其自然,想尊重老公,冇話刻意想去公開,更提到冇得晒恩愛亦不會感到難受。

>>>42歲楊思琦白滑露背長裙超索 笑言屋企非常熱鬧 大爆囝囝與爸爸趣事

楊思琦話細仔Kody比較難湊,要用多些體力,搞到她對手都有傷患,佢仲話老公從來都唔使幫手湊。
楊思琦話細仔Kody比較難湊,要用多些體力,搞到她對手都有傷患,佢仲話老公從來都唔使幫手湊。

楊思琦嬲豬拒絕再講

楊思琦口中的老公隱形到底,辛苦生仔無老公陪,生完繼續做家庭經濟支柱,對於老公有冇幫過手湊仔,楊思琦話佢唔需要幫手湊,結完婚仔都生埋,個老公可以對頭家毫無貢獻,真係好爆!講到囡囡穎穎點同後父相處,楊思琦竟然
話個女會同後父用whatsapp傾偈,記者再銳多一銳,叫楊思琦分享一下老公對佢做過最感動的事,她即拉閘放狗拒絕再討論。崩口人忌崩口碗,楊思琦畀人問到口啞啞根本冇得兜,網民插爆佢係大話精,質疑楊思琦老公從來無確實存
在過,甚至猜測她不知道兒子生父是誰。

楊思琦話囡囡穎穎叫後父做爸爸,不過就靠whatsapp傾偈,今年父親節仲叫穎穎畫畫po上網,咁究竟係送畀生父吳帥定隱形後父?
楊思琦話囡囡穎穎叫後父做爸爸,不過就靠whatsapp傾偈,今年父親節仲叫穎穎畫畫po上網,咁究竟係送畀生父吳帥定隱形後父?
網民心水清,質疑楊思琦同隱形老公根本唔係一齊住。
網民心水清,質疑楊思琦同隱形老公根本唔係一齊住。
楊思琦假扮有老公,原來全世界都知。
楊思琦假扮有老公,全世界都知。
隱形老公唔使湊仔又唔使孭起頭家,楊思琦老公真有其人?網民普遍認真可信性勁低。
隱形老公唔使湊仔又唔使孭起頭家,楊思琦老公真有其人?網民普遍認為可信性勁低。
網民覺得楊思琦一開始已經在講大話,講到連自己都呃埋。
網民覺得楊思琦一開始已經在講大話,講到連自己都呃埋。
囝囝出世大半年爸爸都冇出現,網民都戥小朋友心傷。
囝囝出世大半年爸爸都冇出現,網民都戥小朋友心傷。

你可能也喜歡