朱千雪臨盤在即挺巨肚參加麥明詩婚禮 美貌勝同場歷屆港姐
麥明詩與盛勁為的婚禮盛事連場,從元朗「盛村」的傳統盆菜宴再轉戰西式婚禮,一連三場的慶典,非常有睇頭之餘現場更星光熠熠,除了邀請前男友林作的媽媽為焦點外,圈內圈外都相當多好朋友出席,包括昔日TVB同事朱千雪都有出席婚禮,昨日(3/29)朱千雪就在社交網分享了婚禮相片,麥明詩更隨即留言感謝對方的出席!
朱千雪臨盤在即挺巨肚參加麥明詩婚禮
現年35歲的朱千雪臨盤在即,挺著巨肚與老公吳昆倫(Justin)出席婚禮成為全場焦點,昨晚(3/29)朱千雪就在社交網分享婚禮的照片,她穿著貼身的橙色連身裙,令巨肚相當搶眼。她亦再次向麥明詩和盛勁為說聲恭喜,麥明詩亦在凌晨時分回應感謝對方出席,更稱呼對方同為法律界女神為「師姐」:「thank you, my dear 師姐 and source of inspiration」,陳凱琳亦有留言:「Everyone’s glowing」,另外更有不少人大讚朱千雪「面依然好瘦,靚媽」,更有網民猜測她應該是陀女,因為靚樣依然。
![0](https://imgs.orientalsunday.hk/wp-content/uploads/2024/03/tracytschu_1711725806_3334520208756268058_268532030_7525006776607b8f1b82bf.jpg)
![0](https://imgs.orientalsunday.hk/wp-content/uploads/2024/03/tracytschu_1711725806_3334520208756211196_268532030_18320657406607b8f09ad7f.jpg)
朱千雪今年1月宣布懷孕
朱千雪與老公吳昆倫(Justin)結婚已超過4年,在今年1月宣布懷孕,而被發現在去年12月出席馬國明與湯洛雯婚禮時,合照中她已刻意用花球遮肚,當時回應傳媒時說:「有好消息會公布」,不久後就在社交網宣布懷孕。
![0](https://imgs.orientalsunday.hk/wp-content/uploads/2024/03/w1200-26_6693385976607b8a58f971.jpeg)
![0](https://imgs.orientalsunday.hk/wp-content/uploads/2024/03/tracytschu_1704099453_3270545722003189960_268532030_13720242966607b9dd7bfe8.jpg)
![0](https://imgs.orientalsunday.hk/wp-content/uploads/2024/03/tracytschu_1708138154_3304424799165981251_268532030_19963147916607b9dc257be.jpg)
朱千雪自爆陀B犯孕婦最大禁忌 為1原因遲遲唔公開BB性別
朱千雪與圈外男友結婚多年,在踏入2024年1月1日,朱千雪突然在IG宣佈即將做媽媽。她早前(1/11)出席活動依然臉仔細細、非常精神,完全唔似已經陀B五個月。朱千雪在接受訪問時大爆陀B趣事,更指因犯下孕婦1大禁忌所以超驚青!
![朱千雪 巨肚](https://imgs.orientalsunday.hk/wp-content/uploads/2024/01/hsbc-premier-elite-event_tracy-chu_1092845913659ff6eb608d0.jpg)
朱千雪為1原因唔公開BB性別
朱千雪今晚接受傳媒訪問時被問到BB的性別,不過朱千雪就非常口密,未有透露BB的性別,她解釋指:「遲啲就會講啦,因為爸爸媽媽仲係加拿大,所以我等埋佢哋返嚟先一次過話畀大家知。」朱千雪表示雖然懷孕初期稍有不適,但現階段都尚算精神,並且會等媽媽從加拿大回港後開始添置BB用品,媽媽亦會留下來陪月。
大讚老公超貼心 享受女皇級待遇
朱千雪表示懷孕期間感到非常幸福,身邊的親朋戚友都對自己好好,連去旅行都不讓自己親自拎行李。朱千雪更特別大讚老公貼心:「佢不嬲都好好嘅,但行得多嘅話就會就我。又或者佢會問我想食咩,都會話『你想食咩我即刻去買畀你啦!』都幾好,都幾幸福,哈哈。」當被問到老公有否幫朱千雪按摩時,朱千雪就笑指兩公婆都唔太識呢方面,所以在懷孕初期都特別小心,所以唔敢畀老公幫手按摩。
![朱千雪 巨肚](https://imgs.orientalsunday.hk/wp-content/uploads/2024/01/image-5735774_1740803953659ff2cc3f89d.jpeg)
朱千雪陀B五個月 犯孕婦1大禁忌超驚青
身為新手孕婦的朱千雪坦言自己咩都唔識,在懷孕初期更曾經犯下孕婦1大禁忌,表示超驚青:「最驚啲人話呢啲做得,呢啲唔做得,問完先知道原來已經做咗幾個月,成日都會自己嚇自己。譬如嗰日有人叫我唔好用鉸剪,但我就話『吓,但我日日都有嘢unboxing喎,每日喺屋企就係到剪啲package喎』」。不過朱千雪就表示老公會從旁安慰自己,指「冇嘢唔好其實就係好事」,叫自己唔好咁擔心。
![朱千雪 巨肚](https://imgs.orientalsunday.hk/wp-content/uploads/2024/01/vs-youtube-5viu1-350_1267999843659ff3f354526.jpg)
已感受到身材變化堅持繼續工作
雖然朱千雪已經懷孕五個月,但依然臉子尖尖、非常上鏡。不過朱千雪就指因為上班要穿西裝,所以已經開始感受到身材上的變化:「宜家啲西裝會開始由扣到鈕,變到扣唔到鈕;啲褲又由本身要扣皮帶到宜家唔洗,所以每個禮拜都會感受到。」雖然感受到身材上的變化,但朱千雪就沒有特別磅重,並表示無論幾重都好,最緊要係BB健康。此外,朱千雪指會堅持返律師樓同去大學教書,會到last minute先放產假,認真夠曬敬業!
![0](https://imgs.orientalsunday.hk/wp-content/uploads/2024/03/tracytschu_1709464446_3315550544105792760_268532030_4866233946607b9dabe8d4.jpg)
![0](https://imgs.orientalsunday.hk/wp-content/uploads/2024/03/tracytschu_1711261055_3330621591258130271_268532030_18880551126607b9d970972.jpg)
朱千雪屢次被讚親民?
日前,有網民在溫哥華偶遇朱千雪,指當天朱千雪正和幾名友人同行被樓主發現,於是樓主便怯怯地上前詢問,之後朱千雪做出一親民行為。
朱千雪與老公門當戶對?
朱千雪具有女神6大「完美特質」,因而成功將家底豐厚醫生老公收服,曾分享過他們的浪漫相識過程。