吳若希不滿農莊公開照片作宣傳照 要求Facebook專頁刪相 惹網友圍剿:以為自己大明星
吳若希(Jinny)一直都是網民的話題人物,向來都語出驚人 。日前她與生日的女兒到元朗一間農莊遊玩,其後農莊上載一張Jinny的單人相並留言:「多謝吳若希昨天一家大小到訪菠蘿園。」以答謝到訪。怎料Jinny突然留言,並惹網友熱議。
文:東方新地 |圖:有機薈低碳農莊facebook、吳若希IG|原文十中弓於
吳若希下令農莊facebook專頁刪相 惹網友熱議
近年活躍於社交網的吳若希(Jinny),不時大方po相po片同粉絲分享。不過,日前有個叫「有機薈低碳農莊」facebook專頁,上載了張張Jinny的相片以答謝她到訪,並簡單表示:「多謝吳若希昨天一家大小到訪菠蘿園」。
下令農莊facebook專頁刪相
怎料卻惹起Jinny不滿,更在專頁留言:「相片未經授權公開,請盡快移除」。事件隨即引起網友熱烈討論,紛紛回覆Jinny留言:「好大的官威」、「以為自己大明星?」、「人哋幫你宣傳執到啦」等等,最後該農莊專頁將貼文刪除。
事件不斷發酵,Jinny便在自己的Instagram Story不忘「自抽」一番。
YouTube狂數老公缺點
吳若希(Jinny)近日積極經營其個人YouTube頻道,每個星期都推出一條新片谷人氣,為了增加點擊率,連同老公之日常都公開同網民分享。吳若希話好多YouTuber都有做「你問我答」環節的影片,因此她也決定拍片回答大家的Q&A。片中Jinny講到老公Alex,吳若希就開始表現激動,否認自己不讓老公打機,更話自己係鼓勵老公打機,她說:「我成日都同佢講,你去打機啦,加油!加油!加油!咁樣講㗎!」她又解釋:「其實唔係唔畀佢打機,但起碼要分到啲時間畀我同小朋友,做完嘢唔瞓覺去打機係冇問題㗎。」
而被問到「何生的三個缺點」時,吳若希就滔滔不絕狂數:「唔同我傾偈、批我肘、唔畀我磨腳腳,唔磨腳腳真係瞓唔到,我已經講咗十次⋯⋯下刪100個字。」而當被問到是否有打算過與老公離婚,她直言:「有,絕對有,日日都諗!」仲叫人撳住佢啲怒火!
講到出道至今面對種種負評以及人身攻擊,點樣走過?吳若希笑言:「我會諗吓呢樣嘢會唔會令我少咗忽肉、會唔會令我少咗錢先。如果唔會嘅話就由得佢,So far錢冇少到、肉又冇少到,咁佢唔鍾意我,我都可以唔鍾意佢,咁我咪唔鍾意佢。」
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。