小朋友搭巴士唔使畀錢？港女斥小童無付車資不應霸住個位 直指違反巴士附例！
小朋友搭巴士車資惹爭議，最近網上有一名女網友在facebook討論區「屯門公路塞車關注組」中大呻巴士中的小童沒有給車錢卻有位坐，反而自己給足車錢還要站在車上，帖文一出即惹來網友激烈爭論。即看看事件的來龍去脈，到底小朋友搭巴士不付車資佔座位又有沒有違反巴士附例呢？
原文刊於：Sunday Kiss｜資料來源：「屯門公路塞車關注組」｜圖片來源：「屯門公路塞車關注組」、shutterstock｜編輯：Heidi
港女斥小童搭巴士唔使畀車錢又霸住個位
近日，一名女網民於facebook討論區「屯門公路塞車關注組」發文，她問網民有沒有試過見到全巴士餘下一個座位，以為無人，但走近才發現有BB或小童正坐在座位上。女網民覺得自己明明有付費，卻被免費搭巴士的BB或小童佔用座位，感到很不公平：「唔使畀錢但係又霸咗個位， 真係火都滾呀！第一次留言， 唔啱聽嘅鬧吓好啦，唔好打臉啊！」
媽媽網民感難受訴苦況
帖文引來不少網民留言，有人指女網民或許沒有搞清狀況：「你點知人哋無幫個小朋友畀錢？」女網民回覆，指自己只是猜測其父母九成沒有為BB或小童支付車費。
有媽媽網民批評女網民未曾有小朋友，不懂設身處地為其他父母著想，第一，小朋友疲倦時會容易發脾氣，怕會騷擾其他乘客；第二，當家長拿著一袋二袋餸菜，又要拖實小朋友，如果坐長途車，企足全程，對家長同小朋友來說都會很辛苦。她們斥罵女網民與小朋友計較，為人小器，亦不懂包容別人：「睇嚟你冇仔女」、「小朋友唔係人咩？」、「個位你寫咗名？」、「唔好同小朋友爭位坐啦」有人則反問女網民：「咁老人家畀$2，係咪要坐屋企人大髀，或者地下？或者一張凳兩個長者分？」
另外，有媽媽網民表示曾經帶過未滿四歲的女兒搭巴士，為免被人指手劃腳，她當時有為女兒支付車費，怎料被人懷疑她沒有付車資，要求她拿出證據：「有人嚟挑機話個細路無畀錢，然後我叫佢落去搵司機問，叫佢唔好打我女個座位主意。其實點都好，畀錢唔畀錢都總有啲人會睇唔過眼。」由此可見，身為父母面對這個兩難情況其實也很無奈，希望大家多給予點同理心，不要事事放上網公審。
港女以巴士附例反駁
惟該名女網民反駁，根據香港現時巴士附例每位成人乘客可免費帶同最多兩名四歲以下，而且不佔座位的兒童乘車。她認為BB或小童不需收費，但已經佔了座位是違反巴士附例。她建議家長們可以將未滿四歲的仔女放在大腿，讓出座位：「我知唔畀錢，要坐阿媽大髀，唔可以霸佔一個位。」
部分打工仔網民支持該女網民，他們表示返足全日工，身心極之疲倦，放工搭車的確想找個座位好好休息，若果見到BB或小童有位坐，心裡面會發牢騷：「返一日工好攰，希望啲家長喺人多時抱住小朋友，讓個位出嚟」、「試過司機話樓上好多位，點知都係小朋友坐咗，想落番樓下又塞住咗」。
