原文刊於：東方新地｜圖片來源：東方新地、新鴻基地產

傳湯洛雯馬國明明年結婚有望

湯洛雯馬國明愛得高調又甜蜜，二人一早表明以結婚為大前提，而靚湯早前放聲氣指唔會閃婚，因為婚前亦要先買樓，而馬明亦明言會努力賺錢。今日有雜誌爆料馬國明已求婚成功，順利過了靚湯父母嗰關，並指婚期在明年初，更指去年湯父湯鎮宗以靚湯之名購4,581萬元的馬鞍山雲海別墅中的Lily Avenue逾2,000呎別墅單位，本來打算湯家四口搬去住，不過現在湯鎮宗順利成章送給女兒當嫁妝。更有指馬國明湯洛雯已向公司匯報婚事，而TVB亦為二人找來婚禮贊助，可喜可賀﹗

馬國明湯洛雯婚事望在疫情後

馬明與靚湯一直被懷疑已婚及即將會閃婚，搞到二人要連番澄清，靚湯出席公開活動時強調未有結婚打算，亦堅拒閃婚，她說：「我們都是有計劃的人，之前受訪話不排除會閃婚都是講笑，結婚要計劃好多，起碼父母要知道，又要買樓，暫時我們想儲錢，當初拍拖都講過以結婚為前提，都幾多歲啦，不會玩了。」

馬明與靚湯愛得坦蕩蕩，拍拖唔夠一年已承認曾商討婚姻大事，二人見過雙方家長，關係穩定有共同目標，看來好事不遠，據知情者透露：「馬明就快50歲喇，唔結等幾時，難得靚湯都對佢死心塌地，仲話結婚生仔係下一步，唔好夜長夢多喇！佢哋都想疫情後先大搞，有計劃出年成事！靚湯有家底，佢爸爸湯鎮宗亦手持過億物業，但靚湯想婚後同馬明有屬於自己嘅安樂窩，最近佢哋都睇緊樓，揀定心水地區，等個市稍為回落就去馬，錢嗰方面都唔大問題，靚湯屋企大把，馬明亦搵到。」

為老爺奶奶肯讓步 湯洛雯馬國明港島區築愛巢

圈中不少情侶成家立室後，都搬去港島區名校網，方便日後子女返學，好像陳豪陳茵媺一家，由大埔比華利山別墅搬去港島南灣豪宅，不過住開九龍區的靚湯竟為了未來奶奶與老爺，有意在港島區築愛巢。

湯洛雯馬國明齊齊地産門外研究豪宅

自小在馬鞍山長大的靚湯，近年搬到紅磡住，她深知馬明與家人同住在太古城多年，再加上馬明侍母至孝，不想婚後離家太遠，所以她亦作出讓步，知情者說：「靚湯同馬明有晒共識，知道佢住開港島唔想離屋企太遠，得閒可以成日返去探兩老，所以最近特別留意港島區啲樓。」早前本刊見靚湯路過地產舖亦駐足研究淺水灣一帶的樓盤，現場所 見， 她 對 住 全 部 億 億 聲 的 賣 盤 單位，不停手指指意見多多，馬明就細心聆聽間中回應一兩句，看來靚湯對淺水灣的豪宅頗有興趣，不過馬明睇到個銀碼個心應該怯一怯。未來老婆想住淺水灣，馬明要再加把勁喇！

33歲湯洛雯過億富爸大起底

靚湯爸爸是資深藝人湯鎮宗，1981年無綫電視第八期藝員訓練班學員。他在1980年代在邵氏電影公司出演角色，其後簽約亞洲電視演出劇集。

1990年代開始在中國內地拍戲，成為首批前往內地發展的香港演員之一。多年來投資「磚頭」有道的他，現時一家手持過億物業，去年靚湯亦一掟四千五百萬買入馬鞍山雲海別墅。