銀幕CP

總有一對你會覺得好襯!盤點網民心中永恆的銀幕CP (陸浩明、肥媽VS 森美、小儀)

娛樂資訊

你心中有曾經認為某些銀幕CP其實是真實CP嗎?無論當事人再極力否認,我們都會覺得事有蹊蹺,而近期就有網友舉行心中永恆的銀幕CP選舉,你心目中的最佳銀幕CP有上榜嗎?

原文刊登於:東方新地|圖片來源:東方新地

1.張敬軒 王菀之

同期出道識於微時,份外啱傾又一樣有音樂抱負,張敬軒同王苑之在私係好朋友,在公都係好拍檔,歷年多次音樂合作、永遠在個人演唱會上預留一個專屬環節畀對方,呢種友誼同默契, 即使 Ivana 嫁為人婦亦不會改變。

2.陸浩明 肥媽

電視台飲食節目多不勝數,而每個「 煮 」持身邊梗有個負責下把扮無知嘅副手,而芸芸配搭之中,要數肥媽同陸浩明特別登對,無論外形、體形同聲線都成強烈對比,一凹一凸啱晒 key,淨係睇「食平D」系列無限添食,就知呢對銀幕CP幾令觀眾受落。

3.森美 小儀

森美結咗婚廿年、仔都已經十七歲就嚟入大學,而小儀就不停呻情路坎坷,而次次被飛都會責怪自己,如今49歲仲係單身。不過90年代開始兩人從電台到舞台到電視台一直係好拍檔,一高一矮一肥一瘦合作無間深入民心,所以森美小儀永遠無法分割,係永恆銀幕CP之一。

4.安德尊 李錦聯

唔理係真心不和定係為咗節目效果,婦女節目主持安德尊同婦女節目廚神李錦聯,因為唇槍舌戰單單打打令到《 今晚食乜餸 》環節突然人氣急升更成為熱門話題。照計主持人不和應該影響節目效果同收視,但呢一pair銀幕CP偏偏有種獨有喜感同火花,愈碰撞愈精彩觀眾睇得愈過癮。

5.洪永城 黃翠如

有一種登對,係全世界都認為佢兩個命中注定,總有一日會喺埋一齊。可惜洪永城、 黃 翠 如 呢 一 pair銀幕CP, 由 有 線 合 作 到 無綫,由香港走到去世界每一個角落,行到嚟今日竟然愈行愈遠,家陣翠如 BB 都結埋婚成為蕭太,而洪永城亦蜜運中,雖然各自心有所屬,但友誼長存。

6.郭可盈 陶大宇

無綫經典警匪劇《 刑事偵緝檔案 》拍咗五個系列,合作過當中三個系列嘅陶大宇最近喺訪問中,承認當年真係約過拍檔郭可盈去睇戲,可惜二人有緣無份,最後因為性格同樣火爆亦因為郭可盈身邊仲有個林文龍,所以最終只能成為好友,只可停留係銀幕CP。即使如此,大勇同「 姐匙 」永遠係一對!

7.吳卓羲 欣宜

見到吳卓羲就會醒起佢隻首本名曲〈 別怪她 〉,只要提起吳卓羲身邊嘅「 她 」,絕無意外會想起 N 年前兒歌頒獎典禮上,欣宜公主輕吻卓羲王子,而換來王子一臉難堪錯愕表情嘅一幕。其實往後多年王子同公主已甚少同場亦絕冇交流,不過呢一幕已經足夠喺廣大市民心中留下烙印,成為銀幕CP。

8.彭健新 OK仔

溫拿成員彭健新其實一早結咗婚,老婆亦都經常陪在身邊出席重要場合,不過唔知係太太多年來太低調,定係 OK 仔太過搶眼喧賓奪主,全香港冇乜幾個叫得出彭太個名,但就好似睇住 OK 仔長大一樣,年前 OK 仔過身,唔止老竇彭健新,不知幾多人為佢傷心流淚。

9.KB 火火

一個係鼓佬同板仔,一個係導演編劇同填詞人,風馬牛不相及卻因為ViuTV走在一起主持節目。不得不佩服ViuTV嘅好眼光,KB同火火嘅合拍程度恍如遇上世上嘅另一個自己,家陣唔止節目添食完再添食,仲一齊拍住上做騷接job,二人亦係網民心目中襯到絕嘅另類CP。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

Tag
TVB

你可能也喜歡

Recommended