最Sweet老婆 關詠荷 「張家輝是我的驕傲!」

最Sweet老婆 關詠荷 「張家輝是我的驕傲!」

Text| Mabel

Photo source: 網絡圖片

早前網上經典情侶投票, 關詠荷 及張家輝大熱勝出,這對戲內戲外都Sweet到爆的一對,全賴 關詠荷當年的一句:「你而家唔得啫,有邊個擔保你將來唔得啫?」 家輝今日的成功, 除了努力,更有位非常貼地的好老婆一路默默鼓勵先係重要原因!

關詠荷 及張家輝的愛情就好似拍劇一樣,真係戲如人生,人生如戲!

大家仲記唔記得 關詠荷 在《陀槍師姐》中飾演的朱素娥?

被譽為「港劇皇后」的 關詠荷 ,演出過好多令人深刻的劇集,《河東獅吼》、《苗翠花》及《陀槍師姐》等等,套套都叫好又叫座。

同好拍檔Bobby亦合作無間,好受觀眾歡迎~

關詠荷 同張家輝於90年代在亞視合作拍劇擦出愛火,Esther過檔無綫後事業如日方中,更勇奪首屆視后!雖然當時大家事業上有點距離,但 關詠荷 依然很支持男友。

而當年的一句鼓勵說話,係對家輝的一種支持及肯定!

雖然家輝亦曾經因為自卑而向 關詠荷 提出分手,更遠赴南非工作避世,直至家姐在港患病,得到 關詠荷 不離不棄的照顧,又令這對小情人再度復合。

03年兩人結束了十幾年的愛情長跑,於澳洲註冊結婚,有情人終成眷屬!

3年後誕下女兒Brittney後就淡出幕前,為家庭放棄了事業!

雖然多年來家輝都演過唔少被稱為的「爛戲」,但當中亦有令人好難忘的角色,無人會唔記得超搞笑的「化骨龍」!

努力工作兼零緋聞的好男人,終於憑電影《証人》榮膺7個影帝獎,亦為電影《激戰》苦練出一身肌肉,絕對敬業樂業!

昔日的視后見證今日的影帝, 關詠荷 開心的分享了一句:「老公是我的驕傲!」

難怪影帝得獎時都忍唔住講:「太太是一生中最大收穫!」

家輝的愛情格言︰「我就覺得,水呢,係點飲都唔會飽嘅。我只相信,貧賤夫妻百事哀,但你話我睇錢睇得好重咩?我又唔係,應該係六四咁分,愛情係60%,麵包就四成啦。」

家輝會日日同老婆、女女講我愛你,以行動保鮮,愛得實在!

延伸閱讀:

▲內外兼備! 氣質人妻 郭藹明 www.sundaymore.com/?p=373380

▲馬國明都話鍾意!絕世好女友 唐詩詠 www.sundaymore.com/?p=375027

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

More Facebook :https://www.facebook.com/morehk.hk

你可能也喜歡