港式 麵包卡路里 陷阱!! 甜餐包已經肥過一碗飯

Text: Hello Pinkey | Images: Tommy、新傳媒資料室（食物圖片只作參考 ）｜Consultant: 尚營坊營養師 Tracey Yau | Source: 新假期

麵包卡路里 陷阱逐個睇

白麵包最健康，但纖維低，升糖指數高，好快肚餓想再食。麥包纖維較白麵包高，飽肚感延長，食慾降低，提子有糖份，將卡路里提高。

叉燒包的餡料所用糖份較其他有餡包少，熱量較低。火腿脂肪不算高，但雞蛋用油來煎，所以腿蛋包有1.5 茶匙油份，驚驚地。腸仔包的卡路里相對不高，但腸仔是加工食品，鈉質偏高，還是少食為妙。

諗住食齋包無咁肥？唔係囉！因為麵包實心，又加了牛油、糖和雞蛋製作，卡路里多過1碗飯，但脂肪量比有餡包低！

椰絲餡料有大量牛油，不但卡路里高，而且有4茶匙油份，脂肪極高。

解答!! 麵包3大迷思

1. 鬆軟麵包無咁飽肚，無咁肥？

要令麵包鬆軟，有可能是加了膨脹劑，麵粉量相對少，無咁飽肚，卡路里也相對低。不過油份也可令麵包鬆軟，例如牛角酥，吃時留意會否有大量油份殘留手上，油太多便要少吃。

2. 中式蒸包較健康？

以無餡的甜餐包和饅頭比較，前者卡路里比後者高63kcal，全因為加入了雞蛋、牛油、糖，脂肪量相對高。不過論纖維，兩者皆低，而且升糖指數同樣偏高，飽肚感快來也快去，食慾易增。

3. 麵包機自製麵包＝健康？

未必！麵包機提供的食譜，一般麵粉量多，教用油使麵包鬆軟，而且自製麵包通常厚切，都是致肥陷阱。營養師建議，以全麥粉混白麵粉延長飽肚感，糖份、牛油、果乾等份量減半。