好評如潮卻中伏了！化妝師點名 6件泰國藥妝雷品

Jun 29 2017

上次跟大家分享泰國必買專業好物後，反應十分之熱烈，唇膏同眼線筆相信會成為下次旅行嘅目標，與此同時收到好多讀者詢問有關泰國藥妝雷品，其實之前去泰國尋寶的時候都真的買了不少網上好評如潮的產品回港試用，但最後全部變晒美容廢物，今次我決定將它們一一公開，以免大家中伏。

Text: Echo Wong | Edit: Quin | Photo:Echo Wong

6件泰國藥妝雷品

這個牌子的眼線產品出名防水，不過這一支真的令人失望，其掃頭軟到不堪，完全無回彈力，想化好眼尾位置對新手來說真的很有難度，極其量只可以貼完假眼睫毛簡單用來填色，而且用不到兩次掃頭已經出現開叉問題，化眼線時仲會出現結塊嘅問題，買前大家要三思喔！

品牌為泰國知名整形醫院所推出，以零刺激、無羊脂和香料為賣點，聲稱可以溫和卸除簡單日妝，雖然使用後真的沒出現任何致敏狀況，可惜太溫和反令清潔力降低！基本的底妝都無法卸得乾淨，之後用爽膚水時，化妝棉依然殘留咗好多粉底喺度！如果長期使用雖然佢唔會致敏，但佢清潔力不足一樣會令皮膚毛孔堵塞，之後都係手尾長。

網絡好評如潮，無可否認它的清黑頭效果不太差，但用過的朋友都知道，乾後想撕下時真的十分之痛，是痛到「標眼水」那種！如果處理得唔好，絕對會拉扯到皮膚導致毛孔變得更加粗大，令皮膚更敏感，故我寧願選擇用台灣買的黑頭溶解液。

胭脂粉質地粗糙，內含的閃粉粒子太大，使用時容易出現飛粉狀況，做不到白裏透紅嘅效果，相反用完之後令皮膚更亁，幼紋容易原形畢露。

又是一個網上評價十分之高的產品，牛奶味道清香，泡沫細緻舒服，但洗面後皮膚明顯變乾，保濕方面做得不夠理想，而且美白效果並不明顯，佢只是一支比較泡沫濃密度較高的洗面奶，並無網上所說如此高CP值，如果你跟我一樣屬於偏乾性膚質，它絕對不適合你。

曾經是朋友圈內討論度很高的精華液，可惜用了一段長時間美白效果不明顯，皮膚亦沒有變得光澤，極其量只可以做到輕微的保濕功效，與品牌所稱的功效不符，唯一抵讚的是質地清爽。