Do姐再Shopping

《Do姐再Shopping》第三集 幕後花絮:陸永生日 大膽抽Do姐水

旅生看世界

廣告

《Do姐再Shopping》第三集中,今集不再只是瘋狂Shopping,而去大食時令生果同拍賣蜜瓜!由於劇組6月去日本拍攝,除了東京還到北海道,適逢水果當造,精明的Do姐當然不會放過買生果啦!但農夫又怎會乖乖地食生果,依然勁百厭,一同重溫一下今集有甚麼笑點!

Text:Cynthia|Edit:Kathy|Photo:TVB、眾星Ig、新傳媒資料室|Source:新假期

《Do姐再Shopping》 劇組窩心慶陸永生日

拍攝完東京Shopping的部分,劇組飛往北海道當天,剛好是陸永生日(27/6),陸永還在IG 上載相片,呻不能與老婆正日慶生。幸好Do姐一早知道,成班劇組買好蛋糕同佢慶祝,好溫馨!

Do姐在BigBig Channel直播給陸永驚喜,話大家一開始扮無知,給他驚喜,誰知陸永當日牙痛要剝大牙,今次真的夠驚喜!

去到醫院接陸永,Do姐要成口血水的陸永分享,還取笑他「死蠢!」生大牙都唔知。至於「慳家」翠如,就不停問「幾錢啊?」「平唔平啊?」「呢度係咪平啲啊?」認真窩心!

節目景點01:抽水陸永 拖住Do姐投蜜瓜

劇組北海道拍攝時,撞正舉行的夕張蜜瓜祭,每年都會吸引勁多當地人前往,場面好似嘉年華般歡樂,期間大眾可以超平價格競投蜜瓜,雖然現在蜜瓜已經過季,但看回他們競投時的緊張樣都好好笑。陸永仲趁亂拖住Do姐隻手抽水!大膽!

翠如被寸轉數慢又高音

全場最好笑就是翠如bb 瘋狂被寸,Do姐問她蜜瓜有甚麼不好就如實講缺點,即被農夫恥笑轉數慢!還被Do姐叫她坐開點,嫌她太高音!可憐翠如一個人孤獨地坐在一旁,如果蕭正楠可以一齊坐就好了!

期間4人參與競投蜜瓜,由Do姐控制農夫,一叫他們就即舉競投,但農夫又怎會聽話!監製大爆農夫完全不受控,亂舉牌,場面勁好笑!農夫還話Do姐好有錢,志在必得,多少錢都要,¥3,000蜜瓜一口氣叫到¥8,000!

Do姐一拍農夫就舉,農夫大呻Do姐,忍不住在鏡頭前抱怨!幸好C君提提,「夠啦!鄭裕玲望住呀」,要不然會出事!

蜜瓜皮摔面護膚法

競投蜜瓜後,當然要立即享用!但農夫佢哋又怎會企定定食蜜瓜,Do姐仲以蜜瓜皮「伺候」他們同翠如!

獨家片段曝光

睇完覺得唔夠,可以再睇睇TVB放出來的搞笑花絮,陸永超大膽寸Do姐,話要體罰陸永,即被C君問「體罰係咪姐要錫佢?」嚇到陸永嘔蜜瓜!睇完之後,都可以再上myTV SUPER重溫一下!

節目景點02|東京水果放題 勁食都唔肥

夏天的日本就是要大吃水果,不想買一大個會食不完,不妨好像Do姐4人,去位於新宿的TAKANO高野,吃一餐水果放題!有齊最時令的水果,包括西瓜、橙、奇異果、西柚等,以及高質的網紋蜜瓜,全部切好任食!怕單吃水果太無聊,還有果汁、水果三文治、蛋糕甜品等提供,吃多了都不會肥!

翠如腸胃差 Do姐被寸幾耐無去

原來水果放題只有女士可以食,男士一定要由女仔夜晚帶入去才可吃!擔心排泄的陸永大叫不公平,翠如更自爆拍攝期間排便好有問題,而Do姐更可憐,被陸永問多久沒去……北海道。

新宿高野總店

  • 地址:東京都新宿區新宿3-26-11
  • 營業時間:星期一至六 10am-9pm,星期日及公眾假期 10am-8pm
  • 網址:takano.jp/takano

你可能也喜歡