「 奶酪陷阱 」狗毛女 VS 時尚靚女 鬥呃男神like?

「 奶酪陷阱 」狗毛女 VS 時尚靚女 鬥呃男神like?

Text| Candy Choy

最近人氣爆燈的新韓劇「 奶酪陷阱 」之所以能夠引劇迷跌入煲劇陷阱,除咗係因為有靚仔暖男朴海鎮、徐康俊同南柱赫外,其實女主角、配角的「反差萌」亦是另一賣點!女主角「洪雪」金高恩絕對唔屬於美女系,梳「狗毛」鬈髮,又唔多打扮,但就令朴海鎮、徐康俊爭女之餘,仲俾痴線男同學跟蹤,反而配角「白仁荷」李聖經有樣有身材都冇人要,究竟咁平凡嘅洪雪點解會撼贏靚女白仁荷?

citt

人氣狗毛頭?

citt2

當你覺得洪雪個髮型簡直娘爆,其實依家呢個「狗毛頭」之前「她很漂亮」女主角黃正音、少時嘅泰妍都梳過,呢個鬆鬆散散嘅大鬈髮,竟然煲起咗!就連劇入面係洪雪「粉絲」的女同學都要抄足佢嘅狗毛頭,不過睇睇吓唔知點解又同佢個單眼皮呆萌樣幾夾,加埋徐康俊成日叫佢做「狗毛」,係愈望愈cute嘅。不過勸各位想試狗毛頭嘅,梳前短蔭嘅千奇唔好電埋,因為冇呆萌嘅氣質的話,係好易出事嘅,你懂的。

IMG_5607

 

IMG_5618

她很漂亮嘅黃正音呢個爆炸頭其實都幾似掃把頭。

I

少時泰妍呢個白金髮狗毛頭算係最靚。

IMG_5612

劇入面抄洪雪狗毛頭嘅孫敏秀(尹智媛)都cute。

FullSizeRender

韓模Jae Seo Lee都有梳狗毛頭,但又係前蔭出錯。唔…

citt3

白仁荷嘅髮型其實冇問題,仲要係而家興緊嘅two tone色,夠時尚,但其實男人唔太鐘意女人染到個髮色太浮誇,加埋佢個癲喪性格,就算有靚樣,但成個惡女咁嚇死仔仔。所以呢個回合,洪雪以狗毛頭勝白仁荷!

Next Page > 便服又贏靚衫?

簡約法式服VS華麗時尚服

洪雪嘅服飾雖然看似普通,但其實簡簡單單都幾配合佢嘅個性,相反shopaholic嘅白仁荷完全係「來自星星的你」千頌伊嘅翻版,大量名牌又搶眼嘅時尚服飾,不過呢個回合算打和,因為本身李聖經係model又係潮流icon,個樣同身形真係襯絕呢類時尚造型,大家各自carry到啱自己嘅style。不過論討好度,學長柳正知道白仁荷係大駛怪,所以對佢極反感,所以呢,想男神欣賞你,可能要考你襯衫技巧喇,唔係花枝招展就係靚嘅,識襯衫嘅,平嘢都可以襯得靚嘅。

citt6

間條衫襯牛仔長裙,有文青feel,條裙其實係以創意、趣味喺London Fashion Week一炮而紅嘅韓牌Steve J & Yoni P,洪雪暗地裡都潮㗎。

citt7

橙黃色冷衫係出自法牌Claudie Pierlot,襯爛牛簡單不造作,睇到學長眼定定。

citt8
好友幫洪雪扮靚靚果幕,條粉藍色連身裙係來自韓牌Debb,韓國後生女好buy呢個品牌,幾有少女味!

citt5

白仁荷嘅衫係李聖經自己代言嘅韓牌LAP,做得代言,衫一定襯絕,再加埋個Roger Vivier袋、人氣長耳環,時尚爆燈。

citt4

呢套粉紅色twin set,加金銀飾物就土豪咗啲喇。

Next Page> 真身邊個吸引啲?

金高恩依家係梳中短髮,加埋淡淡嘅妝容,其實幾有氣質兼有型。24歲嘅佢今次係第一次拍劇,不過之前係拍開戲,仲拎過唔少新人獎,今次喺奶酪陷阱首次做女主角,套劇又受歡迎,今年大有機會升呢做人氣韓星!

citt9

 

 

 

 

 

citt10

身高176cm,係YG人氣model的李聖經,電視劇代表作有「沒關係,是愛情啊」,加上靚樣同高佻身形,常被邀請行show、睇show,劇裡劇外都好fashionable!唔講唔知佢原來仲識唱歌,上年參加咗《蒙面歌王》,仲透露7歲已經開始彈琴,咁有才華,今個回合我buy佢喇!

 

citt15

卸下白仁荷嘅花枝招展樣,李聖經平日嘅造型都幾清秀可愛。

citt12

citt11

你可能也喜歡