波鞋

Sneaker Girls東京三大必到 波鞋 潮點

鞋履

港女去東京,除了要去食好(東)西,得一塊面、一個身體但會去藥妝掃成喼返來,其實仲可以有一個「任務」,就係同港男一樣去搵 波鞋 。如果你仍覺得買 波鞋 自己係識條鐵,仲要靠男友幫你買 (定送?)對情侶Jordan、Huarache、Stan Smith等,咁你人生都幾乏味喎!今時今日, 波鞋 已經比高踭鞋在時裝界既定位更緊要,加上yen又平,色同款又多,有咩理由唔自己去掃 波鞋?依家就介紹三個東京必去既 波鞋潮舖俾你,三間有熟悉既名字,亦有你未必聽過,但包你必定會買到心愛既 波鞋 !最重要係等你可以同男友又多一個合體行街既機會,你知啦,男人一講波鞋就雀躍,包你交都嗌少啲!(當然首先你要有男朋友)

Text: Candy Choy

 

ABC Mart Grand Stage 池袋店

東京最大 波鞋 店

係,我知,ABC Mart通街都係,但唔係間間貨款多又齊,加上短trip通常shopping時間不多,要爭取時間,當然去間最大最多貨!叫得Grand Stage,呢間ABC Mart絕對不容忽視,是東京最大的旗艦店,樓高四層,除了普通行貨,當然不少得限量版,更比一般ABC Mart更多潮色潮款,最多港女搜尋既Huarache、Pump Fury一定搵得到,三樓四樓更是Nike 、Adidas兩大運動品牌的專層,款式隨時多過專門店!

地址:東京都豐島區東池袋1-28-7

電話: 03-5949-3905

營業時間:平日12:00-21:00 / 周末及公眾假期 11:00-21:00

網址:ABCMartGrandStage

交通: JR山手線池袋站下車步行4分鐘

nextpage> 成班女去又去邊間好?

atmos girls Laforet 原宿

女裝特別版最多

成班女仔去旅行,冇個sneakerhead男性朋友旁身都唔駛愁,識去一定去間專賣女裝 波鞋 既atmos girls!位於原宿Laforet商場,atmos girls有大量crossover及自家限定鞋款,而且仲有運動服飾同自家設計既atmos LAB服飾,剛剛一月一日起仲有半價,呢排去開東京一定要潮聖!(photos all from atmos girls)

地址:東京都澀谷區神宮前1-11-6Laforet原宿4F

電話:03-6804-2113

營業時間:11:00-20:00

網址:atmosgirls

交通:原宿站表参道出口步行五分鐘

nextpage>想買已斷的鞋款要去邊?

SKIT 專賣炒款

去東京玩,大部份時間唔係去原宿、澀谷,就代官山、青山,但為咗 波鞋 ,你可以去到幾遠?唔駛驚,介紹你去吉祥寺咋,搭JR中央、總武線由新宿站去吉祥寺站八個站就到,都唔係好遠,最緊要係可以同你BB一齊去個同東京旺區唔同感覺既地區觀光之餘,又可以去搵激罕既 波鞋 !SKIT係專賣好多市面已經斷晒貨,或者係二手既 波鞋 ,眾所周知日本人對vintage有一份執著,所以二手波鞋大多都仲好新淨。SKIT新、舊貨都齊備,基本上你講得出既款式有八九成都可以見到,當然價位相對比ABC Mart同atmos高,不過溫馨提示,呢度唔收咭,儲定彈藥穩陣。

雖然好多港女其實都係跟風著Jordan,分分鐘NBA都唔知係乜,但呢個世界係咁,連instagram都有個#jordangirl既hashtag,大量女仔著住不同代既Jordan耀武揚威,有啲仲…

所以呢, 波鞋 都可以係一種「武器」,去開日本記住去入貨!

 

地址:東京都武蔵野市吉祥寺南町1-18-1D-ASSET吉祥寺1F

電話:0422-47-6671

營業時間:11:00-21:00

網址:SKIT

交通:SKIT既網站拍埋片教你行,你一定識行!

 

 

延伸閱讀:
美女網紅CHIARA FERRAGNI眨眼鞋 白波鞋 厚底樣樣齊
增高4CM!開季必買「偽 增高 」 波鞋

如欲率先接收資訊,請讚好我們的FB專頁並於「已讚好」選單設定「搶先看」,多謝支持。
More Facebook: https://www.facebook.com/morehk.hk

你可能也喜歡