四個不死 羅馬涼鞋 襯法 雙腿最顯長
Text ｜Candy Choy
羅馬涼鞋 興咗好幾個春夏，之不過唔係咁多人夠膽著，其實佢唔單只可以幫你喺視覺上拉返直雙腳，仲可以拉長！識得襯，其實羅馬涼鞋 真係唔會令你腳粗，仲有埋仙氣添！記住，腳短就揀短身嘅羅馬涼鞋 款，腿粗就揀有踭同埋唔係綁帶嘅款，即係有埋鞋背果種羅馬涼鞋 ，再配合埋以下四個「不死」造型，包保你會對 羅馬涼鞋 改觀！
白衣女神
叫得做 羅馬涼鞋 ，大家都知道涼鞋嘅鞋款係源於古羅馬的造型，而飄逸嘅白色裙更係女神象徵，所以著任何白色連身裙，好似人氣off- shoulder，喱士、通花，甚至白恤衫裙都可以配搭 羅馬涼鞋 ，重點係白裙嘅長度只可以喺大腿之上，即變長腿羅馬女神！
易襯短牛
羅馬涼鞋 都可以襯短牛？ 你要徹底打破羅馬涼鞋 淨係可以襯女神look 嘅觀念！短牛配羅馬涼鞋 ，好有七十年代hippies 感覺，而且又易襯，簡單一件背心、tee，或者off-shoulder top 都得，絕對係想有造型又可以極速出門嘅穿搭方法！
百搭小黑裙
Little black dress 本來已經好顯瘦，再襯埋 羅馬涼鞋 ，拉長埋雙腿，就有齊懶女人最愛嘅「顯瘦、顯高」兩大keywords！而且幾時都係全黑打不死，有得露少少可以玩deep V 吊帶裙，冇得露可以著鬆身one-piece，一樣有型。
春夏 羅馬涼鞋 推介
