送禮自用都得！GUERLAIN 2019 新春節日限定 系列登場

(Presented by Guerlain)

新春節日限定 系列新裝巡禮！

1｜[新春節日限定] 殿級蜂皇水凝黑蜂活肌蜜

要數Guerlain嘅經典產品，又點少得殿級蜂皇水凝黑蜂活肌蜜？佢蘊含獨家蜂皇產物及傳統印度聖藥 ── 沒藥油（Myrrh oil）， 即時令肌膚飽滿有光澤，加埋水油相融質感，融合精華素嘅力量、美容油嘅豐潤同乳液嘅輕盈，一步到位，好容易就畀肌膚吸收，發揮傳送水份同補水作用，一啲都唔笠，可以靠佢為肌膚打好個底，keep住肌膚年輕！全新包裝換上金色新衣，仲有好多金光閃閃嘅小蜜蜂點綴，好似星星一樣，繼續令皮膚閃爍動人！

2｜[新春節日限定] KISSKISS 親親唇膏

新春去拜年又點少得鮮艷嘅唇色？ KISSKISS 親親唇膏喺新一年都換上一件時尚嘅衣色外套，內裡蘊藏嘅係同樣熱賣嘅#325、#343及#344色調，幫你新年換新「妝」！唇膏裡面仲加咗可以豐盈嘴唇的透明質酸微珠粒、撫平唇紋嘅沒藥油同滋潤嘴唇嘅芒果油，可以幫你扮靚之餘對抗乾燥缺水嘅秋冬！唇妝隻色又靚又有光澤，過年自然可以輕易逗多啲利是！

3｜[新春節日限定] Rouge G 寶石唇膏盒

相信大家對華麗嘅ROUGE G寶石唇膏盒一啲都唔陌生，佢時尚百變，經典嘅雙鏡盒由珠寶商Lorenz Bäumer設計，好似身上獨一無二嘅配飾咁，奪目又實用。今次佢仲趁新年換上艷麗嘅紅色皮革外衣，增添唔少節日氣氛！

4｜[新春節日限定] EAU DE COLOGNE IMPÉRIALE 帝王之水

最後當然唔少得「看不見」嘅隱形美裝：香氛！為慶祝新一年嘅來臨，EAU DE COLOGNE IMPÉRIALE 帝王之水都換上晶瑩剔透嘅紅色瓶新裝，非常優雅！原來呢支帝王之水嘅故事亦相當特別：佢係香氛界首款專設訂製嘅香氛，特別為拿破崙三世妻子尤金妮皇后﹝Empress Eugénie﹞而調配，洋溢花香柑橘調，散發檸檬和佛手柑、鮮香柑橘、苦橙葉嘅香氣，用以紓緩佢嘅偏頭痛。呢支古龍水獲授權發售之前，一直都為尤金妮皇后獨家專享。想感受呢種皇后都喜愛嘅清新香氣，就要快啲去試下喇！