DG Beauty 全新Solar Glow系列 偽素顏妝必備
今個7月美編有一個一見鍾情嘅妝品,一定要私心推介俾各位sis,就係DG Beauty全新Solar Glow Collection,佢嘅包裝設計超美,美編即被品牌最標誌性圖案之一嘅馬約利卡陶紋吸引咗,色彩鮮艷仲好有仲夏嘅活力!Solar Glow系列結合護膚與美妝功效,輕盈嘅質感可輕而易舉塑造完美偽素顏,令肌膚擁有健康光澤感!
呢支Solar Glow Universal光影液蘊含DG Beauty研創嘅地中海光感複合因子,結合多種以獨家護膚技術提煉嘅天然成分,令肌膚豐潤柔軟,同時為肌膚增添光芒,同時令妝容添加層次感,主要成分包括:令肌膚變得水潤光滑嘅透明質酸、長時間幫肌膚補水嘅無花果萃取物,同埋軟化肌膚帶來舒適感嘅橄欖油,美編化妝嘅同時仲可以護膚!
美編最鍾意佢質地好水好輕盈,唔會有厚妝感,係偽素顏必備妝物!除咗單獨使用,令裸肌透出柔和嘅光澤,佢仲可以同其他產品配合用,好多用途!等美編試俾你睇!
Solar Glow Illuminating 雙色光影粉 自然健康光澤
Solar Glow Illuminating雙色光影粉美編除咗俾佢外表吸引,其實佢都好有內涵!蘊含DG Beauty研創嘅地中海光感複合因子,結合多種以獨家護膚技術提煉嘅天然成分,令肌膚豐潤柔軟,同時為肌膚增添光芒。主要成分包括:透明質酸、無花果萃取物及橄,化妝嘅同時仲可以護膚!
美編最驚喜係產品都有淡淡嘅東方花香香調,以西西里島陽光為靈感,好似置身喺地中海咁呀~備有4款色調為肌膚帶來自然光澤,美編會將光影粉掃喺顴骨、眉骨、鼻樑同埋唇峰位置做high light,令輪廓更分明,提升妝容立體感!
雙色光影粉末蘊含特別嘅色彩因子,輕易上妝,同時加入天然嘅潤膚成分,令粉末質地更輕盈,掃上後唔會出現乾紋或結塊嘅情況。產品備有4款色調,其中2款以光影粉搭配胭脂(玫瑰色調、珊瑚色調),令妝容更明亮散發紅潤自然膚色;另外2款以光影粉搭配修容粉(金黃色調、古銅色調),有自然健康光澤。