迪士尼小豬

萌爆迎豬年!ETUDE HOUSE X 迪士尼小豬 限量美妝系列韓國同步登場

美妝情報

廣告

好快又到豬年啦!當然要買番啲豬豬造型嘅美妝品過番個好年。今年就有ETUDE HOUSE X 迪士尼小豬 限量美妝系列新登場,仲係與韓國同步推出!小編開箱試過,真心認為除咗色靚之餘,款款包裝都超萌,睇得又用得,你話今年豬年點可以錯過呢?

Text︰YY

(Presented By ETUDE HOUSE)

ETUDE HOUSE推出超萌 迪士尼小豬 限量美妝系列

ETUDE HOUSE X 迪士尼小豬限量美妝系列有唇釉、眼影、胭脂、人氣底霜、氣墊Cushion盒、美妝工具,以及皇牌保濕護膚套裝等,設計以超得意嘅小豬為主,款款產品配合唔同小豬表情,單睇包裝已經可愛到暈!小編就揀咗唇釉、眼影及胭脂逐樣試畀大家睇吓先!

唇釉質地絲滑潤澤

美妝迷嘅小編最鍾意就係唇釉,貪佢夠亮澤。呢個系列嘅唇釉一樣無令小編失望,2色選擇,色調自然,搽上嘴好夠潤澤感,無論返工或去街都咁啱!

眼影粉末細緻又顯色

眼影亦同樣出色!質地好細緻,輕輕一掃已非常顯色,色調分為Café及Jewel妝效,前者自然啞緻,後者則閃亮迷人,勁靚!適合營造唔同造型,因應場合自由配搭。除咗小豬外,仲有埋佢班朋友齊齊化身為單色眼影出現,好Cute呀!鍾意迪士尼卡通嘅粉絲絶對要成套包起!

胭脂多色任你選擇

第一眼已經畀小豬大頭造型吸引,可愛到不行,根本唔捨得用呀!試上手,4種色調締造出柔和得嚟又白裡透紅效果,令妝容更亮麗好氣色,慕斯質地搽落塊面度仲一啲都唔乾,比粉狀胭脂貼面好多呀!

試完唇釉、眼影同胭脂,一於睇埋同系列嘅人氣底霜、氣墊Cushion盒、美妝工具,以及皇牌保濕護膚套裝,包裝一樣好靚好Cute!

限定優惠

嘩!色靚、包裝萌爆、價錢親民,仲加埋而家到ETUDE HOUSE門市購買迪士尼小豬限量美妝系列滿HK$200,可以拎到限量小豬化妝袋!同時出示任何小豬/跳跳虎/瑞比/Eeyore嘅物品,就可以免費獲得保濕卸妝水旅行裝25ml一支,呢幾個理由已足夠叫你帶晒佢哋返屋企啦!

係咪好吸引呢?記得睇埋條片就去買啦!

https://youtu.be/JLGtlQRRoTc

你可能也喜歡