唇膏

Gucci全新唇膏系列包裝、唇色都充滿驚喜~ 洋溢荷里活電影的型格、時尚!

護膚保養

要將彩妝改革,從來都唔係易事,但Gucci創作總監Alessandro Michele今次就成功為大家帶來好多驚喜!今次Gucci嘅彩妝改革由「終極利器」— 唇膏開始,單從包裝上已經相當吸睛,打破以往黑金嘅唇膏筒設計,帶來3款型格又時尚嘅包裝,而且仲有唔同質感嘅唇膏,而唇膏更可以大玩mix and match,一望到已經令人心心眼!事不宜遲,一齊睇下你最鍾意邊款!

(Presented by Gucci)

唇膏大改革!靈感源自荷里活黃金時代女星

今次Gucci唇膏改革嘅靈感,源自荷里活黃金時代女星嘅迷人雙唇。3個唇膏系列喺配方上都各具特色,而且每一支都散發出幽香嘅紫羅蘭氣息,令唇膏好似擁有魔法一樣,令你瞬間蛻變!

柔滑顯色:Rouge à Lèvres Satin

呢個系列嘅唇膏畀人嘅第一個感覺,係佢質感相當柔滑,塗上後就好似為雙唇披上絲緞質感,而且色澤飽滿,輕輕一塗已經相當顯色。呢個系列一共有36款色號,當中有裸色系列、紅色系列,仲有令人驚喜嘅黑色“Crystal Black”等等。講個貼士畀大家知,黑色“Crystal Black”嘅顏色仲好適合用嚟做眼影,效果勁靚!聽講最受歡迎嘅唇色係暗紅色504 Myra Crimson、鮮桃紅色402 Valentine Fuchsia同亮紅色401 Three Wise Girls,每一款都可以令你輕鬆塑造唔同造型,新手都可以carry得到!

輕盈明亮:Rouge à Lèvres Voile

至於呢個系列嘅特色就在於佢質地輕盈,而且18款流行色號又靚又sharp,夏天用最啱!當中Marguerite Jade茶褐色、Eadie Scarlet猩紅色同Marina Violet黑莓紫都好吸引,聽講呢個系列最受歡迎嘅唇色係夏天大熱嘅珊瑚色301 Mae Coral,係回頭率好高嘅唇色!

撫平唇紋:Baume à Lèvres

Baume à Lèvres 係潤唇膏系列,佢質感輕薄透光,當中3款色調分別係Joslyn Clari透明色系、René Pink紅粉色系同Penelope Plum紫紅色系,塗上後自然平滑,非常滋潤,完美融合雙唇,仲可以幫助撫平唇紋!

手袋中最美物件!3款全新包裝復古、時尚又型格!

Alessandro Michele曾經講過:「唇膏也許是女人手袋中最美的物件。」所以喺今次改革入面,佢都花咗好多心思喺唇膏包裝上面。喺復古彩妝嘅啟發之下,今次嘅唇膏包裝設計將品牌圖案同現代色彩、設計元素交織,變成一樣你愛不釋手嘅小物,拎出嚟塗唇膏時都開心啲!

至於包裝方面,一身金色包裝嘅Rouge à Lèvres Satin烙上Alessandro Michele從Art Deco藝術中借鑒而來嘅裝飾風格,將經典同時尚完美融合;而Rouge à Lèvres Voile嘅感覺就比較少女,佢採用金色底座配上象牙白色嘅唇膏管身,印有粉紅玫瑰,整個感覺就好似印花壁紙一樣復古,vintage得嚟好靚!最後當然唔少得Baume à Lèvres嘅綠松石色包裝,呢種色其實係二戰前流行嘅藍綠混配色系,亦代表咗Alessandro Michele對顏色嘅一種迷思。

大玩layering混色!自由配搭出你最喜愛唇色

全新系列嘅包裝同唇色吸引之外,大家仲可以自己試下玩唇膏mix and match,或者會得到意想不到嘅妝效!就好似用頭先講過嗰4種最受歡迎嘅唇色,都可以組成完美嘅混合方程式:將暗紅色504 Myra Crimson同鮮桃紅色402 Valentine Fuchsia混合,又或將珊瑚色301 Mae Coral加上亮紅色401 Three Wise Girls,都可以混出充滿驚喜嘅質感同色調,令唇妝更加百搭!其實喺今次Gucci彩妝改革入面,唇膏只係揭開序幕嘅第一步,其他全新面部彩妝即將馬上登場,大家要密切留意!

你可能也喜歡

Recommended