毛孔修飾霜測試

【日本藥妝】鬥貼服、鬥細緻、鬥持久!16支毛孔修飾霜測試結果出爐

護膚保養

很多時候普通粉底、遮瑕都無法完美遮蓋粗大毛孔!一支好用的毛孔修飾霜是化妝必備品,究竟哪枝毛孔修飾霜最好﹖即看看以下毛孔修飾霜測試結果吧!

撰文:Carmen|編輯:Christie Lau | 圖片來源:《LDK》、相關機構 (原文刊自GoTrip)

測試方法

TEST 1:上妝效果

測試是否能自然地遮蓋毛孔,有冇出現厚塗感、有冇光澤感、能否遮蓋凹凸洞。塗抹毛孔修飾霜後,亦會分別塗上粉餅、粉底液測試配合度。

TEST 2:毛孔減少率

透過專門儀器(VISIA)測試塗抹前、後嘅毛孔減少數。將肉眼無法分辨嘅變化數值化。

TEST 3:持久度

喺真正嘅辦工室環境下,觀察8小時後鼻翼、臉頰、額頭嘅脫妝情況。

測試結果

第16位:CEZANNE UV Ultra Fit Base N(全臉用)【評價:D】

售價:734円/30g

上妝效果:✭✩✩✩✩|毛孔減少率:✭✭✭✩✩(減少率52%)|持久度:✭✩✩✩✩

雖然能成為光澤肌,但對於遮蓋毛孔起唔到大作用。質感黏膩,塗抹時會拉扯到皮膚之餘較為需時。塗抹3小時後浮起白點,再過數小時後,鼻翼周圍開始泛油,最後甩到粉底都唔見埋。

第14位:ettusais Oil Block Base(部分用)【評價:C】

售價:1,296円/7ml

上妝效果:✭✭✭✭✩|毛孔減少率:✩✩✩✩✩(減少率10%)|持久度:✭✭✭✩✩

像修正液一樣嘅部分用毛孔修飾霜。因為加入咗皮脂吸著粉,某程度上可以撫平凹凸洞,但可惜無法補正毛孔嘅色澤同較深嘅凹凸洞。可能因為質感較薄,時間一耐,鼻翼嘅油光比其他修飾霜更讓人在意。

第14位:m.m.m skin smoother(部分用)【評價:C】

售價:3,456円/9g

上妝效果:✭✭✩✩✩|毛孔減少率:✭✭✭✭✩(減少率75%)|持久度:✩✩✩✩✩

雖然係採用咗天然成份嘅,較為少見嘅膏狀毛孔修飾霜,但好難先可以黏上手指,塗抹困難!同粉底液較為配合,用粉餅則會出現塗抹不均勻啘情況。毛孔修飾遮蓋力唔錯,而且較為水潤,比較適合乾燥肌嘅人。但油性肌嘅話絕對會泛油光,所以唔推薦呢種肌質使用!

第12位:明色化妝品 Pore Clear 毛孔Cover (部分用)【評價:C】

售價:1,080円/18g

上妝效果:✭✩✩✩✩|毛孔減少率:✭✭✭✭✩(減少率68%)|持久度:✭✭✭✩✩

持久力強,毛孔減少率都達68%,但士多啤梨牛奶嘅顏色會令臉顯得好白。同粉底液嘅配合度好,但如果塗上粉餅,表面會好似擦子膠碎咁甩。

第12位:Time Secret Mineral Make-up Base <Cover Mat>(全臉用)【評價:C】

售價:1,728円/30g

上妝效果:✭✩✩✩✩|毛孔減少率:✭✭✭✭✭(減少率83%)|持久度:✭✭✩✩✩

起初似質感較厚重嘅BB Cream,但塗抹上臉後就變得清爽舒服唔黏膩。能遮蓋毛孔及顏色不均勻之餘超mat!但上粉餅定上粉底液都會令妝容顯白。以為持久力應該強,但塗抹3小時後鼻翼周圍逐漸浮起。

第10位:Pore Patty Make-up Base Clear(全臉・部分用)【評價:B】

售價:1,080円/25g

上妝效果:✭✭✭✭✩|毛孔減少率:✭✭✩✩✩(減少率44%)|持久度:✭✭✭✩✩

較深嘅凹凸洞都能遮蓋,重複塗抹都唔會有不均勻嘅色差情況出現。塗抹後再上粉底,能打造mat嘅formal印象,但可惜毛孔減少率只有尾2嘅排名。因為加入咗皮脂吸著成份,所以脫妝情況並不嚴重。

第10位:CANMAKE Smooth Skin Primer(部分用)【評價:B】

售價:907円/16g

上妝效果:✭✭✭✩✩|毛孔減少率:✭✭✭✩✩(減少率53%)|持久度:✭✭✭✭✩

剛塗完會有少許滑溜嘅感覺,但塗上粉底後皮膚變得乾爽。粉底液、粉餅都混合得唔錯,但因為修飾霜中嘅粉粒較多而會有厚塗感。8小時後嘅肌膚冇嚴重脫妝或出油情況,反而粉末同皮脂混合起,令肌膚有光澤感。

第9位:majolica majorca skin remaker pore cover(全臉用)【評價:B】

售價:1,080円/25g

上妝效果:✭✭✩✩✩|毛孔減少率:✭✭✭✭✭(減少率86%)|持久度:✭✭✭✩✩

使用感似乳液,但吹乾後會變得乾爽。因為珍珠色嘅補正效果,無論係用粉餅定粉底液都能自然地打造有光澤嘅立體感臉孔。雖然冇因為時間耐而被油光弄至脫妝,但容易乾燥嘅眼底周圍就有少少溶妝。

第4位:ORBIS Smooth Mat Base(部分用)【評價:B】

售價:1,296円/12g

上妝效果:✭✭✭✩✩|毛孔減少率:✭✭✭✭✩(減少率72%)|持久度:✭✭✭✩✩

係唔少化妝師愛用嘅一款修飾霜。毛孔遮蓋力、同粉底嘅配合度、防脫妝等等功效都取得良好平衡。但不能遮蓋泛紅狀況。塗上粉底液定粉餅都冇出現溶妝、塗抹不均勻,非常容易使用,8小時後都唔會甩到好污糟。

第4位:NARS instant line & pore perfector(部分用)【評價:B】

售價:3,564円/1.7g

上妝效果:✭✭✭✭✩|毛孔減少率:✭✭✭✩✩(減少率54%)|持久度:✭✭✭✭✩

鼻翼嘅凹凸洞的話,NARS係消除得最好嘅一支!額頭等等貼近骨頭嘅地方較容易塗抹,但臉頰等等柔軟嘅地方就無法好好塗抹而出現不均勻情況。同粉餅嘅配合度唔錯,但用粉底液嘅話則會因伸展時造成嘅磨擦而溶妝,用手指輕點會更好。時間耐咗都唔會有嚴重嘅脫妝情況。

第4位:Benifit the PORE fessional(全臉用)【評價:B】

售價:2,840円/22ml

上妝效果:✭✭✭✭✩|毛孔減少率:✭✭✭✭✩(減少率62%)|持久度:✭✭✭✩✩

由海外YouTuber推介「同毛孔決戰嘅秘密武器」而爆紅嘅全美Best Seller修飾霜。因為伸展性強,貼服皮膚,使用粉底液、粉餅等都唔會出現溶妝、不均勻嘅情況,上臉效果好。8小時後雖有少少出油,但唔會甩妝甩得好污糟。

第4位:BENEFIQUE Make-up Base Poreless Dream(全臉用)【評價:B】

售價:4,320円/30g

上妝效果:✭✭✭✩✩|毛孔減少率:✭✭✭✭✭(減少率89%)|持久度:✭✭✭✩✩

因為係啫喱狀而較為水潤。成份加入咗偏光珍珠色,光暈分散於整張臉,令90%毛孔都顯得不明顯。同粉餅嘅配合度高,但粉底液嘅話,喺塗於凹凸洞毛孔時需要技巧。8小時後T字位稍稍溶妝。

第4位:DECORTE LACOUTURE PERFECT PORE COVER(部分用)【評價:B】

售價:2,916円/15g

上妝效果:✭✭✭✩✩|毛孔減少率:✭✭✭✭✭(減少率80%)|持久度:✭✭✭✩✩

因為加入咗保濕成份,上妝效果有水潤感,有淡淡嘅清爽香氣。塗上粉底後會變得滑溜,有濛朧嘅光澤感,打造纖細嘅印象。8小時後喺T字位等等,皮脂較多嘅地方會出油,但用紙巾印乾後就能變返乾爽。

第3位:黑龍堂 Point Magic PRO pore cover(部分用)【評價:A】

售價:1,404円/15g

上妝效果:✭✭✭✭✩|毛孔減少率:✭✭✭✭✩(減少率70%)|持久度:✭✭✭✭✩

只塗修飾霜嘅話會有mat感,淡淡嘅粉紅色能補正色澤不均勻,令肌膚色澤tone up。塗抹上粉底後會令mat感穩定,從內側開始出現發光般嘅光澤感。同粉底液尤其配合。8小時後都冇嚴重嘅脫妝情況。

第1位:MAKE UP FOR EVER Step1 Skin Equalizer No.2(部分用)【評價:A】

售價:1,404円/15g

上妝效果:✭✭✭✭✩|毛孔減少率:✭✭✭✭✩(減少率70%)|持久度:✭✭✭✭✩

唔少毛孔專用修飾霜產品都加入咗矽,由於吸著皮脂嘅效果強,所以容易乾燥、脫妝,但呢支卻非常水潤。經過8小時後都唔會甩妝甩到好污糟,水潤感依舊殘留。能有效調整臉部色澤不均勻、tone up,上妝效果獲得高評價!

第1位:COFFRET D’OR make up base UV 02(全臉用)【評價:A】

售價:3,024円/25ml

上妝效果:✭✭✭✭✩|毛孔減少率:✭✭✭✭✭(減少率88%)|持久度:✭✭✭✭✩

呢支以前已經被雜誌選為最佳產品,上妝效果水潤,唔會現有細紋,無論係粉餅定粉底液都非常相配!珍珠色能有效補正臉部色澤,tone up肌膚色澤,肌膚紋理都能好好調整。毛孔減少率88%驚人地高!即使過咗8小時都完全唔甩、唔浮粉非常完美!

你可能也喜歡

Recommended