韓星鄭容和首部電影 同霆鋒一齊《 決戰食神 》?

以前嘅謝霆鋒,大家覺得佢又有型唱歌又好聽! 但自從《12道鋒味》開始,見佢手起刀落,拎起廚具煮餸,觀眾似乎又再認識到謝霆鋒嘅另一面!今次更將佢嘅廚藝帶入電影,夥拍紅遍亞洲嘅韓國樂隊CN BLUE主音鄭容和,兩大男神用廚藝一決高下! 決戰食神 到底有咩好睇?即刻同大家介紹番!

(Presented by 決戰食神 )

鄭容和首部電影 勤於苦練廚藝

謝霆鋒係煮得之人就大家都知啦,但戲中謝霆鋒嘅競敵鄭容和就似乎唔太熟廚藝。佢更坦言話自己最叻就只係煎蛋…。所以今次鄭容和加入劇組後當然有加緊練習廚藝。因為要飾演一位名廚,為了今次演出,鄭容和下了不少苦功,更不斷練習切洋蔥切青瓜,煮麵等等,為自己廚藝打好基礎!

謝霆鋒對鄭容和嘅表現亦暗暗讚許:「見到佢拎起刀切第一下食物,就肯定佢有練過的。我問佢有無煮過嘢食?佢話無,但呢幾下手勢真係似模似樣,我喜歡這樣的演員,總是有備而來。」

霆鋒身兼多職 兼任美食執導

為咗確保 決戰食神 出來效果完全合乎自己心意,今次在製作上霆鋒唔單單擔當主角,更擔當電影嘅「美食總監」!為戲中每一道菜式,按角色個性、背景、關係及故事發展去設計。由開場時在布拉格拍攝的高級西餐,到「七記」裡每道的街坊小菜,或甚比賽時每位選手的每道菜式,直至最後決戰食神一刻,都經謝霆鋒悉心挑選!希望菜色嘅層次更高,更能推進劇情,所以每道菜都經過思前想後,深思熟慮才放進戲內!

故事講乜?隱世小店vs米芝蓮名店?

今時今日香港地成日講雞蛋與高牆,而電影中嘅背景設定亦似乎同呢個話題有關。故事其實講述順德小廚神高天賜(謝霆鋒 飾)和師傅「味王」洪七(葛優 飾)喺春風里經營七記大牌檔,深受街坊歡迎!而嚟自歐洲嘅三星名廚安保羅(鄭容和 飾)和女友美優(白冰 飾),離開法國來到中國創業,而呢間高級餐廳「摘星名廚」正正就喺七記對面開張,二人互相欣賞並數度交手!到底結果係點,大家就要入戲院睇喇!

你可能也喜歡