【粉底液】超強Before &After!不傷皮膚的Guerlain L’essentiel粉底液!| iTRIAL美評

【粉底液】超強Before &After!不傷皮膚的Guerlain L’essentiel粉底液!| iTRIAL美評

轉季啦〜護膚品化妝品當然要跟著轉季!!今年二月Guerlain新出全新L’ESSENTIEL祼光絲柔精華粉底液,主打透氣自然、保濕、透氣等功效!以前用過同牌連范冰冰都推嘅保濕底霜好好用,所以今次我超級期待!就等我哋iTRIAL美評試吓佢好唔好用啦😍

Text:吉吉gutgut (IG:katiekwongxx) | Photo:吉吉 & Jacy Yip

GUERLAINL’ESSENTIEL祼光絲柔精華粉底液

GUERLAINL’ESSENTIEL祼光絲柔精華粉底液

價錢:$490 (全10色)/ 30ml
平均價錢:$16/ ml
產品類型 : 粉底液
賣點 :持久亮澤長達16小時,97%源自天然的成分。可層疊加強遮瑕度、保濕、平衡和保護肌膚等優點,令肌膚呼吸透氣,同時保護肌膚。其護膚活性可修護肌膚,使膚色更均勻,毛孔難以察覺,而色斑亦減退。

 

GUERLAINL’ESSENTIEL祼光絲柔精華粉底液實測 色號#01N

推開粉底後

質地:

質地超級水潤、你可以見到粉底係流身的,好易推,推起來感覺好水!同我想像中好唔同!而且不厚,好滑好冶癒😆這款粉底液一共有十隻色比大家選擇,包括暖、中性或冷色調,可以去專櫃叫BA幫你試到啱色為止😳

塗上粉底液前(左)、塗上粉底液後(右)

膚色提亮度:iTRIAL5分

大家應該好明顯見到上粉底液前後嘅分別🙈膚色即時均匀咗好多,提升膚色之外柔化了皮膚!粉底液不是matte finish,帶有自然的光澤感,肌膚會有透亮感,一秒有奶油肌的感覺😳✨

遮瑕度:

4分

中高嘅遮瑕度,雖然唔可以一層就遮掉所有瑕疵,但可層疊加強遮瑕度!疊加後,瑕疵遮掉8成!如果想有完全無瑕嘅妝感,比較深的痘印或黑眼圈就要再用瑕疵膏啦😆

塗上粉底液前(上)、塗上粉底液後(下)

毛孔修飾:iTRIAL

4.5分

雖然我毛孔不算粗大,但超多黑頭,希望唔好嚇親大家😆黑頭明顯被遮掉了!而且毛孔粗大的位置大致上也能修飾好,毛孔變得平滑〜

 

持久度:

3.5

因為我係混合肌關系,出油嘅問題一向嚴重,所以用左大約五個鐘之後就開始出油同有小小浮粉,不過印走之後都唔會有好焗或唔舒服嘅感覺😆 如果你係中性/乾性皮膚的話,我相信會幾適合你,夠保濕!

總評:4分

呢枝GUERLAINL’ESSENTIEL祼光絲柔精華粉底液我都好滿意😍係提亮、無論係柔化效果、遮瑕度同毛孔修飾力表現都很好!最值得讚係佢地加入咗護膚成分,即使我上妝全日,都無生暗瘡或油脂粒,皮膚都無變差😳!!!只係控油度同持久度扣左小小分〜但我都依然建議大家入手一支,特別係中性/乾性皮膚💖

你可能也喜歡