【卸妝潔面】Valmont Purity Icy Falls & Bubble Falls 雙重潔面效果有幾出色?| iTRIAL美評

【卸妝潔面】Valmont Purity Icy Falls & Bubble Falls 雙重潔面效果有幾出色?| iTRIAL美評

雙重潔面並唔係新鮮事,而且已經成為護膚必需的步驟,我就算再懶,都一定會先卸妝、再潔面,因為皮膚唔乾淨的話,其實再搽咩護膚品都無用。至於點樣揀潔面產品,我的標準好簡單,就係要方便又有效,Valmont最近新推出的Purity潔膚淨化系列,9款產品任你配搭,我試用了Valmont Purity Icy Falls清柔之泉潔面啫喱及Valmont PurityBubble Falls 輕柔之泉潔面泡沫,究竟雙重潔面效果有幾出色?等我即刻在iTRIAL美評實測一下啦!

Text: Tiffany Ng (IG @tiffanypanda) | Video & Photo: Sing Ho | Video Editor: Fai

Valmont Purity Icy Falls清柔之泉潔面啫喱及Valmont PurityBubble Falls 輕柔之泉潔面泡沫

Valmont Purity Icy Falls清柔之泉潔面啫喱(左)及Valmont PurityBubble Falls 輕柔之泉潔面泡沫(右)

 

Valmont Purity Icy Falls清柔之泉潔面啫喱

Valmont Purity Icy Falls清柔之泉潔面啫喱

價錢:$1,100/200ml
平均價錢:$5.5/ml
產品類型:卸妝啫喱
賣點:質感清爽豐厚,潔面啫喱能吸附並清除面上大量的污染物。以按摩塗於面上,然用後以溫水徹底洗淨便可。適合清淡至一般妝容,所有膚質適用, 特別針對缺水的皮膚。

 

Valmont PurityBubble Falls 輕柔之泉潔面泡沫

價錢:$500/150ml
平均價錢:$3.3/ml
產品類型:潔面泡沫
賣點:溫和而高效,豐盈的泡沬帶有絲滑般輕柔的觸感。獨特配方不含硫酸性成份,有效潔淨肌膚之餘,亦不會傷害肌膚的天然保護層。適合所有膚質, 特別適合混合性肌膚。

 

Valmont Purity Icy Falls清柔之泉潔面啫喱實測

Icy Falls的啫喱質地

Valmont Purity系列一推出,就成為網上熱話,究竟有咩特別之處?原來Purity系列結合了瑞士冰川泉水及精選益生菌,可以促使皮膚的生態系統平衡及健康,潔膚同時護膚,而且有9種不同的質地選擇,貼心程度實在係市面上少有,難怪咁受歡迎。

由於我平時只會化粉底、眉妝、眼線、胭脂同埋唇妝,不算太濃妝(自以為),同埋我的皮膚比較乾,所以我揀了Valmont Purity Icy Falls清柔之泉潔面啫喱來卸妝。

將Valmont Purity Icy Falls直接塗上面上輕輕打圈

將啫喱直接塗上面上輕輕打圈,然後再用暖水徹底清洗就可以了!好方便!好方便!啱晒我這種懶人!

清爽度:

4分

啫喱質地雖然豐盈,但一塗上面後,立刻轉化成很輕薄的質地,沒有黏笠感,可算係一大驚喜位!而且用清水洗淨後都沒有繃緊感覺,讚呀!

 

只卸了一半面,效果很明顯吧!

潔淨度:iTRIAL

4.5分

你無眼花,真係一次過卸走晒全部化妝,我用的係防水染眉膏、眼線及睫毛液,竟然可以輕易卸走,而粉底、胭脂及唇妝都統統無得留低,大愛呀~~~

 

Valmont PurityBubble Falls 輕柔之泉潔面泡沫實測

Valmont PurityBubble Falls的泡沫質地好柔滑

清爽度:4分

潔面泡沫的質地非常柔滑,清爽的質感好適合春夏天使用呢!

 

雙重潔面後的那邊面,皮膚好有光澤

潔淨度:iTRIAL4.5分

用完Icy Falls後再用Bubble Falls,感覺皮膚更乾淨,而且仲更有光澤!

 

總評:

Valmont PurityIcy Falls:iTRIAL

4.5分

Valmont PurityBubble Falls :4分

我要隆重宣佈Valmont Icy Falls已經成為我今季最愛的卸妝產品,輕輕打圈再用暖水洗乾淨,就可以徹底卸妝,連眼唇卸妝液都唔需要用,超級方便有高效!而Bubble Falls的泡沫質地亦好舒適,這兩款產品配合用係非常Match!

你可能也喜歡