糖

一日飲進幾多糖? 健康飲品1樽超標!!

女性健康


Text | Pan
Photo | Sing、新傳媒資料室
Edit | Kingyo

早前消委會抽查市面中式飲品樣本,當中有預先包裝及無預先包裝的飲品,含糖量原來都十分驚人,隨便飲一支幾乎已近日限糖量,此聞打破大家一直以來對中式飲品的健康形象!正值邊爐及燒烤的高峰期,甜飲自然亦少不免多了出場機會,今次一於認清有咩高糖飲品要避一避,搵嚟營養師教埋大家點樣飲得健康!

識睇標籤最緊要

卓健醫療註冊營養師佘綺玲(Elaine)表示︰「雖然每100毫升中有5克糖以下的飲品都可以叫自己做低糖飲品,但因為大家係按包裝分量去飲,一飲就飲一支或一盒。以大盒紙包飲品為例,食用分量約375毫升,假設為低糖的臨界標準5克糖,飲一盒已攝取18克或以上嘅糖分,約五至五茶匙糖,平時自己落糖亦唔會落咁多吧!」按世衞標準,一個成人男性每日糖分日攝量不應超過50克,而在上述例子中,飲一盒低糖的細盒裝紙包飲品,已佔全日限額的三成六,在大時大節的派對或燒烤情況,唔經唔覺飲三盒已超標!

世衛指標︰日攝最多50克糖!

其實是以一個成年男士,以每日攝取2,000kcal的熱量來計算,而糖分是熱量來源之一,但其佔的比例應該少於一成。以為2,000kcal為例糖應低於200kcal,而每克糖含有4kcal,由此便可得出每日不應超過50克糖的指標。但人人體形不同,熱量所需仍因人而異,女士們的所需熱量實際上比男士更少,所以日攝糖量亦絕對少於50克糖!

Next Page>「健康」飲品易中伏!

打開便利店個雪櫃揀飲品時,相信大家都會按其健康程度來取捨,其實唔少清潤、解渴或有益的飲品都是爆甜的地雷飲品!你以為清清地,飲支果茶或酸酸地又開胃嘅柑桔水實冇死啦,點知睇番個營養標籤,計一計個依用分量又係嚇死人!

 

 

 

Next Page> 「低糖」飲品都落唔少糖!

食用分量計落唔少糖
標榜低糖的飲品,雖然的確合在乎營養標籤法,但大家在享用一整盒或一整支的時候,其實好易超出預算!正所謂「小數怕長計」,低糖飲品飲得多,一樣會攝取得多糖分,飲三盒細裝紙包飲品已估日攝量三分一,正常糖量的飲品更不敢想像!

Next Page> 果汁飲品如何避高糖!?

非天然果汁多外加糖

由於果汁含有天然果糖,單睇營養標籤好難分別是真果糖還是外加糖,大家在「成分」一列中通常見到「濃縮果汁」或「Concentrate」的字眼,那就不是天然榨的果汁!所以Elaine亦不建議大家飲果汁,因為市面上大多果汁都是用濃縮果汁開出來的,當中更會加入添加劑及外加糖,絕對是甜上加甜!

教你健康飲法
無糖一定好?代糖雖是零糖分,及不會令大家直接因糖而致肥,但會有機會令身體在進食其他食物時吸引更加多糖,有機會適得其反!教你用「梳打水」飲得健康!Elaine就教大家可買一些梳打水來自溝飲品,是個好味又相對健康的飲法!

 

延伸閱讀:

▲瘦身 大忌糖分超標!必戒零營養 「游離糖」http://goo.gl/gVf4cR
▲兩支可樂免疫力停止? 5個低GI糖選擇 http://goo.gl/2ZRaKl

如欲率先接收資訊,請讚好我們的FB專頁並於「已讚好」選單設定「搶先看」,多謝支持。
More Facebook :https://www.facebook.com/morehk.hk

如何改善經痛?

相信不少女性除了有經前症候群外更受經痛影響,中醫推薦經期保養湯水,有助補氣活血、益腎暖宮。除此之外,使用人氣暖宮貼都有效改善經期不適。經後調理一定不能忽略,學會補血食療,每個月都能過得輕鬆!

有甚麼補身養顏方法適合女性?

很多女性都有手腳冰冷的問題,適當的進食補血氣食物及飲用三棗茶,便可以促進血液循環補氣血。除了身體健康,女性更追求白滑皮膚,紅石榴汁功效可助抗衰老及美白,是很好的天然保養品!

你可能也喜歡

Recommended