38歲李佳芯Ali出道16年素顏勁少女! 女神育成記美容保養靠4招

38歲李佳芯Ali出道16年素顏勁少女! 女神育成記美容保養靠4招

《愛美麗狂想曲》播出後,李佳芯Ali的演出再次獲得大家的讚賞,新劇《智能愛(AI)人》亦會緊接播出,不少市民都表示十分期待。由節目主持做到視后的李佳芯(Ali),想當年未做Cable主持前,已經是旅遊記者熱門選用的Model,更多次成為《新假期》的封面女郎。當年李佳芯不單止上山下海,最厲害的甚至去過南極!出道16年,現時38歲的Ali依然容光煥發,保養得宜,樣子甚至比剛出道時更年輕,究竟李佳芯有甚麼保養皮膚的獨門秘方,一起來看看吧!

編輯:東方新地|原文:新假期|圖:新傳媒圖片庫、[email protected]

李佳芯Ali 女神育成記

《愛美麗狂想曲》中Ali飾演王麗美,與丈夫結婚10年,重投職場,在麥子風(陳豪)的公關公司任職,及後卻發覺青春錯付丈夫,決定離婚。

(圖片來源:aliaime@Instagram)
(圖片來源:[email protected])

新劇《智能愛(AI)人》亦會緊接播出, 飾演AI機械人對Ali來說是新的挑戰,機械人不能眨眼,零表情演繹絕對考起演員的演技。網民亦發現Ali雖然已38歲,但樣子卻不輸剛出道時狀態。

(圖片來源: 劇集截圖)
(圖片來源: 劇集截圖)
(圖片來源:aliaime@Instagram)
(圖片來源:[email protected])

李佳芯Ali 多次獻身《新假期》

李佳芯Ali自2012年由收費電視轉到大台後,演姣精、演被人強姦演得又放又好戲,到2016年已在無綫《萬千星輝頒獎典禮2016》取得飛躍進步女藝員,2017年更憑《與諜同謀》和《踩過界》兩部劇集打低胡定欣和宣萱取得大馬視后「我最愛TVB女主角」獎,成為首名奪得「飛躍進步女藝員」僅兩年就獲封視后的女藝人。原來未紅前的Ali在旅遊記者界已經頗出名,出名肯捱肯搏好相與,大約十多年前已多次同《新假期》上山下海,由台灣、日本,去到意大利、澳洲、斐濟,最勁仲去埋南極!以下的封面同內容,眼利網民又記唔記得先?

由收費電視主持,轉到大台做是非精,再由情婦角色做到入屋,全靠呢副煞食笑容。
由收費電視主持,轉到大台做是非精,再由情婦角色做到入屋,全靠呢副煞食笑容。

01|當Model第一次 走勻全台灣影婚照(2005年)

12年前的Ali剛投身Model界(當年𡃁模呢個term仲未出現!),還未做有線主持,第一次同《新假期》出Trip,人生第一次的婚紗相就要走勻全台灣影。當年的妝髮造型今日睇起上來當然娘味十足,不過當年唔興過份的Photoshop、唔興假眼睫毛和大眼仔,Ali 靚樣同今時今日差唔多,證明靚樣真材實料啦!

影靚相彈性要高,見到條公路都可影一餐,Ali 一樣配合到
影靚相彈性要高,見到條公路都可影一餐,Ali 一樣配合到
李佳芯Ali首次為《新假期》拍封面,就穿起嫁衣!(307期|2005年7月出版)
李佳芯Ali首次為《新假期》拍封面,就穿起嫁衣!(307期|2005年7月出版)
當年仲興嘅Sammi式幼眉、無大眼仔、無粗黑眼線,天然無添加都已夠靚!
當年仲興嘅Sammi式幼眉、無大眼仔、無粗黑眼線,天然無添加都已夠靚!

攀山涉水擺甫士

影過婚紗相的人就知,靚相一般在兩日內瘋狂影晒;Ali在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,忍受38度高溫及長期暴曬的折磨。

七股鹽山的鹽堅硬巉手,Ali著住婚紗爬上去影相都唔易
七股鹽山的鹽堅硬巉手,Ali著住婚紗爬上去影相都唔易

當年的記者憶述,拍攝當日台北天氣驟晴驟雨,拍攝團隊只好躲在車內,待雨停時Ali立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。Ali都以專業態度面對,第一次出Trip,其實好難得!

拍攝時38度的高溫、又時晴時雨,Ali 坐埋一邊整理妝髮都無黑面
拍攝時38度的高溫、又時晴時雨,Ali 坐埋一邊整理妝髮都無黑面
呢張相Ali應該都唔想睇返!
呢張相Ali應該都唔想睇返!

翻閱2005年的陳年舊雜誌,當年記者好鍾意寫詩,而影相的攝影師亦好鍾意Model頭戴一大朵花(利申那位是台灣婚攝公司的攝影師)。

去到墾丁海邊叫Ali同臨記「老公」耍親熱,絕無托手踭!
去到墾丁海邊叫Ali同臨記「老公」耍親熱,絕無托手踭!

02|天寒地凍 沖繩追櫻(2007年1月)

為了向廣大的讀者報導日本的櫻花情報,《新假期》記者往往要帶同Model 提早出發。去完台南的1年半後,Ali跟《新假期》記者2007年1月出發到沖繩,在短短5日拍攝時間內要影櫻花、又要影海邊Resort。當年的記者指,那時候Ali已經是模特兒界的女神,但過程雖然辛苦捱凍,一樣好影無架子有交帶。

其實當時花期未到,只得間唔中有一、兩棵開了櫻花的樹,Ali獨個兒爬入山谷花叢扮晒全部花花世界,上山落水無怨言,工作態度一流。
其實當時花期未到,只得間唔中有一、兩棵開了櫻花的樹,Ali獨個兒爬入山谷花叢扮晒全部花花世界,上山落水無怨言,工作態度一流。
1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)
1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)

春寒扮初夏 背心短裙頂硬上

1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!

繼續是招牌燦爛笑容,邊個會估到Ali今時今日會做到咁奸嘅角色!
繼續是招牌燦爛笑容,邊個會估到Ali今時今日會做到咁奸嘅角色!

白滑背脊第一露!

要知道旅遊記者去一個Trip唔只返一隻稿,當年1月已經要去影Resort,你估下呢間無人曬太陽嘅Resort,當時有幾咁凍?就係咁,Ali首次露出了白滑背脊畀《新假期》同廣大讀者。

咪睇女神個靚背脊就以為影Resort 好爽,鏡頭背後不知幾凍!(396期|07年4月出版)
咪睇女神個靚背脊就以為影Resort 好爽,鏡頭背後不知幾凍!(396期|07年4月出版)

Follow Ali to…

去到海邊resort,蔚藍海岸耍脾氣,時晴時雨,大風,陰陰涼,女神毫不扭擰,要著bikini落水永不say no。最正係去到海邊,攝影師為滿足親近女神欲望,情不自禁,影了一大堆拖住著得性感嘅Ali女神隻手踏浪的相呀,咦,拖手相,咪仲早過instagram手拖手遊世界的 #FollowMeTo情侶Murad Osmann!

放開個女仔!攝影師的拖女神相,係咪要畀嬲先?!
放開個女仔!攝影師的拖女神相,係咪要畀嬲先?!

03|無P圖!早過男神勇闖南極(07年11-12月)

翻查資料,當時的Ali未做主持,但當時在Model 界她都多見報,算搶手貨。原來女神仲早過洪永城兩年去南極拍攝(編按:洪永城在NowTV年代曾以幕後身份,與黃貫中前往南極拍攝《一個地球》),係咪威先!

好多人問張相係咪Key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)
好多人問張相係咪Key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)

辛苦捱到去極地

咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。

話說前往南極大風大浪,每日都嘔幾次,郵輪廁所的骰,女神高挑身型都要屈就下。
話說前往南極大風大浪,每日都嘔幾次,郵輪廁所的骰,女神高挑身型都要屈就下。
當年去南極的郵輪不是豪華郵輪,得上下格床,Ali都要影一餐!
當年去南極的郵輪不是豪華郵輪,得上下格床,Ali都要影一餐!

自備企鵝拍Selfie

去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚(定手上的企鵝公仔?),對人類已沒有戒心的企鵝們也會自動走近,又或乖乖站在附近任影唔嬲。

如果當年有IG,女神呢張相應該爆晒Like。
如果當年有IG,女神呢張相應該爆晒Like。

陰公!出場少過企鵝

揭返當年本雜誌,今次南極之旅Ali出場位主要在封面,文中幾乎只有冰山大相同企鵝相,當同船嘅大陸客都有full page赤祼照一大張,Ali只獲得細碎行行企企食飯典床版面,好在呢輯相出土了,否則政府圖書館都睇唔返!

Opening只得半身退地人。
Opening只得半身退地人。

04|終極一脫 三點式玩斐濟(09年)

雖然Ali 沒有好似一般𡃁模出寫真集,平日出席大台活動都鮮有走性感路線,不過09年女神其實不介意健康性感,和《新假期》去斐濟時,就大曬Bikini +長腿。

去到斐濟陽光與海灘,封面無Bikini,但內裡有不少健康性感照。(519期|09年8月出版)
去到斐濟陽光與海灘,封面無Bikini,但內裡有不少健康性感照。(519期|09年8月出版)
睇住靚景浸浴,當然夠晒歎。
睇住靚景浸浴,當然夠晒歎。
青春無敵的Ali,比現在多了份清澀感。
青春無敵的Ali,比現在多了份清澀感。

05|跟水哥達人遊澳洲(09年7月)

2009年的Ali 已經成為有線主持,主持《體育王》,被網友追捧為「體育女王」,知名度已大大提升;《新假期》難得就到檔期邀請李佳芯去斐濟,同一個Trip順便Part埋飲食達人紀曉華Walter Kei,去埋澳洲塔斯曼尼亞歎世界食好西。

封面上Ali畀Walter勁搶戲!(517期|09年8月出版)
封面上Ali畀Walter勁搶戲!(517期|09年8月出版)

當時去採訪的旅遊記者回憶,話說採訪塔斯曼尼亞東岸蠔場時,位處南半球的塔斯曼尼亞正入冬,到訪之時白天只有8-10℃,天寒地凍,Ali 和紀曉華都要著上「賣漁勝」裝束落水。咁嘅情況下正常人都會嗌凍,但當時人氣已不俗的Ali 毫無嗌辛苦怕凍的,震住都快手開工。

落水得幾度,女神笑容依然燦爛,襟撈!
落水得幾度,女神笑容依然燦爛,襟撈!

06|意大利慢食、揸靚車之行(08年5月)

跟住《新假期》出Trip,真係為女神帶來好多難忘的時刻,好似08年的意大利都靈、五漁村之旅,女神就連續兩星期登上《新假期》封面。

意大利五漁村的繽紛小屋,加埋女神食雪糕,靚!(455期|08年5月出版)
意大利五漁村的繽紛小屋,加埋女神食雪糕,靚!(455期|08年5月出版)
坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,羨慕死人!(456期|08年6月出版)
坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,羨慕死人!(456期|08年6月出版)

意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露

要知道旅遊記者出Trip無化妝隨團,咁近影大頭相,睇得出Ali幾乎零瑕疵!
要知道旅遊記者出Trip無化妝隨團,咁近影大頭相,睇得出Ali幾乎零瑕疵!

Ali 李佳芯美容保養秘訣公開

1. 湯水滋潤

不少女士也會好像 Ali 拍戲般忙碌,又經常會熬夜,導致皮膚、身體好易老。這時候可以煲一些有助皮膚美容補水的湯水,例如雪耳木瓜湯等,這些湯水只要簡單工夫就可以煲起,十分適合忙碌的女性!

李佳芯減肥,白色強人,Ali,TVB
李佳芯美容保養秘訣:湯水滋潤

2. 徹底卸妝

Ali 因工作關係經常需要化妝,皮膚長時間被化妝品遮蓋,難以呼吸,所以她不工作的時候也盡量素顏,亦不會帶妝睡覺,這樣皮膚便有更多機會透氣。

李佳芯減肥,白色強人,Ali,TVB
徹底卸妝

另外,Ali 在化妝後也會徹底地卸妝、清潔好皮膚,因為化妝品上含有大量的化學物品,如果沒有徹底清潔,化學物殘留在皮膚上容易傷害皮膚,以及堵塞毛囊。

李佳芯減肥,白色強人,Ali,TVB
李佳芯Ali – 徹底卸妝

3. 選用天然的護膚品

香港的濕度、空氣質素都是有機會影響到皮膚,皮膚也很容易被空氣物質刺激,所以用天然的產品可以減少產品的化學物對皮膚的刺激,為肌膚提供更加好的保護。

李佳芯減肥,白色強人,Ali,TVB
李佳芯Ali – 選用天然的護膚品

4. 保濕後記得鎖水

Ali 認為身體睡眠不足時,皮膚也會變得缺水,加上長期待在冷氣的環境下,皮膚水份流失得更快。如果只靠保濕產品補水的話可能並不足夠,在補水後也應做好鎖水工作,讓肌膚處於足夠水份的狀況。

李佳芯減肥,白色強人,Ali,TVB
李佳芯Ali – 保濕後記得鎖水

Tag
TVB

你可能也喜歡