髮色

韓潮人玩善變 識玩梗係跟冷 髮色

護膚保養

Text | Candy Choy

女人最鐘意見靚就跟,尤其係近期 髮色 當道,加上以往唔係染啡染紅染紫就染金,全部暖色系係易襯,但忽然見到又玫瑰金拼霧感灰綠,又Pantone粉晶溝寧靜藍,咁多髮色 揀,重點係「韓星韓妹個個都係咁喎」,點會唔心思思想潮跟啫!好喇,染完喇,靚喇,你唔係就咁諗住著返黑白色衫呀嘛?鬼唔知係襯到,但悶囉,學以下韓國不同單位的人氣女-百變女王2NE1隊長CL,以rainbow hair成名的人氣潮模兼KOL Irene Kim同美妝靚女blogger Pony,仲有素人韓妹點樣將咁潮既 髮色 同啲衫既顏色襯得黎又夾番女人天生善變既性格!

浮誇灰白色代表 CL

一句”Hello Bitches”就知CL係重口味路線,不過你咪理,2NE1係韓國有”Queen “之稱,無論佢髮色同打扮絕對會令女人都尖叫!平時上台、影相啲look當然會浮誇啲,但其實你都唔駛驚自己carry唔到,依家講 髮色 同服裝顏色點襯啫,更何況如果你染得呢個色,你接受能力已經夠高,係咪?不過記住染左呢個色,最緊要配番個行啲既妝,唔係就會變「姥姥」喇。

絕配淺色

灰白 髮色 襯粉紫色衫同鞋,成個tone都係淺色,配搭柔和。

想玩casual,牛仔服飾夠casual喇,不過淺色 髮色 揀番淺牛更好。

雖然有黑色,但CL揀左同髮色相近的nude 色配搭,一深一淺簡單又時尚。

當 髮色 變偏黃的金,服飾亦可以揀番earthtone。

紅色救殘樣

之前幫《W Korea》影相,染得一頭灰紫色,估唔到襯咁sharp的紅色都冇問題?因為紫同紅色都係偏暖色系,所以特別夾。

鮮紅色仲可以令灰白色呢個容易顯殘樣既色「起死回生」,面色即刻顯白又紅潤!

有紅色衫,就唔駛襯紅咀,唔係就娘架喇。

next page >漸變色可以點襯?

幻彩冷 髮色 達人Irene Kim

相比起前頁CL,韓國潮模Irene Kim來頭都唔弱,憑住一頭勁過幻彩詠香江的彩紅頭而成為各時裝周焦點的Irene,變 髮色 的次數多到應該咩色都就黎玩過晒,做得焦點當然除了一頭強勁 髮色 ,仲要襯衫襯得好睇!雖然今次 髮色 都仍算浮誇,玩今季人氣既漸變色都要俾人玩多幾隻色,但服飾配搭卻易follow,boyish x feminine的打扮,順眼又討好喎!有冇發現Irene既衫多數係淨色為主?唔係唔著得print,不過「呢幾年你都攰喇」,唔駛下下咁花呢碌先係潮既, 髮色 已經咁搶,服裝顏色簡簡單單咪好囉。

揀最「出」的色調

藍色係全個 髮色 中最突出之色,玩漸變藍實冇問題!

粉藍色淺牛配同樣粉粉地的漸變 髮色 ,又成功!

鮮色奪人

皮膚白可以試鮮黃,突顯 髮色 同膚色。

變成青青紫紫的粉色頭配鮮綠竟然冇撞到呯呯聲喎!

變成粉紅漸變,襯灰色、nude色呢類minimal的顏色最夾,加上件喱士長裙「睡衣」look,時尚突出。

就算髮尾變到九彩,只要係粉色,襯淺色衫一定冇問題。

next page > Pantone 色、玫瑰金點襯最靚?

粉色教主 Pony

做得韓妝女皇,Pony 當然對顏色學特別敏感,不時玩不同髮色配不同妝容,其實佢以前都係染普通暖色系,所以雖然係靚女,但就唔出眾囉。自從玩漸變 髮色 、玫瑰金,到依家的2016 Pantone 粉色,再加埋靚妝,佢ig的like亦比以前多一倍以上,講緊係萬幾二萬去到八萬幾喎,所以話呢,新鮮感係好重要。

Tone On Tone

其實粉藍加粉紅色 髮色 都有好多色揀,最緊要係揀同色系,彩藍色衫即刻令佢sharp晒。

襯番髮色,tone on tone係最易襯既方法。

Pantone粉色一甩色就會變灰,所以襯灰色絕對冇問題。

唔玩Pantone頭玩Pantone衫亦得

你自己睇下喇,暖色系髮色襯Pantone 粉晶同寧靜藍多啲,定冷 髮色 ?

漸變玫瑰金

玫瑰金可以話係咁多個人氣 髮色 中,最易夾亞洲人膚色,顯白得來,紅色系亦更易襯。相比起CL襯紅衫唔可以襯紅咀,Pony因為係玫瑰金漸變色,佢連個妝都係上淺下深既漸變,所以就算著紅衫亦唔浮誇。

就算著nude色都唔覺得太pale,因為有粉色妝容搭救,soft soft地絕對唔覺得 髮色 太激動。

杏色同佢頭頂既淺金色,又襯左。

春夏大熱的珠片、glitter,幻彩色襯同樣幻彩的玫瑰金漸變亦夠fresh。

next page > 「普通版」冷 髮色 襯咩色?

睇完咁多漸變 髮色 ,有染開髮都明「花無百日紅」,想keep住呢d 特別色除非成日染,不過大家都係懶底,當甩色時,可以點令造型仍然突出?記住以下幾個重點,就唔會好似黎明金句咁,「魚柳變了,就不是魚柳包」咁,變左色都可以keep住潮味!

淺髮撞sharp色 膚色顯白唔頹廢

上身單色、下身玩print 

MK金襯Camel色衫 色tone夾唔覺out

深藍深綠最易襯

粉色、淺灰實冇死

所以當你 髮色 甩色既時候,都一定有另一個方法讓你可以生存下去架!

你可能也喜歡

Recommended