58歲黃德斌《大叔的愛》演癡情男!浮誇演繹與現實極大反差 太太:「我未見過呢一面!」

58歲黃德斌《大叔的愛》演癡情男!浮誇演繹與現實極大反差 太太:「我未見過呢一面!」

由58歲黃德斌、MIRROR成員Edan(呂爵安)及Anson Lo(盧瀚霆)主演的ViuTV新劇《大叔的愛》昨日開播,而劇集早就在播出前就因新鮮的題材及人物搭配掀起網民熱議!劇中飾演大叔「KK」的黃德斌在劇中向Edan飾演的「阿田」展開一連串的猛烈攻勢,送吻求愛誇張表情樣樣有。據悉黃德斌的破格演出驚豔了在場的導演、演員,連黃德斌多年好友簡慕華都表示不敢相信!

撰文:Cyan、東方新地|圖片:東方新地、黃德斌微博、《大叔的愛》劇照|編輯:Ella

58歲黃德斌《大叔的愛》演癡情男

ViuTV新劇《大叔的愛》一開播已引起熱論,由其在選角方面,黃德斌答應出演的消息都令大眾十分驚訝!黃德斌向來給人的感覺嚴肅,剛陽味重,與劇中的角色有極大的反差,在劇中他不時要做出送吻求愛、含羞痴戀、少女心的表情和動作,絕對是嶄新的形象。而導演郭家禧及監製盧思麟就曾表示選黃德斌做大叔的最大原因,就是想要他身上那種強烈的反差感!

(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)

誇張表情包驚喜滿分

黃德斌在劇中表情多多,放低包袱的演出令人讚嘆,其誇張演繹為劇集增添了不少笑料!黃德斌在劇中的對白都十分直接,不時要向Edan示愛講「我愛你」等,又有親密的接觸,就連黃德斌自己都直言「唔敢睇playback」,相信一定令不少觀眾起雞皮疙瘩!

與簡慕華第4度合演夫婦 :「我未見過德斌會做呢啲咁嘅表情同動作!」

而在劇中飾演黃德斌的老婆簡慕華,私下與他已是多年好友,更曾3次合作飾演兩夫婦,不同這次的模式和感覺都非常不同。簡慕華在訪問中都表示:「我未見過德斌會做呢啲咁嘅表情同動作!鍾意嗰個男仔嘅表情、動作、說話,佢都做到曬出嚟,見到佢咁嘅表現,其實我係覺得好好笑囉!」

(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)
(圖片來源:ViuTV笑料足本睇!《大叔的愛》製作特輯!@Yotutbe截圖)

與妻相愛16年 拍劇致抑鬱得太太陪伴走過

現實中的黃德斌與年輕十六年的黃太Joyce Wong (黃美恩) 患難見真情,兩人05年相識,當時黃德斌拍完電視劇《金枝慾孽》,事業剛開始有起色,之後連拍多部劇集《火舞黃沙》、《珠光寶氣》等都擔演重要角色,受觀眾關注,不過,11年他就因連拍兩部角色沉重的電視劇《天與地》及《心戰》,長期要徘徊情緒低位,令他一度抑鬱不能自拔,幸當時得女友Joyce陪伴支持才得以振作,兩人結束愛情長跑,於18年結婚。隨後,他為感激老婆陪伴更打本給她做生意,出錢之餘也會到店舖幫忙!

黃德斌
黃德斌有份參演深度劇集《天與地》,劇中人物一生坎坷,為演出令他長期處於情緒低位。(圖片來源:東方新地)
黃德斌
拍《心戰》演劇中人格分裂的陳豪內心的邪惡心魔,更因太投入而引發抑鬱。(圖片來源:東方新地)

曾右耳失聰

自細家境清貧的他,早年更試過耳朵入水發炎,因延誤求醫而導致右耳失聰。雖然人生多災多難,但黃德斌學會提醒自己要保持正能量,除了遺傳自母親的堅毅精神,亦多得女友的樂天性格影響。據知情者透露:「中學畢業之後,佢做過一排跟車工人,嗰時每朝返工前,佢都會去游水,一次唔小心入咗水落耳仔度,就算唔舒服都冇錢睇私家醫生,去政府醫院排期要等一年半,點知有朝早佢瞓醒發現枕頭都係血,原來耳仔發炎流膿,佢阿媽嚇到即刻同佢去睇急症,醫生要佢即時入院開刀,不過最後都因為醫得太遲,依家佢右耳只剩番三成嘅聽力!」

黃德斌
港產小品電影《逆流大叔》大獲好評,電影至今已衝破1,300萬票房佳績,對轉戰影壇的黃德斌來說可說是個好開始。(圖片來源:東方新地)
黃德斌
《逆流大叔》寫大叔奮鬥故事,因遇上公司裁員潮,一班大叔吳鎮宇、潘燦良、黃德斌等狂操扒龍舟出賽,戲中黃德斌更有跳海戲,他跳足17次拍水底場面,十分搏命。(圖片來源:東方新地)

未有計劃生B?

黃德斌,婚姻合伙人,專一長情
(圖片來源:東方新地)

講到同拍拖12、13年的女友結婚,他指自己無刻意低調結婚:「我唔會刻意去張揚,同埋最重要,佢係圈外人,我唔想佢變咗好似圈內人咁,然後可能好多嘢會寫佢,我唔想造成佢嘅壓力。」

至於生小朋友,德斌直言:「未有呢個計劃。因為我覺得結婚係兩個人嘅事,如果要有小朋友,我諗要有好嘅環境同條件,我先至考慮,我覺得依家未係。」

黃德斌,婚姻合伙人,專一長情
簡單隨意得連結婚也選擇以便服自助餐酒會形式進行。(圖片來源:東方新地)

黃德斌愛的宣言冧老婆

上年「雙喜臨門」的黃德斌,除咗有份擔演的小品電影《逆流大叔》票房衝破1,300萬事業旗開得勝,同拍拖十三年的圈外女友黃美恩 (Joyce) 感情亦開花結果,在上年的9月8日 在金鐘一間酒店舉行Cocktail Party註冊拉埋天窗。展開人生新一頁,黃德斌沒有選擇大排筵席,只在酒店舉行簡單而隆重的婚宴,與一班至親好友慶祝人生大事,黃德斌愛的宣言亦簡單直接:「佢好了解我!婚前婚後大家都係互相欣賞,遷就,信任和尊重。」

黃德斌
即使未有大排筵席,亦冇傳統接新娘儀式,但婚宴簡單得來卻好有愛,同至親好友慶祝的黃生黃太,全日表現興奮,切結婚蛋糕 一刻,平日內斂的黃德斌,亦開心到擘大個口笑,升呢做人夫的他幸福滿瀉!(圖片來源:東方新地)
黃德斌
黃德斌夫婦未有著傳統禮服及婚紗行禮,不過在婚宴上兩公婆打扮卻襯到絕,以紅白藍情侶便服出席婚宴,兩人讀完誓詞簽完婚書,互為對方戴上結婚戒指一刻,表現感動。(圖片來源:東方新地)
黃德斌
結婚戒指是卡地亞簡約款式。(圖片來源:東方新地)
黃德斌
跟女友同樣性格低調,黃德斌婚禮只以Cocktail Party形式招呼至親好友一齊慶祝,圈中好友戚其義、簡慕華、何啟南、徐榮及趙希洛等都有到場祝賀好友。(圖片來源:東方新地)
黃德斌
一直被指是監製戚其義愛將的黃德斌,在TVB時期拍過唔少對方大熱作品,大婚好日梗唔少得這位伯樂一齊慶祝。(圖片來源:東方新地)
黃德斌
註冊完畢,黃德斌招呼親友吃自助餐。(圖片來源:東方新地)
黃德斌
婚宴現場放有多張黃德斌同老婆早前拍的婚紗照,證明低調的黃德斌對一生人一次的人生大事其實相當細心,精心安排給太太留個最美回憶。(圖片來源:東方新地)

黃德斌低潮期曾嘗試轉行

黃德斌做Model入行,初初兼職做,開始轉全職,因做了一年開始覺得「好似唔係好穩陣」,從而轉行報讀藝訓班。訪問中,他表示:「無話要發明星夢,嗰時講生存咋嘛,邊好似依家咁講夢想、理想。嗰時個年代係,父母教落你唔讀書唔緊要,你有一技之長,喺社會搵到食就得㗎嘞!」

黃德斌
平日的黃德斌話不多,訪問當日發現他原來甚有幽默感,譬如說到:「咁梗係想多啲(錢)㗎,其實我入行目的都係想多啲,點知⋯⋯哈哈哈,原來唔係咁簡單就可以搵到多啲!」(圖片來源:東方新地)
黃德斌
(圖片來源:東方新地)

德斌就話當年由Model 轉做藝員的過程好簡單,即:「去電視台攞張form填,去考,跟住收你,咁㗎咋!而訓練班嘅老師淨係教你點演戲、演員道德係點」三言兩語透露當年轉行經過。

黃德斌,婚姻合伙人,專一長情
(圖片來源:東方新地)

92、93年離開咗TVB 幾年,97年先返TVB,由畢業去到《真情》差不多十年先至攞到「越南」呢個角色,其後他與無綫簽約5年,德斌話:「完咗約之後就多謝你五年嚟嘅合作啦,唔再續約嘞,咁咪出去囉!」

黃德斌,婚姻合伙人,專一長情
電視劇《火舞黃沙》(圖片來源:東方新地)
黃德斌,婚姻合伙人,專一長情
電視劇《天梯》(圖片來源:東方新地)

黃德斌感謝金牌監製戚其義

他指:「嗰時咁啱電影低潮,都經歷過啲大片嘅,幕前唔夠嘢做,咪做埋幕後。無工開曾經想轉行,但係轉唔到,因為年紀又唔細嘞,都已經三十歲。」收入不夠過活下,他表示曾兼職過一段日子以求搵多個錢,不過德斌就話多得金牌監製戚其義,佢之後先入番無綫做。

黃德斌,婚姻合伙人,專一長情
跟金牌監製戚其義是多年好友,亦是其御用班底。《金枝慾孽》、《火舞黃沙》、《天與地》合作無間。說到對劇本角色的展望,「以前做好多比 較悲情嘅角色,依家希望可以做啲開心啲嘅,但先旨聲明我唔係唔做 悲情角色呀!(圖片來源:東方新地)
黃德斌,婚姻合伙人,專一長情
指他對角色名利看得開,「睇唔開都無意思,幫到你咩?不如諗啲幫到你嘅嘢好過啦!」(圖片來源:東方新地)

只求做好角色 不求曝光

德斌再次離開無綫,他說:「依家嘅平台多咗,發展空間已經唔同咗,可以同多啲唔同嘅人合作,嘗試多啲唔同嘅嘢,我希望可以係咁。近呢幾年嘅工作,大部分都係出面嘅工作,而唔係TVB嘅工作,喺出面可能會同多啲唔同嘅人合作。」

黃德斌,婚姻合伙人,專一長情
(圖片來源:德斌微博)
黃德斌,婚姻合伙人,專一長情
(圖片來源:德斌微博)
黃德斌,婚姻合伙人,專一長情
(圖片來源:德斌微博)

離開 TVB之後的發展,他指要適應,要自負盈虧。至於北上是否目標之一,他則表示無特別要去北上,尤其是演員比較被動,任何地方他都想合作,還笑稱即使是印度有工作找他合作,他亦不介意!

對於電影《 逆流大叔 》叫好叫座,德斌指攝時無信心部戲會爆紅,坦言:「我由一開始接套戲個名叫《 萬水千山中男》睇個大綱,原來講幾個大叔嘅勵志故事,有意義,咁我一定要拍。都市小品唔係咁容易有投資者去拍,加上見到吳鎮宇,又有舞台王子潘燦良,最up and coming嘅胡子彤,我覺得呢個組合又幾特別,更加會去做!」

黃德斌,婚姻合伙人,專一長情
(圖片來源:東方新地)

你可能也喜歡