張敬軒外傭「遮遮」再有新煮意!薑蔥炒「Where is my腎?」

張敬軒外傭「遮遮」再有新煮意!薑蔥炒「Where is my腎?」

張敬軒外傭「遮遮」的廚藝十分「出眾」,所以軒仔亦常跟粉絲網民介紹日常早午餐的菜式,意外地開始受熱烈追捧!最近「遮遮」又再獻新猷,發功炮製了一道「薑蔥炒雞腎」給軒仔作午餐,軒仔也忍不住再跟大家分享這份「美味」啦!
編輯:SundayMore|圖片來源:張敬軒@Instagram|原文刊於:Monday東方新地

張敬軒「遮遮」 煮薑蔥炒雞腎

張敬軒貼出薑蔥炒雞腎圖,留言提到自己起碼成個月冇喺屋企食過晏,朝早遮遮問他:「摸寧蛇!What do you like for lunch?(你想要食咩午餐?)」軒仔表示想再試「炒雞腎」,並強調「again係重點吖吓」,一個小時之後,遮遮就向他表示已經買了雞腎和京蔥準備煮飯。

張敬軒「遮遮」 煮薑蔥炒雞腎 。(圖片來源:張敬軒@Instagram)
張敬軒「遮遮」 煮薑蔥炒雞腎 。(圖片來源:張敬軒@Instagram)

張敬軒表示:我成餐飯要慳住啲腎嚟食

到了12點15分,張敬軒終於有飯食,他提到這已經是自己第二次食「遮遮」煮的薑蔥炒雞腎,但今次腎的份量比蔥還要少,他也忍不住呻:「#我成餐飯要慳住啲腎嚟食 #咬半粒腎扒兩啖飯 #有種嗌薑蔥炒雞腎走腎嘅感覺」。

張敬軒表示:我成餐飯要慳住啲腎嚟食。(圖片來源:張敬軒@Instagram)
張敬軒表示:我成餐飯要慳住啲腎嚟食。(圖片來源:張敬軒@Instagram)

軒仔投訴「遮遮」煮的薑蔥炒雞腎中薑蔥比雞腎多,令他有種嗌薑蔥炒雞腎走腎嘅感覺。不過軒仔講到一半都有為「遮遮」諗藉口,他續說:「#其實佢出發點係好因為佢唔想嘥咗啲蔥 #佢係咪諗住啲薑可以驅風 #多到痴線 #至少佢令我明白薑蔥炒雞腎同雞腎炒薑蔥嘅區別 #今日同我開工聞到成浸薑蔥味唔好意思因為我成肚都係」。

軒仔話咬要半粒腎扒兩啖飯! (圖片來源:張敬軒@Instagram)
軒仔話咬要半粒腎扒兩啖飯! (圖片來源:張敬軒@Instagram)
軒仔食完這個午餐,忍唔住出po問:「Where is my腎?」(圖片來源:張敬軒@Instagram)
軒仔食完這個午餐,忍唔住出po問:「Where is my腎?」(圖片來源:張敬軒@Instagram)

網友:遮遮可能覺得你要再聰明啲

「遮遮」出手的食物從不會令人失望,今次也有網友留言:「遮遮可能覺得你要再聰明啲。」、「1:99 唔係漂白水同水嘅比例,係腎同薑蔥。」、「佢好用心,有幫你啲腎𠝹花。」、「你除左係早餐界kol 依家仲係午餐界kol。」、「你估你唔會會再試第三次?」、「我放大左嚟搵。」、「Sir ,你呢個age容易膽固醇高,咪食咁多內臟,想補腎有其他方法。」、「出面渣嘅茶餐廳都係咁上下。」

網友:遮遮可能覺得你要再聰明啲 。(圖片來源:張敬軒@Instagram)
網友:遮遮可能覺得你要再聰明啲 。(圖片來源:張敬軒@Instagram)
軒仔回覆網友話「遮遮」有幫佢啲腎𠝹花,話:「佢就嚟連我個胃都𠝹埋花!」(圖片來源:張敬軒@Instagram)
軒仔回覆網友話「遮遮」有幫佢啲腎𠝹花,話:「佢就嚟連我個胃都𠝹埋花!」(圖片來源:張敬軒@Instagram)

阿Sa笑軒仔年紀大

林泳淘都有留言讚姐姐好有heart,佢話:「有粒腎嘅物體仲要雕左花!」而阿Sa(蔡卓妍)就搞笑撐「遮遮」,對軒仔表示:「佢驚你膽固醇爆錶吖嘛!始終年紀有返咁上下⋯」軒仔就笑答:「喂真嘢唔好攞出來講!」

林泳淘大讚姐姐好有heart。(圖片來源:張敬軒@Instagram)
林泳淘大讚姐姐好有heart。(圖片來源:張敬軒@Instagram)
阿Sa笑軒仔年紀大,「遮遮」只係驚佢膽固醇爆錶。(圖片來源:張敬軒@Instagram)
阿Sa笑軒仔年紀大,「遮遮」只係驚佢膽固醇爆錶。(圖片來源:張敬軒@Instagram)

你可能也喜歡