分享 分享

到公園玩一定要分享玩具?女童拒借吹泡泡機給2歲B女 被港媽批評自私終冷靜反擊

網絡熱話

分享 是種美德,相信大家自小就聽過「孔融讓梨」的故事,故事講述孔融將比較大顆的梨子讓給哥哥,被稱讚是大方淳厚、情操高尚。然而分享都要看對象、時間,並非任何分享都是好事,近日一名女網民於社交平台發文憶述童年曾拒絕分享玩具給陌生人,結果發生不愉快事件,白白受氣,令她深感委屈,一直記住件事直到現在。

撰文:Clara | 資料、圖片授權:生仔要考牌系列| 原文刊於:Sunday Kiss

女童拒借吹泡泡機畀B女被斥

近日,有名女網民於Facebook專頁「生仔要考牌系列」投稿,憶述一段令她忿忿不平多年的童年故事。事緣女網民讀小學時,獲親戚贈送一套吹泡泡機。她很開心地打算到公園吹泡泡,邊吹邊玩。突然,有名B女請求女網民借吹泡泡機來玩,女網民問B女幾歲,得知B女只有兩歲之後,她果斷拒絕。 她解釋是因為怕B女危險才會拒絕分享:「我自己都唔介意同大家share,只要有人問我,我基本上都肯畀佢玩。我見佢咁細個,怕佢誤食,所以拒絕咗。」

女童拒借吹泡泡機畀B女被斥(非當事人)
女童拒借吹泡泡機畀B女被斥(非當事人)

想不到B女開始哭泣,B女媽媽馬上走出來鬧女網民:「拎得落公園玩,唔理點都好,就一定要同其他人分享。」女網民當時雖然年紀比較小,但仍保持冷靜地反擊:「我係怕佢小朋友飲咗啲番梘水入肚會出事。」惟B女媽媽情緒依然繼續激動,不斷向女網民講解其分享之道。女網民不欲與她爭論,故離開現場,同其他同齡小朋友玩吹吹泡泡機。事後,她很後悔沒有問B女媽媽她女兒有多重,她笑言:「以佢嘅邏輯,佢帶得個女過嚟,都應該將佢個女同大家分享。」

女童拒借吹泡泡機畀B女被斥(非當事人)
女童拒借吹泡泡機畀B女被斥(非當事人)

唔分享有兩大原因

女網民認同分享是美德,但以那個情況來看,她覺得吹泡泡套裝實在不適合年紀太小的小朋友玩:「咁細個好易誤食,我畀佢玩唔係問題,問題係如果佢出事之後,我賠唔番條命畀人。」而且女網民認為分不分享是她個人選擇,其他人沒有權力逼她一定要分享:「呢啲係我私人財產,我大可以唔分。你帶錢出街,係咪要將啲錢分畀人先?!你個女想玩,你咪自己買俾佢,住得私樓應該唔窮得去邊?!」

唔分享有兩大原因(非當事人)
唔分享有兩大原因(非當事人)

網民:唔好濫用分享

網民普遍支持女網民的說法,讚她比B女媽媽更緊張B女身體健康:「我反而覺得你爸媽教得你好好,咁細個就咁識caring,好細心」。他們認為「分享是人情,不分享是道理」:「擁有者先有權講分享,向人家要求交出財物,呢啲乜唔係叫打劫咩?」、「好心啲父母唔好濫用分享…乜都想人同自己仔女分享,人哋唔係老馮要同你分享。不如從細就教吓自己仔女情緒處理吧…」亦有網民笑言B女媽媽應該以身作則,教女網民甚麼叫分享:「我好鐘意你老公,同我share得唔得,你帶得個老公出街就預咗同人share?」

網民:唔好濫用分享(Facebook截圖)
網民:唔好濫用分享(Facebook截圖)

你可能也喜歡

Recommended