閨蜜buffet

$98半山隱秘 閨蜜buffet ~飽覧中環靚景+樹海!

生活品味

想去人少少嘅餐廳避世?今次記者帶大家捐窿捐罅來食 半山隱秘buffet ,餐廳對正動植物公園,可以飽覧中環靚境和的一大片樹海,望着都已經心曠神怡!而最驚喜的用貼地價錢$98可以歎到半自助午餐,幾款海鮮、前菜和甜品任食,好抵喎!究竟質素如何?立即去片!

撰文、攝影:放蛇組

半山隱秘 閨蜜buffet :環境開揚 望中環靚景+樹海

餐廳位於8樓,而隔壁就是動植物公園,如果坐到窗口位置,可以居高臨下望到一大片樹景和中環的高樓大廈,而且有大梳化椅子,邊食邊歎靚景都幾舒適。

餐廳有不少窗邊位,可飽覽中環靚景。

亦可望到一大片動植物公園的樹景。

海鮮:生蝦+煙三文魚

前菜和甜品均是自助,前菜有海鮮、熱盤、湯和沙律吧,每樣有1-2款選擇。第一輪的海鮮有生蝦,密密供應,被人夾光後亦有兩三盤refill,生蝦爽彈,不過要淋多點酸辣汁才夠滋味。第二輪海鮮有煙三文魚,大件完整,煙燻味慢慢滲出。另外的兩款熱盤馬來咖喱雞酥和越南春卷亦不錯,前者塞了滿滿的咖喱雞餡,充滿了咖喱香味和辣味;後者每條都脆卜卜,裡面是冬菇豬肉餡。

生蝦有密密refill,不怕被人夾光。

煙三文魚大塊滑身,質素唔錯可以encore。

熱盤有咖喱雞酥和春卷,前者咖喱味好香濃,後者夠脆卜卜不油膩。

有多款蔬果、菜和醬汁等可自己DIY沙律。

追加海鮮+熱盤 大大隻海蝦

正當已經半full狀態,出面竟然有新的海鮮和熱盤,所以要密密留意着出面!今次有一大盤海蝦,脫殼後蝦身都大隻,有蝦味而且都爽彈,不過就不夠凍。

雖然海蝦是放在冰盤上,但食落都不太夠凍。

睇圖都見到,大大隻蝦。

熱盤有新選擇:脆餅。

主菜每星期轉menu 青咖喱鴨+燒魷魚筒

不夠吃的,可以加$50要一款主菜,每星期會有新Menu,記者放蛇的那一周是東南亞主題,有印尼炒飯、泰式青咖喱鴨配白飯和日式醬汁燒魷魚筒。日式醬汁燒魷魚筒其實肉質彈牙,但可惜有幾件面頭燒到太乾,硬到吐出來,而且這款沒有跟飯或麵,大食的可能不夠飽肚了。另一款的泰式青咖喱鴨配白飯,有4大件鴨肉和茄子,鴨肉肉質不會煮到太老,但青咖喱醬汁辣度超高,辣到吃一口即要喝水,不太吃辣的記者很難繼續吃下去呢。

魷魚筒肉質彈牙,但有幾件燒到太乾。

青咖喱鴨配白飯,鴨肉有4大件,但醬汁過辣,不吃辣的千萬別點。

5款甜品:自助pancake機

甜品亦是自助,有各款小蛋糕、椰汁糕、樽裝甜品和生果,還有自助pancake機可以整熱辣辣pancake。不過除了pancake機外,味道則麻麻,小蛋糕過於濕潤;綠豆沙太苦,有點失望。

自助pancake機整出來的pancake都圓潤完整,剛整好時熱到出煙,質感鬆軟,亦有忌廉和醬料等可自行DIY口味。

各款小蛋糕賣相雖然OK,但這件由mousse到海綿蛋糕的口感都非常濕潤,似浸了在糖水般。

芒果和咖啡x oreo口感則正常,看來要靠運氣啦。

樽裝綠豆沙雖然非常足料,但綠豆食落很澀。

總結:食物種類雖有海鮮、前菜、湯、沙律和甜品,但每樣得2-3款選擇,多幾款會更滿足!味道方面,海鮮和熱盤都不錯,但其他主菜和甜品則有待改進。最吸引的一定是環境,餐廳位於8樓,可望到中環靚景和動植物公園的一片樹景,開揚舒適。不過人手不夠,記者平日去放蛇,樓面只有1-2位店員,不夠人手執碟和加水。自助餐星期一至日都有供應,價錢$98可以食到2.5小時,加主菜每款$50,而部份信用卡有85折優惠,除返開$126/位…

一句到尾:是一個清靜、適合HEA、食景嘅地方

Cafe on 8

地址:香港半山麥當勞道貳號8樓(顯示地圖
電話:2132 2688

半自助午餐供應時間:星期一至日12nn-2:30pm
收費:成人、小童 $98,主菜每款另加$50

備註:收加一,恆生、東亞、星展信用卡另有85折優惠

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended