超吸引海景自助餐！4.5小時任食波士頓龍蝦＋和牛＋魚子醬＋黃鰭吞拿魚等200款美食！

Text：Joan｜ Edit：Giselle｜Photo：Kwan Yiu、LamLam｜Source：新假期

紅磡酒店自助餐 任食4.5小時 200款食物

這間坐落紅磡海旁的酒店，今年才剛開幕，一望無際的大海景是其一大亮點！酒店附近清靜，喜歡吹海風的話可選擇室外座位，盡情享受寧靜、浪漫的氣氛；怕冷的話，也可選擇室內近Buffet枱的位置，同樣可透過落地玻璃窗望到迷人的海景和夜景，同樣賞心悅目。

美食亮點1: 海鮮區！波士頓龍蝦＋阿拉斯加皇帝蟹腳

自助餐足足有200多款食物供應，真的花多眼亂！食物分散在餐廳不同角落，而且有多個即煮Live Station，食物不停新鮮出爐，要食勻除了要有大胃外，還要有足夠腳骨力！所以大家出發之前，最好先睇小編分析睇定有咩要重點出擊！

一入門口，便是海鮮區和刺身區！海鮮有波士頓龍蝦、阿拉斯加皇帝蟹腳、花蟹、大蝦
、 青口和海螺，款式都OK，而且大廚密密手Refill，去到尾聲都仲有供應！小編覺得必食波士頓龍蝦，龍蝦肉爽彈，膏量適中夠鹹鮮，蝦肉也不錯，鮮甜彈牙。

即切刺身＋和牛壽司+黃鰭吞拿魚

刺身除了三文魚、油甘魚、吞拿魚和八爪魚外，更有北海道帶子、海膽手卷等，更有黃鰭吞拿魚！而壽司也是亮點，有手握和牛壽司，油花豐富的和牛賣相好吸引，火炙過後更添油香，入口即溶，小編私心推介！

美食亮點2: 熱盤區！焗龍蝦＋即烤肉眼扒＋慢煮煙燻牛冧

吃完海鮮和刺身，熱盤和冷盤也有很多精彩、矜貴的菜式！當中包括法式焗龍蝦、瑞士半溶芝士伴薯仔和即切伊比利亞24個月火腿等。最吸引是有個慢煮櫃，炮製牛冧、牛肋骨等，慢煮12小時後再煙燻燻香，香味滿布在牛肉中，食肉獸一定鍾意！還有煎鵝肝、俄羅斯薄餅伴魚子醬等，夠晒回本！Live Station還有即製石頭窩飯和粉麵區等，多到好難數得晒！

美食亮點3: 高質甜品！即製法式Crepe＋分子雪糕

甜品亦有兩個即製Live Station，一邊是即製法式薄餅Crepe，有多款配料和醬料讓你自由配搭，心太軟也是從焗爐密密焗製，一舀即有滿滿的朱古力醬湧出，小心辣咀！另外分子雪糕也是影相位，一有Order便會即製雪糕，液態氮倒出時立即煙霧瀰漫，最啱呃like！

香港嘉里酒店－大灣咖啡廳

• 地址：香港九龍紅磡灣紅鸞道38號（顯示地圖）
• 電話：2252 5246
• 2017節日自助餐
  供應日期：15／12／2017 – 1／1／2018
  自助晚餐供應時間：6pm – 10：30pm
  1／12 – 14／12 ：成人 $668 / 小童 $334
  15／12 – 23／12 及 26／12 – 30／12 ：成人 $688 / 小童 $344
  24／12 及 25／12：成人 $868 / 小童 $434 （可享無限量添飲汽水及果汁，聖誕老人亦會神秘現身，帶來禮物及驚喜！須預早全額付款）
  31／12：成人 $868 / 小童 $434 (可享無限量添飲汽水、果汁、啤酒、餐酒及氣泡酒，須預早全額付款)
  1/1/2018：成人 $688 / 小童 $344 (可享無限量添飲汽水、果汁、啤酒、餐酒及氣泡酒，須預早全額付款)
• 備註：1)另收加一 2)小童價目適用於 7 至 11 歲小童,每枱限兩位 7 歲以下小童免費入座