試食！長沙灣名人飯堂親民版Tang2

Q: 有什麼餐廳適合慶祝生日或週年紀念？

香港其實有很多特色餐廳，即睇： 打卡餐廳Cafe推介 ／ 海景餐廳推介 ／ 香港酒吧高質推介 ，適合打卡，又是情侶拍拖、慶祝生日、紀念日，甚至閨蜜聚會的好去處！

Q: 有什麼拍拖好去處推介？

情侶約會可以去這 拍拖好去處 ，既玩味又能滿足女生愛打卡的要求。在特別日子到 影相好去處 拍照留念都是很好的選擇！另外也可到 Art Jamming 、 Tufting ，最後可以去 按摩店 放鬆身心。

Sep 29 2015

Text|Carrie

Island Tang、ChinaTang同Kowloon Tang呢啲名人飯堂，開晒響中環置地、嘉軒廣場同尖沙咀圓方，未行入去都知咩價位，晚飯閒閒哋每位$500。朋友話響長沙灣開咗間親民版叫Tang²，價錢平成半有多，中西合壁style，你鍾意食叉燒同手撕雞，我鍾意食安格斯肉眼扒；甜品你要芋蓉燉鮮奶，我飲咖啡食Brownie，大家都可以坐埋一枱，六個人嚟食，埋單都係每人$200左右已經有埋頭盤同甜品，食齊中西美食，名人飯堂級數嚟講，算係超值！

話明係親民版，當然唔會走華麗路線，裝修走美式工業風格，客人年輕為主，氣氛輕鬆。

雖然親民咗，細節位都仲有番響度，套碗筷都好保持番型格。

依家興飲健康果汁，呢度有杯秋葵、生菜、蘋果製成嘅秋葵蘋果汁($36)好受歡迎，侍應哥哥話有降脂通便效果，其實冇草腥味易入口先係受歡迎原因囉！蜜汁叉燒($88)係Tang系列的招牌菜，親民版平咗一截，不過質素仲響番度，腍滑梅頭肉配秘醬汁，加埋呢個花籃形賣相，物有所值！

晚餐時段都有點心叫，心水推介係泡菜豚肉燒賣($18)，有泡菜香味而不太辣，創意之作。焗田樂茄子($58)，日式田樂燒法，圓碌碌茄子開邊刮空加入芝士和菌類和麵豉醬，香口不膩，差不多每張枱都有order，幾十蚊的手工菜！

麻香口水雞($48)，竟然用烏雞做，川式麻辣向來偏油，揀用瘦肉烏雞果然清新好多！

安格斯肉眼扒伴紅酒燒汁($238/12安士)有得揀幾多成熟，份量十足，落order五成又真係做到，好過好多西餐廳永遠俾多兩成熟出嚟！

NextPage>>冇甜品，點算食咗餐飯！

豆沙鍋餅($38)配乜先係中西合壁，綠茶雪糕囉！

叫得咖啡飲就要揀番個Brownie配雪糕($44)先算夾喇！

芋蓉燉鮮奶($38)係健康版芋泥，清淡好多，食晒一碗都冇罪疚感！

Tang²

地址：九龍長沙灣道833號長沙灣廣場地下G09C號鋪