觀塘新店試食！余文樂都like 華嫂雞蛋菠蘿包

Text |Carrie and Kingyo
Photo |Kingyo
終於可以唔使山長水遠入元朗都食到華嫂出品，新店在觀塘近地鐵站好方便，唔怪得連華嫂頭粉余文樂未開張已出恭賀post！計落今日先算係首日開業，正午12:00已見廿幾人長龍，排咗個半鐘終先有枱，除咗兩款觀塘限定通粉和米線外，就是照足元朗總壇菜牌供應，水準如何？大家一齊睇吓喇！

雖然元朗總店休業九日將人手調過來，但正值午飯時間，場面明顯有點混亂，有落錯單情況在所難免，點嘢食時店員講明叫粉麵類隨時等半小時，因為order太多做唔切，現場亦聽有等唔到上菜趕住返工要取消order走人，好彩華嫂親自坐陣，任何問題第一時間親自出嚟同大家講「唔好意思」！
招牌菠蘿包 ($17)
菠蘿包夾住雞蛋、番茄同鮮牛油，即叫即煎蛋，蛋夠熱薄薄的牛油上桌時已溶咗一半，所以不覺油膩，菠蘿包鬆軟，包面的菠蘿皮鬆化但不油膩，配最新的樽裝奶茶做早餐最唔錯，可惜店員話樽裝奶茶趕唔切開張登場！

豬扒菠蘿包($24)
最怕豬扒煎到油淋淋嚟夾包，個包只是變身做「吸油紙」搞到唔知食唔食好！未食先打開嚟睇，冇！好乾爽，豬扒香口唔乾身唔會霉晒，包鬆軟唔韌，可以菠蘿包、豬扒、番茄菜可以一次過咬開，咁樣食先叫豬扒包。
豬扒菠蘿包可以一刀切唔甩酥皮，果然係真功夫！

NextPage>>唔食菠蘿包，仲有乜嘢食？
烤牛油豬仔包伴碎蛋沙律 ($22)
賣相媲美酒店級數，豬仔包開邊烤香，牛油味超香，碎蛋沙律好夠份量，難得蛋黃醬份量恰到好處，唔會食完有罪疚感。
煎魚餅 ($32)

元朗總店早已熱賣，少有茶餐廳推的菜式，不過可能新店未能掌握火喉，雖仍保持彈牙口感，略嫌太多油，見有人用餐巾印完油先食。

雞翼肉眼筋煎蛋冬蔭功米粉($45)
湯底微辣而香茅味十足，滷水雞翼明顯是老店帶來的滷水做，水準當然一流，精妙之處係入味而不縮水，配埋煎蛋同輕醃的肉眼筋，仲有滑口米粉，必定成為附近OL午餐新主意。
滷水雞翼 (2隻/ $10)
聽落去好平，但明顯比湯米粉配的滷水雞翼細三分一，幸好味道一樣，當小食最好！

華嫂冰室觀塘店
地址：觀塘敬業街55號皇庭廣場地下1號店
電話：2617 3238
營業時間：早上8時至下午5時半(逢星期日休息)
NextPage，觀塘版 新香園超級蛋牛治 >>

說到另一間人氣和口味都屬一屬二的老店，深水埗的新香園(堅記)一個世界級的蛋牛治，近來也衝出觀塘，由老師傅的女婿 伍文生 所開，並推出升級的的超級蛋牛治，不過價錢呢，就足足貴過平價版的蛋牛治近一倍。

食物質素 (3.5/5)
超級蛋牛治餐 HK$42 / 蛋牛治 $22(烘底 +$2)(芝士、餐肉各+$7)

口味上曾經在開幕時吃過一次，這一次是第二次拜訪，口味明顯升級許多，改善了初期試食時過鹹、筋太多的問題。使用新鮮牛肉和蛋漿，加上芝士，一口咬下肉汁香口惹味，烘過底的多士加上芝士蛋漿，外脆內軟。但價錢上就不是這麼抵食。(新香園烘底蛋牛治$18)

另外為了觀塘打工族群，不止傳統早餐，也推出不少吃得飽的蛋包飯午餐Set，像是牛扒、豬扒、雞扒等9款蛋包飯，都有三款醬汁燒汁、咖喱汁、白汁可選，滿足每一張嘴。

紅酒汁牛脷 蛋包飯餐 HK$45

這一個紅酒汁牛脷蛋包飯，賣相不俗，一上桌燒汁油令令的，紅酒味，就不敢說吃得出，但牛脷滷得軟爛入味，茄汁炒飯粒粒分明，味道偏淡了些。

一口多(西多士) HK$36

一上桌，是有被這個顏色嚇到，有點像是炸臭豆腐的顏色，賣相不夠引人；口味還算可以，多士部分是較鬆軟的口感，中間夾着香滑花生醬，不會太過膩口。

飲料方面，奶茶偏淡了些，尤其是凍奶茶，喝到最後像喝水。檸茶不過不失。

環境 (3/5)
環境昏暗，茶餐廳的逼擠格局；中午12點半後尖峰時段，大約等10多分鐘就會有位。

服務 (3/5)
服務態度方面就忍不住微言一下，請服務生後上西多士，跟對方確認多次後，都還是在未指示前，就炸好了上桌，期間也不斷收拾餐桌，像是怕客人坐太久似的。

SHY dance cafe
地址：觀塘駱駝漆大廈三期1樓
時間：8am-4pm(星期一至五)
12n-5:30pm(星期六、日)

延伸閱讀

▲意大利家庭BRUNCH 任食COLD CUT打頭陣

http://goo.gl/qYbg5x

▲紅磡小店新抵價 $88 食帶子龍蝦漢堡

http://goo.gl/X7apRt

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook :https://www.facebook.com/morehk.hk