西環6大新舊美食 秘尋龍蝦麵●流沙西多

Photo |Clay Lam

西營盤港鐵通車之後就唔同晒，只要喺中環搭多兩個站就到，五分鐘都唔使。好多住嗰頭嘅朋友都話西區好多好嘢食，依家真係話咁快就到呢啲美味食肆，有懷舊有創新，各式其色，令人回味無窮！

01 金記冰室1967吃豬潤通粉

聽過金記冰室的故事都知道，佢係由筲箕灣搬過西營盤，年邁老闆亦將其易手給一個年輕男生掌舵，保留金漆招牌同時保留原有食譜菜式和人情味，開業兩年初時仍有筲箕灣街坊跑來，不過後期因為交通不便就放棄，最近港鐵西營盤站開通，筲箕灣和西營盤街坊都經常來，回味正宗的冰室情懷。

明明是新裝修，但卻特意走回60年代的懷舊路線，令人像走進時光隧道一樣。

搪瓷漱口盅用來放砂糖，乒乓球拍做餐牌，既是創新亦保留了懷舊風格。

依家已很少地方有得吃豬潤通粉，這裏更把其放入港式all day breakfast─茶餐($41)之中，配埋火腿奄列同多士，可惜通粉不會稔豬潤爽口，火腿奄列keep到蛋汁，保留了筲箕灣舊店風範。

冰室怎可以冇紅豆冰，呢度嘅奶味好香，和帶粉的紅豆夾埋有點紅豆糕的感覺，幾特別！

食一份西多士跑一星期步都消耗唔到，呢度設計左個Q版西多士餐($36)，西多士比一般的薄身，雞翼也是細晒士，加埋杯紅豆冰，分量剛剛好。

地址：西營盤德輔道西213號地下

電話：2254 2010

Next Page> 隱世小café，舒服到唔想走…

02 好Hea隱世小店 Crispy Bistro

位於橫街的一間隱世小店Bistro，雖然地點有點難找，但勝在寧靜舒適，帶英式小餐廳的風格，主打小食、茶同咖啡，菜式都是即叫即做而且是水準之作，是閨蜜談心談笑的好地方。

深木色為主調配高腳椅子，帶有英式小酒吧風情，事實這裏晚上是酒吧！

有興緻的話可以選坐小天井的圓桌，不過只得一張。

Affogato($49)是意大利經典甜品之一，這裏的是用比利時Glacio 雪糕，配香濃的Lavazza expresso咖啡，既飲咖啡又吃極品雪糕，一次過滿足兩個願望。

想清一點喝杯茶($36)，這裏口味選擇亦多，選用意大利1961年起家的經典品牌LA VIA DEL TE茶包，我們選了Earl Grey清香滑口。

午飯後吃得不多，選一件Banana & Chestnut Cake($16)也不錯，不甜不膩，配茶一流。

地址：西營盤第二街32號

電話：2540 9166

Next Page>新開的日本麵店，由裝修到食材都是北海道風味…

03 十中喫麵所 來一碗龍蝦湯麵

才開業不到兩個月的十中喫麵所在街坊眼中已薄有名氣。撥開布簾門進入，店子只有一行座位一行吧枱，抬頭看看木做的菜牌，完全感受到日本小麵店的味道，廚房煮得沸騰的龍蝦湯底香氣彌漫於整間店子，令人不知不覺就點了一碗龍蝦湯麵。

手工餃子($48/5隻)，比一般日式餃子脹卜卜，別以為是不正宗，原來是師傅每天真材實料人手包製，和其他機製的日本餃子從餡料和外形都大不同，菜肉比例剛剛好，比一般日式餃子鮮味得多。

龍蝦湯拉麵($128)，龍蝦湯香很霸氣，配南非新鮮鮑魚和牛油煎香的北海道帶子已夠矜貴，吃時記緊灑上北海道蝦乾，更添鮮味。

黑麻油豬骨濃湯拉麵($88)，豬骨湯底聽說是花上兩天熬製鮮味不油膩，黑麻油分量恰到好處不油但吃到油香，簡單配日式叉燒、粟米和溏心蛋就足夠了！

醬油湯拉麵($98)，松葉蟹肉才是主角，估計有半隻蟹分量，還有分開上碟的蟹膏，物超所值。順帶一提這裏的拉麵可以在落單時選不同硬度，分軟、適中和硬三種，視乎個人口味選擇，十分細心。

座位不多，但卻充滿日本小店風情。

地址：堅尼地城荷蘭街1-11號建益大廈地下F舖

電話：3956 4163

Next Page>車仔麵都有得fusion，你點睇？

04 Noodies車仔麵玩fusion

香港好多地道美食，有時變奏吓多點新意會更有火花！Noodies 就係將車仔麵玩fusion，加入不同國家元素，例如日本冷麵、昆布麵、韓式麵同越南河粉，湯底都有泰國冬蔭功同馬來喇沙揀，菜式都有帆立貝、日本腐皮同黑薯糕，任選任配，多國口味共冶一爐。

兩餸麵($46)，喇沙湯底(+$5)香而不辣，配有機蕎麥麵(+$5)和黑薯糕比吃豬紅更健康更有新鮮感，配傳統魚蛋香和手撕雞(+$5)，一碗集各國口味的麵卻出奇搭配。

兩餸冷麵($51)，配上海手撕雞、日本蟹柳和腐皮(+$6)，為日本口味加添新意思，幾特別。其實所有都是自選自配，驚喜可以自己創造。

Noodies

地址：西營盤第三街56號E舖

電話：2559 0080

Next Page>流沙西多士，只此一家…

05 周記點心+茶餐廳流沙西多士

周記大廚本身是粵式點心師傅，所以這裏不單是一間茶餐廳，亦是一間點心專門店，在場所見不少街坊可以吃燒賣飲奶茶，山竹牛肉配咖啡，不過女生們來到，卻不是吃點心，而是周記招牌作流沙西多士。

奶黃流沙西多士下午茶($28配飲品)，兩片麵包夾着奶黃流沙餡文火炸至金黃，上桌切開奶黃湧出，所以不用加糖漿吃，再怕肥的也忍不住口要把它吃光。

還有一個中西合壁組合蝦多士下午茶($30配飲品)，薄薄麵包上塗上一層厚厚蝦膠，輕炸後灑滿芝麻，香口惹味。

樽裝原味凍奶茶($17，下午茶餐+$6)，香滑濃郁，喜歡港式奶茶的不能錯過。

周記點心+茶餐廳

地址：西營盤水街東利大廈地下H1號店

電話：2559 2389

Next Page>中式甜品經典，不容錯過…

06 源記甜品專家招牌陳皮紅豆沙

阿婆年代閒閒地五六十年前已經話源記甜品係最好，好多大老倌同有錢人都會叫司機揸車來買外賣，到依家聽說仲有好多富豪叫工人來買外賣，近年裝修也只屬翻新，仍然保留當年的風格和味道，來得西環，點都要來朝聖。

店員話好多人都來吃桑寄生蓮子蛋茶，其實陳皮紅豆沙($22)都係招牌，要嚴選紅豆先可以煲到起沙，入口清甜糖水不澀，陳皮味不濃但香，最巧功夫。

招牌雞蛋糕($8)，覺得比起他們裝修前來吃是細件了點，不過味道依然，中式蒸蛋糕的清香，的確與別不同。

源記甜品專家

地址：西環正街32號地下

電話：2548 8687

延伸閱讀

▲去元朗睇樓以外 試齊13懷舊美食

http://goo.gl/sn9yKF

▲秋風起郊遊 大埔15大懷舊必食

HTTP://GOO.GL/JCZJW5

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

東京旅遊恩物教你食、買、玩攻略！自訂旅遊書$40蚊起！