蘇豪東食出真‧海鮮味

Mar 30 2016

Text |Carrie

海鮮都係食中菜好，因為最原汁原味。其實，仲有其他選擇的，美國東岸新英格蘭地區（New England）以海鮮聞名，當地盛產多種海鮮，如著名的緬因龍蝦、馬里蘭州的藍蟹等，亦因此當地的海鮮餐廳百花齊放。蘇豪東新開的 Cull ’N Pistol餐廳以東以東岸簡單樸實的烹調方法，配以世界各地的海鮮，鮮味十足，比起一般「大堆頭」濃味多醬美國菜更鮮味更健康。

焗龍蝦及布利芝士伴脆餅 ($178)脆餅配布利芝士是東岸地道的配搭，餐廳設計這個升級版本，於忌廉內加入芝士、雅枝竹、龍蝦及菠菜，再於頂層鋪上布利芝士，味道充滿層次感。

黑胡椒炒蟹($399)選用厚肉的本地青蟹，以乾蔥、蒜、黑胡椒、薑、蠔油及牛油等炒香，香辣惹味。

焗蜆及龍蝦海鮮雜錦 ($399)新英格蘭的經典美食，在大鍋內放滿蜆、龍蝦、青口、蝦、辣肉腸和粟米等配料，再加入龍蝦湯和番茄醬焗製，滿載鮮味。

原條鹽焗魚（時價）當日新鮮魚炮製，例如原條鱸魚、鯛魚，以岩鹽密封再焗，破開岩鹽外層即可品嘗到鮮嫩入味的魚肉，足夠二至三人分享。

牛油慢煮蝦配麵包($138)鮮蝦以牛油、紅椒粉及豆蔻等慢煮後，再放入小瓶內冷藏成形，伴麵包品嘗，口感香滑，作頭盤最適合不過。

煮青口（$168/半公斤）可自選醬汁烹調，如白酒及蒜香忌廉汁、辣冬蔭公、啤酒與芥辣等，配以脆麵包享用，香濃惹味。

自家醃製三文魚（$158）挪威三文魚以紅菜頭及檸檬等醃製三天，味道鹹鮮開胃，伴以刁草蛋黃醬、水瓜柳和茴香等，口感更添清新。

暖龍蝦包（$188）牛油麵包內夾以加拿大北部的龍蝦，厚肉爽甜，加上青蔥和自家製檸檬蛋黃醬，味道清新不膩；厚切薯條同樣是自家製作。

Cull ’N Pistol

地址：西灣河鯉景灣太康街 55 號 A 期 GA1-3 號舖

電話：2513 0199

營業時間：星期一至六中午12時至凌晨1時