花茶

人狗共融 入元朗飲花茶

生活品味

Text |Carrie
元朗有個八十後Mai原居民,因為好鍾意旅行又鍾意花茶,開咗一間花茶外賣店Maison,每款飲品以不同城市命名,載滿Mai的旅遊回憶,愛狗的她更連狗仔專用花茶都有得賣,一於嚟呢度輕鬆用味蕾去旅行喇!
為了做好呢間店,Mai專程去了學沖花茶、攞埋咖啡師牌及做餅,一般店沖花茶都係浸泡,Mai就特別買部沖茶機,原理有點似沖咖啡,用氣壓打出花茶味道,最能保持花茶的真正香味。

Mai自己是一個橘子控,所以做這杯California Dream’in($34)她堅持用鮮榨西柚汁配茉莉花茶,令到西柚的香味更突出,仲吃到果肉,清甜鮮味。

喜歡熱飲的,就不能錯過Johannesburg南非國寶($22),Mai旅行時發現這款是南非人的日常飲品,說是對身體有益,上面的泡泡是茶葉中的油分,如咖啡一樣,要用高壓沖才有此效果,能擠出茶的精華而不帶澀味。
為更迎合香港人口味,更加入了適量檸檬草和洋甘菊,入口更清新。

屬於香港人的港式奶茶,是Mai在英國留學和去旅行時最懷念的飲品,Maison是法語中「家」的意思,一杯3:15港式奶茶($23),用精選阿薩姆茶葉配經典黑白奶沖泡,香滑中帶點甘澀味,這才是港式口味呢!
Next Page> 說好了的狗狗花茶呢…

唔好以為幫小狗做的飲品就求求其,開放式廚房睇住整架,同我哋飲的一樣咁認真製作。

Sailo($18) ,以Mai的愛犬命名的狗花茶,佢問過港台獸醫九個月以上才可以飲蜂蜜,所以只要九個月以上的狗狗都可以飲,洋甘菊茶加蜂蜜有紓緩緊張情緒的作用。選用20cm特大口的麵碗當紙杯,狗狗飲得好舒服。
*小編親身試飲,入口比人飲的清淡,微暖狗狗啱飲。
雖然是商場舖,但有一邊大門面向街,Mai特別整了一張吧桌外賣位及大鐘,望入內見到open kitchen泡茶的情況,亦可以帶同狗狗來叫外賣一齊等,很窩心。

店內以藍白為主調,Mai說有了這間店就沒那麼多時間旅行,就將這裏打造成渡假屋的感覺。亦希望客人在忙碌的生活中都可以放慢腳步,用味蕾去旅行。
 

 

Maison

地址:元朗教育路1號千色匯地下6號舖

試業期間營業時間:每日早上10時至晚上 5時

延伸閱讀:
▲新登場LITTLE TWIN STARS點心 全14款點心試食報告

http://goo.gl/rvDfJq

▲BENEFIT粉色 下午茶 送$230妝品

http://goo.gl/RKdDrW

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended