淡妝心機術♥

網誌

如果你男朋友同你講..鐘意你唔化妝..

咁絕對係一個超級大大話!!!!
的確…有邊個男仔唔鍾意「令」既野!?
不過…由於我男朋友過度坦白既關係….
我時常提醒自己…點都化返少少妝先出街…
因為………佢鍾意化妝既女仔=___=哈哈..
(唔多唔少…寫blog都係為左提醒自己..交makeup既稿..咁我就會多d化妝)
好了…正題了….
我知道宜家好多女士都好鍾意化妝…
無瑕既底妝、好完整既eyeshadow再加埋好長既眼睫毛
化完個樣的確好令….
但日子耐左之後..就開始接受唔到淡妝既自己…
其實…淡妝一樣可以令你變令…變得好唔一樣

年年都流行NUDE妝,但所謂的NUDE妝又有咩定義呢?
莫非真係要去到零上妝,無添加先算係NUDE!?
非也!!!我並不認為係咁既意思囉!!!!
係字典入面「NUDE」解作祼的意思…
若然你能化出不刻意、薄、透、零瑕及與肌膚色調極為相近的妝容
呃到所有人覺得你仿似無上妝!
禁就為之至正既NUDE妝了!當然視乎當季流行
Mad Color Or Shiny Color fu…Both OK!!!!

無論咩樣咩膚質膚色的女性
NUDE妝必定係你入門的第一步
呢個妝就係比你更了解自己個樣,透過不同的小技巧,提升整個樣的質素!!!!
上妝小攻略:
的確,幾乎每個妝都離唔開個幾個步驟!
不過。唔同的工具、技巧、產品,都足以改變成件事!
想化令個NUDE妝,當然要細心睇哂成篇文章啦!

Before n After
上妝前..遠睇雖然無暗瘡..誤以為皮膚都好幾ok..
近睇你就會見到黑眼圈、暗啞、毛孔粗大等等問題…
所謂既淡妝….就係要同以上問題同不足講ByeBye…

Shiseido Maquillage Essential White Base UV $270
Step 1: 先上Base..Shiseido呢一支質感夠水夠潤..淡淡既粉紅色具調色同埋紅潤既效果..
為左令妝感薄d輕身d…我會正點塗抹係兩邊面頰的位置,重點提亮膚質。


ENPRANI Face Designer Auto Pat $498 (塑妝儀一set包括4個更換粉朴)
ENPRANI Perfect One Foundation SPF 50+ PA+++ $165
售賣點:尖沙咀美麗華商場地庫B1004A號舖 電話: 2736 9897
由終ENPRANI的粉底質感比較杰身..如果肌膚好似我咁比較乾身..
建議換一支質感水d薄d既粉底液 ex:Chanel Perfection Lumlere $430
Step 2: 利用呢一支塑妝儀將粉底一下一下按壓到肌膚..妝感會薄d、輕d同均勻d

機身每分鐘拍動4500次…比一般用粉朴上妝的時間更快!!!!
呢個步驟..令色素暗啞的位置變返均勻..

我的遮瑕三寶 All From Bobbi Brown
Corrector $210
Creamy Concealer Kit $300
Concealer Brush $200
就算唔化妝既日子..我每日都必定要用呢套遮瑕遮走我超強勁既黑眼圈!!!!!!!!
Step 3: 先用掃輕掃些少Corrector係眼頭同眼尾..色揀較暗沉既位置做好調色..然後用指朋腹輕印開
再同掃沾取Concealer係眼肚下凹陷的位置..做好提亮同均勻膚色既效果..
最好重點掃上盒內備有的眼妝專用粉餅..減低油分泛出出現眼紋的情況。

完美的輪廓相當重要
Dior Nude Glow Sun Powder #01 Honey $460 (限量)
Step 4: 呢一盒兩色既compact..偏近膚粉粉地個一格..可以重點塗抹係眼底下同Tzone位做Highlight
而偏淡啡既一格可以由額頭開始..近髮邊位置一直輕掃至耳背同雙下巴位置…
令面形輪廓的凹凸感更分明..更有層次感。
加上其粉質幼細..妝感透薄唔會太顯眼..

Majolica Majorca Puff de Cheek #RD414 Cherry Macaroon $118
Step 5: 只需要pum pum pum 三下..將胭脂卜拍係係面珠位..就會滲出薄薄地的紅潤感覺
建議使用之前唔好太大力按壓粉朴..先係手背試色再拍打上面

Shu Uemura Hard Formular 9 $150
Step 6: 先揀岩與自己頭髮色澤相近的眉筆顏色最重要..令自然既妝感大大加分
為眉妝填好色之後..最重要既兩個步驟 (1)用掃掃均勻色澤
(2)如果眉尾顏色較淺..要先深一度的眉筆顏色重點填補眉尾..務求令眉色一致!!!!

Coffret D’or Shine Fit Eyes #02 Beige $160
Step 7: 係眼蓋位置(張開雙眼眼皮的凹陷位置)塗抹富光澤感且質感濕潤既眼影打底霜
其兩大好處就係提升眼皮的光澤..令雙眼更有神采..
另外最神奇的就係..無需眼皮膠貼的幫助..濕潤的質感會黏附的我眼皮..令三眼皮再現!!!!yeah~~

Sonia Rykiel Feline Eyeliner #01 Feline Black $200(限量)
由於我並唔係常用水狀的eyeliner..所以呢一支並唔係我日常必用之寶
不過試用之後又幾唔錯..唔會甩色同化色..夠幼細又易畫..
Step 8: 其實只要係啡色眼線筆就ok..注意貼近眼睫毛既邊緣..畫上超幼身眼線..同內眼線..


一束束的假眼睫毛 (已忘記幾錢了)
幾本平日我只係夾完眼睫毛..就輕掃睫毛膏
不過想對比大d..就可以試下隱藏式既黏睫毛方法
Step 9: 通常一邊眼用一排既一束束假眼睫毛..先唧出膠水..再用我必定的眉夾
一束束的夾起假眼睫毛..黏貼係睫毛既式部..由眼頭開始一直黏至眼尾..
咁合埋眼既時候就唔覺有假眼睫毛既出現了^^


ettusais Liquid Eyeliner WP
Step 10: 由於要填補白色膠水既痕跡..要用黑色且防水既幼身眼線筆..將白色位置變黑..


Chanel Rouge CoCo Baume $260
Step 11: 最愛呢一支既潤唇膏..皆因質感唔黏立、唔厚身..仲時潤滑嘴唇..唔會令皮仔出現


Lancome Rouge In Love $210
Step 12: 每個人既唇色都唔一樣..所以最好揀返與自己唇色近似既色澤
令效果更自然..而呢一支唇膏質感夠水..如潤唇膏一樣..令唇妝更juicy..剔透!!

12個Steps看似好多..但其實每個步驟都好簡單…
括除逐束咁黏假眼睫毛…幾本上每日唔使10mins我就可以完成個樣
當然..貪快…可以選擇黏最自然個款既一排式假眼睫毛…
呢次既妝唔單止教你點樣隱藏心機化令妝…
其實……..同樣提醒我自己….「每日都要記得化妝」Yeah~~

你可能也喜歡

There is 1 comment

Add yours

Comments are closed.

Recommended