疑TVB女藝人受訪時爆大台驚人內幕：二線姐仔飯局價、有女藝人為上位向高層獻媚！

原文刊於：東方新地｜圖片來源：YouTube影片截圖、Instagram

疑TVB女藝人接受YouTuber訪問 爆娛圈驚人內幕！

疑TVB女藝人接受90後YouTuber肥蛙的訪問，並大爆內幕。日前肥蛙上載了一段以「電視藝人的真實訪談」為題的影片，片中受訪者自稱為現職於大台的女藝人，以電話方式匿名接受訪問，大爆了多項大台秘聞。首先該名女藝人自言由18歲開始入行，她指自己當時中學剛畢業，嘗試報名藝員訓練班，結果誤打誤撞進入了大台。

疑TVB女藝人爆底薪僅5千元

該名女藝人指讀訓練班時，每個月有1千元車馬費，上堂前已經要簽合約，畢業後全部都要加入大台，剛開始時只要簽三年，但初入行底薪只有5千元。她舉例指如所簽合約中訂明了一年要拍30個show（拍一集劇集或節目等如一個show），即一個月要拍2至3個show，多出來的才會額外每個show給5百元。

疑TVB女藝人直認有明星飯局

肥蛙問到是否真的有男明星或女明星的飯局時，該名女藝人直認有飯局並回答道︰「但啲價開到好誇張，可能係1、2百萬，除非有其他事情要做，小飯局可能係幾十萬食一餐飯。我知道喺出面負責搵開人去飯局嗰啲人，佢哋有一個list，會寫明邊個女明星幾多錢。」

疑TVB女藝人爆有女星向高層「挨身挨勢」

肥蛙又問到她有沒有目擊過有其他藝人為了有更多戲分，而去討好導演和高層？該名女藝人表示：「實有啦！呢行大把呢啲人，通常過時過節一定會送禮，有啲好誇張，可能千幾二千蚊一個果籃，仲有月餅，會擺滿晒高層或者監製房。」她續指有部分女藝人會趁食飯或拍攝後的空檔，向高層或監製「挨身挨勢」獻媚。

疑TVB女藝人揭不公平合約

而問到藝人被雪藏的原因，該名女藝人指有刑事上的行為、亂搞男女關係或者涉及政治因素，都會被雪藏。她更指藝人在被雪藏後重新開工，需要償還之前合約中的show債，這些show都是無收入的，肥蛙即指責這份合約非常不公平，但女藝人表示：「因為喺佢哋角度，會覺得係因為你做錯事，呢個係對你嘅懲罰，難聽啲講句：佢話啱就啱、錯就錯！」

疑TVB女藝人呻藝訓班畢業無前途

肥蛙又形容該名女藝人尚未去到一線演員，但也不是飾演一些很小的角色，問對方會否壓力很大？該名女藝人直認壓力大，因為每做完一套劇，都會再次變得好似無工開一樣，令她會懷疑自己是否做得好差？她又指好多劇集主角或一、二、三線的角色都是由公司外面的人飾演，或者選港姐後的新人都能得到很好的角色，她大呻：「我哋就好似行行企企好多年，一個小小小嘅機會都好難遇到，成日又好擔心講錯嘢、做錯嘢，做每件事前都要考慮得好清楚，呢啲都令我有好大壓力。」

該名女藝人又坦言最長試過連續三日三夜不落妝不睡覺地開工，她表示開頭真的很辛苦，但現在已習慣，她又說︰「如果唔鍾意做呢份工，真係一早就走咗，冇可能捱得到，所以喺度留到超過5年以上嘅人，都一定係好鍾意演戲，又或者好鍾意娛樂大眾，如果唔係就晨早走咗。」

疑TVB女藝人向MIRROR表白

而講到有否想到其他電視台發展？該名女藝人直言如果被友台挖角一定會走，因為她好想嘗試其他不同發展，但也擔心別人不會要她，她說：「我覺得有多幾個電視台有良性競爭，依家公司啲製作有啲好似想打贏對面台嘅感覺，多啲不同元化嘅節目，唔再係畀師奶睇嘅感覺，留意番多啲年輕人市場。」

最後肥蛙問女藝人有甚麼說話不能在電視台講，但想以匿名身份講？她坦言覺得大台的節目題材未夠創新，而且有好多奇怪的問題，最後她還趁機表白說︰「想支持吓MIRROR，我鍾意咗姜濤，又鍾意Edan（呂爵安），但唔能夠公開睇同讚揚佢哋，仲有就係香港加油！」片尾女藝人又補充指有好多留言問她為何還留在TVB？她說：「我好想鬧呢啲人，係咪唔知道世界上有合約呢件事？」她更特別囑咐肥蛙要將她這句說話立即播出。

作為90後的肥蛙（Mandies Kwok）於2012年開始畫青蛙公仔「肥蛙」，並設計和推出自家製作的產品，之後轉戰做YouTuber開設個人頻道，現時頻道已有30萬個訂戶，她更曾被封為香港十大YouTube靚女的第五名。

該女藝人被懷疑是林秀怡或蔣家旻

訪問播出後，網友紛紛猜測這位接受匿名訪問的大台女藝人是誰，有網友猜是林秀怡，亦有網友猜是蔣家旻，二人都是18歲讀藝員訓練班入行，現時尚未到一線演員的地位，但也不是飾演一些很小的角色。

梁芷珮索媽主持發聲求放過：不要抹煞TVB藝人工作機會 可以直接block咗我！