童星Jacky仔擺脫稚氣變日系男孩近況曝光！ 形象大變網民反應兩極
童星Jacky仔擺脫稚氣變日系男孩近況曝光
TVB童星Jacky仔王樹熹近年移居日本，上月時隔兩年半終於回港探親，在社交平台上傳多張喺香港街頭四處打卡嘅照片，並寫到：「2年半無翻香港啦，要做下遊客要做嘅嘢」。Jacky仔去曬大部分旅遊景點，去完中環碼頭，又去西九龍M+、迪士尼樂園打卡，非常忙碌同充實。
擺脫稚氣變日系男孩 網民反應兩極
早兩年曾向傳媒透露會到日本工作嘅Jacky仔，今次回港一身打扮都非常日系。所謂仔大18變，有網民大讚佢越來越成熟，不過亦有網民狠批長大後嘅Jacky仔外表大崩壞，完全冇以前嘅影子。
大學畢業移居日本打工
Jacky仔在中學畢業之後考入城市大學媒體與傳播系，並在大學畢業後移居日本。在出發日本前，Jacky仔曾於社交平台上寫道：「雖然去日本就代表要放棄香港嘅生活同工作，但係最後都下定決心挑戰，去一個似乎熟悉卻唔熟悉嘅地方，跳出自己嘅舒適圈。」為了到日本工作嘅Jacky仔，在出發前已經考取日本N1級嘅日本語能力試資格，並且取得到日本定居五年簽證，獲網民大讚叻仔。
Jacky仔入行近20年
acky仔入行近20年，接拍過近50部電視劇和電影，原來Jacky仔展開童星生涯的契機，是他在三歲時被港台導演邀請拍兒童節目《點蟲蟲 開開心心學飛》，之後他開始逐漸為人所熟悉，拍下了不少教育電視、廣告、電影等。其後他又參演不少無綫劇集，如《爸爸閉翳》、《疑情別戀》、《十兄弟》、《隨時候命》及《天涯俠醫》等。
曾與區明妙演小情侶
在大學畢業前Jacky仔曾重返無綫拍攝劇集《她她她的少女時代》，與區明妙飾演一對小情侶，此外他又跟配音界老行尊丁羽學藝，為電視動畫及日、韓劇配音。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；而Netflix上有不少美劇都被稱為神劇，小編整合了一系列必看美劇推介。當然，不少得韓劇、陸劇、台劇及BL劇推薦。Disney+方面，則可以一看電影片單推介。
有什麼必知演唱會購票資訊？
眾多歌星準備開演唱會，整合2023年演唱會購票資訊，本地歌手包括MIRROR演唱會補場門票兌換安排、鄭秀文、張學友、容祖兒、郭富城、溫拿、鄭中基。外地方面，包括羅志祥、LE SSERAFIM。
