edan edan

Edan呂爵安親揭拍新劇《i.SWIM》兩度暈倒:「眼前一黑以為就死 」

娛樂資訊

Edan呂爵安因為港版《大叔的愛》人氣急升,成為Mirror中的人氣成員。ViuTV火速開拍游水主題劇集《i.SWIM》並由Edan擔任主角。Edan最近卻自爆原來自己只是執二攤,男主角本非屬意他! 近來工作量大增的 Edan又自爆兩度開工暈倒,繼姜濤後,又一個Mirror成員身體出事﹗

原文刊文:東方新地|圖:Edan呂爵安IG、《膠戰S2》 截圖

Edan《膠戰》剝衫被讚大隻安 日前自爆曾兩度開工暈倒!

Edan等6膠的第二輯《膠戰》周日(10日)剛播出,Edan當晚開Live同大家分享當中趣事,首集Edan為演繹「洗衣機」而除衫,被網民讚大隻安,阿正忍唔住在直播中大爆:「製作組對你真係好,我喺現場睇係一塊板,唔知加咗啲燈光定咩變得contrast好大﹗」Edan承認當時未開始操練:「嗰時未正式拍《i.SWIM》所以未開始操嘅﹗我睇到呢集出街都覺得呃到人見得人喎﹗」雖然被封大隻安,Edan自爆其實當日在商場內拍攝拍到又暈又嘔﹗

Edan在《臎戰S2》玩遊戲時為做出「洗衣機」動脫去上衣,更臨急抱佛腳即場做掌上壓「谷肌」,被阿正笑佢太遲﹗(圖片來源:《膠戰S 2》截圖)
Edan在《膠戰S2》玩遊戲時為做出「洗衣機」動作而剝衫,更臨急抱佛腳即場做掌上壓「谷肌」,被阿正笑佢太遲﹗(圖片來源:《膠戰S2》截圖)
6膠開直播時,阿正爆製作組為Edan加了效果,令觀眾有錯覺以為Edan好大隻,阿正話:「其實現場我睇係得塊版嚟﹗」(圖片來源:《膠戰 S2》截圖)
6膠開直播時,阿正爆製作組為Edan加了效果,令觀眾有錯覺以為Edan好大隻,阿正話:「其實現場我睇係得塊版嚟﹗」(圖片來源:《膠戰 S2》截圖)

Edan商場奔跑見暈作嘔:24歲仔冇試過咁!

Edan爆拍攝時在商場內為了逃避追捕,跑到上氣唔接下氣,Edan話:「嗰日我跑到差啲以為就嚟死咁,突然間見暈同埋想嘔,即刻要坐低抖抖,24歲仔冇試過咁,真係好驚﹗標晒冷汗成身濕晒,所以下集大家會見到我換咗衫,嗰日仲要係通宵拍完《膠戰》再直接去拍電影《闔家辣》﹗」

Edan等6膠在商場內狂奔去避追捕,Edan透露當晚跑到又暈又作嘔﹗(圖片來源:Hillary@IG)
Edan等6膠在商場內狂奔去避193、肥仔、AK及Tiger飾演的保安追捕,Edan透露當晚跑到又暈又作嘔﹗(圖片來源:Hillary@IG)

Edan拍劇再度暈倒 首日練水即出事

Edan以為平時運動不足所致,未有太在意,點知之後開工又暈倒,Edan透露落實接拍《i.SWIM》後首日參與練水,導演、監製及演員都在場,Edan表示當時感到好大壓力,佢話:「太耐冇游水,未開始我就落池試吓個感覺先,其實我成世人未試過一次過完成25米,嗰次順利游完25米,點知一上水隻腳緊咗,係腫晒﹗嗰時諗可能冇做熱身,但好戲在後頭﹗」

Edan在直播中指當時眼前一黑,當場暈倒﹗(圖片來源:呂爵安IG)
Edan在直播中指當時眼前一黑,當場暈倒﹗(圖片來源:呂爵安IG)
Edan重現當日突然休克暈倒的一刻﹗(圖片來源:呂爵安IG)
Edan重現當日突然休克暈倒的一刻﹗(圖片來源:呂爵安IG)

Edan休克後回神:嗰時真係想搵窿捐

Edan上水後跟大家一齊熱身先,「熱熱吓身開始覺得暈,心知不妙﹗我冇理由呢個時候同大家講我要抖抖㗎,熱身都要抖?諗住死頂落去,點知開始眼冒金星,過咗一陣眼前一黑,真係暈咗,有人即刻扶住我﹗嘩,我嗰下真係想搵窿捐,真係好樣衰,好𤓓﹗我演嘅角色係要游得好叻㗎嘛,點知熱身就出事﹗」

Edan同Jeffrey繼《膠戰》之後,合作拍劇集《i.SWIM》。(圖片來源:呂爵安IG)
Edan同Jeffrey繼《膠戰》之後,合作拍劇集《i.SWIM》。(圖片來源:呂爵安IG)
Edan拍攝《大叔的愛》時因為一場「出浴戲」才開始注重身型:「當知道《大叔》要除,就下定決心要搞搞佢,起碼搞走個肚腩(好大)先,所以就開始控制飲食同操吓,呢次已經係我咁大個仔以嚟最fit一次﹗」(圖片來源:呂爵安IG)
Edan拍攝《大叔的愛》時因為一場「出浴戲」才開始注重身型:「當知道《大叔》要除,就下定決心要搞搞佢,起碼搞走個肚腩(好大)先,所以就開始控制飲食同操吓,呢次已經係我咁大個仔以嚟最fit一次﹗」(圖片來源:呂爵安IG)

Edan自爆畏水本來無份拍《i.SWIM》

講開停唔到嘅Edan,又自揭本來無份演《i.SWIM》:「本身冇諗過我要拍嘅,最尾先知我要拍喎﹗知道之後,咁梗係拍啦,點會唔拍呀﹗雖然我識游水,但我太耐冇游水,同埋其實本身我驚水,我係畏高又畏水,即係呢沖涼啲水整到對眼呢,我係一定唔可以擘大對眼嘅人嚟,一定要抺走晒啲水先開到對眼,係咁誇張﹗同埋一去到深水地方我就淆底﹗好驚﹗所以拍《i.SWIM》 係一個好大挑戰嚟﹗」Edan透露臨急才被通知拍攝《i.SWIM》,眾演員比他較早已開始練水,不過未有透露他頂替了誰的主角位﹗

Edan呂爵安親揭兩度開工暈倒 自爆新劇《i.SWIM》係執二攤
Edan在《大叔的愛》飾演田一雄而人氣急升,工作量大增﹗(圖片來源:呂爵安IG)
Edan呂爵安親揭兩度開工暈倒 自爆新劇《i.SWIM》係執二攤
馮志強執導《i.SWIM 》由Edan呂爵安、Jeffrey魏浚笙、Ansonbean陳毅燊、Stanley邱士縉、吳海昕等主演。(圖片來源:Jeffrey@IG)

Edan即去check心臟證健康

Edan指因為兩度開工暈倒,所以去做了詳細的身體檢查,報告結果心臟冇事,Edan話:「兩次暈倒,我抖吓之後都冇事嘅﹗之後去做檢查知道身體無事,大家唔使擔心﹗我拍劇要操,多咗做運動真係體力同健康都好咗好多﹗睇《膠戰》後期,大家會見到我fit咗好多﹗」

Edan呂爵安親揭兩度開工暈倒 自爆新劇《i.SWIM》係執二攤
Edan近來成為各大品牌喜愛﹗(圖片來源:呂爵安IG)
Edan最近推出個人第三首單曲《my apple pie》,最靚星二代林愷鈴任MV女主角,Edan被指成為今屆樂壇新人大熱人選。(圖片來源:林愷鈴IG)
Edan最近推出個人第三首單曲《my apple pie》,最靚星二代林愷鈴任MV女主角,Edan被指成為今屆樂壇新人大熱人選。(圖片來源:林愷鈴IG)

袁澧林曾暗示與呂爵安Edan關係不簡單?

呂爵安Edan和袁澧林去年先後接拍ViuTV《I SWIM》及電影《闔家辣》結緣,袁澧林曾被網民抨擊,呂爵安也公開護花,袁澧林亦曾當眾表示Edan…詳情請看

呂爵安Edan背景大公開?

呂爵安Edan身高177cm,花名叫「呂安」、「兒登」,粉絲名叫「爵屎」!而小時候的他…詳情請看

你可能也喜歡

Recommended