193郭嘉駿@ERROR壓力爆煲崩潰爆喊 讀心理學能醫不自醫:我過得好辛苦!Dee哥大爆193好XX

193郭嘉駿@ERROR壓力爆煲崩潰爆喊 讀心理學能醫不自醫:我過得好辛苦!Dee哥大爆193好XX

娛樂資訊

193(郭嘉駿)身為男團ERROR人氣,他的口頭禪是「知我咩料啦?」。193予人感覺一向敢言,永遠自信爆棚。他曾被隊友Dee哥(何啟華)一句篤中「其實佢好自卑」,其後他接連發生波鞋事件及網店遭客人公審等不利新聞,據傳193不堪負評壓力爆煲!而日前193本欲拍片展示輔導Dee哥如何面對負評時,卻反被觸及痛處,當場爆喊,要Dee哥反過來安慰,即看看發生甚麼事!

原文刊於:東方新地|圖:[email protected]截圖

193郭嘉駿@ERROR壓力爆煲崩潰爆喊:我過得好辛苦!

[email protected](郭嘉駿)在英國大學修讀心理學,最近心理學家上身拍片為患有「太過在意小眾comment綜合症」的Dee哥@ERROR(何啟華)診症,片段之初,193教Dee哥克服面對負評時,多次聲稱自己唔在乎負評。點知當真心理學家Natalie出現,問193在輔導Dee哥時有冇身同感受?193被刺中要害,當場失控爆喊…

193@ERROR(郭嘉駿)心理學家上身,對住Dee哥(何啟華)話自己是專門輔導心理有問題的人。(圖片來源:ACCO@YouTube截圖)
[email protected](郭嘉駿)心理學家上身,對住Dee哥(何啟華)話自己是專門輔導心理有問題的人。(圖片來源:[email protected]截圖)
Dee哥提到負評時話:「啲人同我素未謀面,無緣無故問候晒我祖宗十八代﹗」(圖片來源:ACCO@YouTube截圖)
Dee哥提到負評時話:「啲人同我素未謀面,無緣無故問候晒我祖宗十八代﹗」(圖片來源:[email protected]截圖)

193能醫不自醫

193郭嘉駿輔導Dee哥時指對方太在意網上評論,Dee哥稱只是留意,193一再強調已唔care外界的評論:「如果我當初太在意別人評論,我唔會亂講嘢,唔會將真實諗法講出嚟,就唔會有今日咁多人follow我哋,唔會咁多人翻睇ERROR啲舊片﹗」其後193請Dee哥將負評逐一讀去學懂勇於面對,193強調自己已克服面對負評,故以過來人身份去幫助Dee哥。

193話想輔導Dee哥面對負評,因為自己是過來人唔想身邊人受負評影響到﹗(圖片來源:)
193話想輔導Dee哥如何面對負評,因為自己是過來人唔想身邊人受負評影響到﹗(圖片來源:[email protected]截圖)

193被真心理學家追問是否選擇逃避?

真心理學家Natalie出現後問193在輔導Dee哥時有否身在感受? 193話自己曾經好在意網上評論,後來成功跳出評論的世界, Natalie追問是真的唔在意還是選擇逃避? 193就話:「我唔睇咪唔在意囉,咪活得開心囉﹗自己過得開心咪得囉﹗所以我戒咗睇網上評論﹗」Natalie請193睇一段片然後講出自己感受,原來是播出193《全民造星》時的片段,193突然收起笑容:「又播呢啲片?仆街喇﹗」跟住一面睇一面流淚,Natalie問193眼淚為誰而流? 193就話:「每次聽呢首歌《我的快樂時代》就提醒自己,迷失嘅時都會聽呢首歌﹗」

193翻看《全民造星》時唱《我的快樂時代》時,即場爆喊﹗(圖片來源:ACCO@YouTube截圖)
193翻看《全民造星》時唱《我的快樂時代》時,即場爆喊﹗(圖片來源:[email protected]截圖)
193話迷失時會聽呢首歌去鼓勵自己,愈講愈激動﹗(圖片來源:ACCO@YouTube截圖)
193話迷失時會聽呢首歌去鼓勵自己,愈講愈激動﹗(圖片來源:[email protected]截圖)

193崩潰喊爆:佢哋抺煞咗我呢三年嚟嘅努力!

193講到呢度開始爆喊:「呢幾年…真係…好辛苦…唔易過,好辛苦,見到當初自己乜都唔識,做乜都被人批評,到依家我以為自己都…可以,回顧當初,依家已經係另一個我,唔係當初嘅我﹗好似最近我哋去紅館做嘉賓,覺得自己唱得唔錯,同以前唔同,但人哋一句說話抹煞所有付出嘅努力,人哋會話『你都係因為一句寸咗隔籬台就紅咗,佢哋抺煞咗我呢三年嚟嘅努力,繼續好多人話我唔識唱歌、唔識跳舞,都冇努力過』,所以我先唔想睇呢啲評論,因為我知自己裡面係點,所以我都想身邊嘅人唔好咁介意負評,唔好被影響到﹗」

193話「過得好辛苦,過得唔容易﹗」(圖片來源:ACCO@YouTube截圖)
193話呢幾年「過得好辛苦,過得唔容易﹗」(圖片來源:[email protected]截圖)

Dee哥衝去安慰193

Dee哥一直在另一間房睇住,見到193情緒大爆發就話:「呢啲就係佢(193)嘅精神壓力,其實佢比我更在意評論,佢好易喊嘅,我諗對佢嚟講係好難適應,呢個娛樂圈生活節奏,我要反治癒佢﹗」跟住衝出去搵193﹗

(圖片來源:ACCO@YouTube截圖)
Dee哥暖男上身,反治癒193﹗(圖片來源:[email protected]截圖)

193喊到決堤 Dee哥抱緊呵番

Dee哥搭住在我膊頭安慰:「我第一日認識嘅郭嘉駿,已經唔係今日嘅郭嘉駿,你係一個更加好嘅郭嘉駿,呢個就係你,好兄弟﹗」隨即攬實193,193眼淚如決堤一樣一發不可收拾﹗

(圖片來源:ACCO@YouTube截圖)
Dee哥攬實193話:「好兄弟﹗」(圖片來源:[email protected]截圖)
193話自己感到好辛苦,但回想又覺值得,因為有好多粉絲一直支持自己,193:「總會有啲人會同你分享喜悅,我會去諗呢啲囉﹗(圖片來源:ACCO@YouTube截圖)
(圖片來源:[email protected]截圖)

Dee哥:佢心底裡好自卑﹗

Dee哥又話193其實是:「佢係一個著咗成年人盔甲嘅17歲男孩,上去戰場打仗一樣﹗佢心底裡係有一種自卑,因為佢睇到我哋ERROR、 MIRROR每一個人有自己唔同才華,佢知自己冇,佢呢種壓力收喺心底蘊釀﹗但我同佢相處咗呢幾年,佢唔單止令自己變好,都有令我變得更好,我哋四個人(ERROR)互相影響﹗」

Dee哥話193表面好強大好硬淨,內心其實好自卑﹗(圖片來源:ACCO@YouTube截圖)
Dee哥話193表面好強大好硬淨,內心其實好自卑﹗(圖片來源:[email protected]截圖)
Dee哥話193係「一個著咗成年人盔甲嘅17歲男孩去戰場打仗」。(圖片來源:ACCO@YouTube截圖)
Dee哥話193係「一個著咗成年人盔甲嘅17歲男孩去戰場打仗」。(圖片來源:[email protected]截圖)

193曾想尋求心理輔導

193話曾經有諗過要接受心理輔導,但又覺得自己可以解決到就算數,193話:「但呢幾個月好多事變得太快,所以都好唔適應,我唔可以滿足所有人,但過到自己個標準咪得,因為要過到自己,咁我已經滿足﹗」193話自己雖然感到好辛苦,但是覺得值得,因為有好多粉絲一直支持自己,193話:「總會有啲人會同你分享喜悅,我會去諗呢啲囉﹗而唔去睇負評﹗」

(圖片來源:ACCO@YouTube截圖)
193稱已經戒掉睇網上評語的習慣。(圖片來源:[email protected]截圖)

你可能也喜歡