陳嘉桓上節目被指發福了 驚現雙下巴同肥肉

一到暑假,TVB都會有不少節目以消暑為節目主題而製作節目。近日,無綫電視節目《大玩特玩‧消暑篇》剛播出第一集,講到明消暑篇就當然不少得一眾嘉賓於水上大玩游戲,但點知著上泳衣的陳嘉桓卻驚現副乳!看來她的減肥之路仍需多加努力!

撰文:對白Cap圖王、東方新地|圖片來源:電視截圖、Instagram、東方新地|編輯:C [email protected]

陳嘉桓上節目著比堅尼肥到慘不忍睹

《大玩特玩‧消暑篇》節目邀請俊男美女到泳池大玩游戲,女嘉賓方面就邀請到陳嘉桓(Rose)、黃美棋、邵佩詩、陳芷尤、朱智賢以及林秀怡等做嘉賓。話到明消暑就緊係要玩啲同水有關嘅遊戲,每位女嘉賓就齊齊穿上比堅尼大騷身材,真是睇到都覺得溫度再度升溫!

有一刻覺得自己去左渡假🤪 #大玩特玩消暑篇

A post shared by ∞RC∞ (@chankawoon) on

女嘉賓中,有唔少都係有料之人,例如林秀怡著上火紅色比堅尼,大露長長事業線,十分有睇頭!

當然,其他女嘉賓都唔輸蝕,一於有線就晒線,冇線都唔緊要,皆因可以騷下自己其他優點!

驚現副乳

不過,講到最搶鏡嘅都係陳嘉桓,皆因25歲嘅Rose著上吊帶比堅尼盡騷驕人身材,但點知失守露出副乳!

著上幼帶掛頸款比堅尼嘅Rose唔知係件泳衣問題定減肥未成功嘅關係,副乳非常唔爭氣咁走咗出嚟!

就算唔著比堅尼,Rose著上背心都好似見到副乳走咗出嚟!

陳嘉桓有增無減?

之前,Rose拍攝劇集《反黑》時,就曾被指身型發褔!最近,《反黑》宣佈開拍第二季,Rose更揚言會地獄式減肥,控制自己的食量!

早前,Rose接受傳媒訪問時,除見其包包面外,更驚現雙下巴!睇嚟Rose真係要為減肥加多把勁啦!

出道初期嘅Rose身型一直纖瘦,可惜最近嘅佢的確發福不少,未知關唔關拍攝角度同甫士事?

與黃宗澤傳緋聞

黃宗澤與陳嘉桓去年10月合作拍網劇《守護神》,一拍即合互生情愫,在女方的IG內可搵到二人的合照。

布拉格訂情

向來媾女無難度的黃宗澤,榮升蠔吧老闆更如虎添翼,雖然不愁冇女,仍是喜歡向圈中女星埋手。去年10月與陳嘉桓(Rose)合作拍網劇《守護神》,二人在布拉格拍外景時,原來已眉來眼去互有好感。

據知拍外景期間兩人有時會一齊走開去其他地方影相,又會一齊拎住手機傳短訊,一來一往咁又笑瞇瞇。不過佢哋有時又會專登玩避忌,去食飯同返酒店又前後腳咁,咁刻意反而仲惹人懷疑。

拍拖買家品

據悉返港後《守護神》繼續拍攝,黃宗澤亦終於將陳嘉桓追到手,二人為保形象早已有共識,把戀情低調處理,至今拍拖半年一 直密冚戀情,不過半個月前,有人目擊到沙田宜家傢俬拍拖買家品,當時二人並肩而行沒有拖手,但非常有默契,買完家品即前後腳閃。

蠔吧會情郎

最近黃宗澤未有劇開,趁空檔籌備即將在中港城擴充營業的新蠔吧,而陳嘉桓亦在睇劇本階段,準備下月投入網劇《反黑第二季》的拍攝,二人都咁得閒,當然要爭取見面時間。

周一晚(25日)9時許,陳嘉桓獨自從銅鑼灣駕車過海到九龍城,陳嘉桓熟晒地形,先把車停泊在黃宗澤的蠔吧外,下車後先傳短訊給對方,然後慢慢行入蠔吧。

據知黃宗澤近日忙於為新店試新菜式,陳嘉桓這晚入內後亦直奔蠔吧廚房,二人在內逗留了個多小時才離開。

晚上12時許,陳嘉桓率先步出蠔吧,頭也不回上自己車離開,相隔唔夠十秒,黃宗澤亦步出,行去另一方向上其黑色七人車,由司機送返家。

與此同時,陳嘉桓亦開車尾隨黃宗澤的七人車,兩架車一前一後返回火炭晉名峰。期間黃宗澤的司機曾多次慢駛,警覺性甚高。

陳嘉桓回應話:

陳嘉桓回覆傳媒時,表示自己其實係去黃宗澤屋企睇波,因為大家都知Bosco新居入伙,而且正值世界盃期間,所以一大班人被邀請去開Party。陳嘉桓仲笑說自己出名食量大,開大食會時一定會請埋佢去幫手清晒啲食物!

黃宗澤回應話:

至於男主角黃宗澤接受訪問時,就唔係話新屋入伙,而係屋企啱啱裝修完所以開Party,最近公司朋友、自己朋友及《守護神》劇組台前幕後都輪流上去食飯。提到佢一向鍾意長腿妹,Bosco就話長腳還長腳,鍾意還鍾意!

即係話,黃宗澤同陳嘉桓喺電影《男人唔可以窮》入面的情節… 相信唔會喺現實中發生啦!

你可能也喜歡