《伙記辦大事》60歲歐陽震華大病過後領悟人生 愛妻號「千億女婿」公開結婚24年恩愛秘訣:各有各玩
60歲歐陽震華(Bobby)於TVB《伙記辦大事》新劇亮相,為了面對ViuTV的強勁攻勢,TVB則派出多年收視福將歐陽震華的新劇對撼,成績暫時不錯!歐陽震華除了是TVB的福將外,亦是眾人眼中的愛妻號,當年經歷大病,對人生有所領悟,早前更大爆夫妻二人的感情保鮮方法,立即看看當中愛情秘技!
原文刊登於:東方新地|圖片來源:東方新地、傅潔嫻微博、《伙記辦大事》劇照
歐陽震華《伙記辦大事》宣傳 反問「仲有咩友台」
近日歐陽震華受訪被問到如何看待友台ViuTV,竟直言「仲有咩友台」,更指自己停留在80年代的ATV,明顯無將ViuTV放入眼內。他更笑指收視已達40點,預料將會有70點收視,然而近年無綫收視只徘徊20-30點。
公開結婚24年恩愛秘訣:各有各玩
歐陽震華(Bobby)與澳門前賭王傅老榕孫女傅潔嫻結婚已經24年,他們膝下無兒無女,可以無牽掛地盡情過二人世界。歐陽震華兩夫妻都愛熱鬧,不時就會有Party與了友共聚一番,不過13年Bobby開Party暢飲狂歡後,因落錯隔嗆喉導致急性肺炎,嚴重至昏迷入院搶救,在ICU死過翻生。此後,老婆傅潔嫻並未下禁玩令,依然批准先生不時飲酒放鬆!Bobby早前更自爆夫妻的感情保鮮方法是要有自由,有時各有各玩,相方亦不會有微言。
歐陽震華得老婆御准去夜街
早前Bobby受好友佘詩曼(阿佘)邀請,上內地節目《看我的生活》作客,分享了自己對婚姻的睇法,他表示以前曾向太太說自己一定會「走」先,但現在他就有另一個睇法:「依家我會想遲死過太太,因為我好擔心,如果我死先,驚冇人照顧佢。」Bobby一臉認真,令在場所有人聽到相當感動。Bobby與傅潔嫻結婚24年依然有影皆雙,他坦言保鮮方法原來是婚前協議好不生育,所以現在的生活可以好自由,毋須擔心小朋友的教育和生活,生命中只需要擔心太太一人,他更忍不住讚太太:「以前唔使開工,我日日出街,大部分老婆都會去,有時佢攰唔想去,但唔會阻我出街,佢都算係一個奇女子。我出街狗都吠我,我解讀隻狗係鬧我:『你出街呀?又出街呀?尋晚先出完,今日又出?』但老婆會話『小心揸車』,我話兩點返,佢會畀夠我四點,邊有咁嘅老婆㗎!」
事實上,Bobby與傅潔嫻絕對是天作之合,二人都是交際能手,喜歡與好友食飯摸酒杯底,不過出事後Bobby心知命仔要緊,即使夜蒲飲酒都點到即止,據知情者透露:「當年Bobby出事後曾經有段時間好深閨,不過兩公婆都流住酒精嘅血,好快又出嚟同朋友飯敍開P,佢哋習慣咗以酒會友,當然唔會戒酒啦!不過已經冇以前玩得咁盡,以前閒閒哋飲通宵,依家唔會喇,佢哋會畀足夠時間自己休息同回氣,同埋keep住 睇 中 醫 調 理 身體,有Rosanna(傅潔嫻)監督住,Bobby已經節制咗好多,就算幾鍾意食嘅嘢,如果食多無益,Rosanna亦唔會畀佢食過量。不過近年Bobby同Rosanna多咗分開見朋友,不過一有party聚會就一定合體,大家有自己空間,都係夫妻相處之道。」
千億女婿始祖靠自己向上爬
歐陽震華太太傅潔嫻爺爺是澳門一代賭王傅老榕,家族除創辦香港富麗華酒店,又涉足房地產業務,家族資產據知逾百億,Bobby可說是無綫中的千億女婿始祖,雖然太太大把錢,不過Bobby多年來靠自己向上爬,在無綫拍過逾百套劇,00年已攞視帝,07年更憑《賭場風雲》入圍角逐第三十五屆國際艾美獎的最佳男主角獎項,成為首位香港男藝人獲提名該國際性獎項。Bobby當年曾因為太太家世顯赫被指「食軟飯」,不過這位千億女婿事業運愈來愈好,最後更成為一線當紅小生,Bobby以行動來證明靠自己一樣可以過高質生活。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。