林峯

林峯吳千語 正式承認結束五年情

娛樂資訊

林峯日前出席活動時,正式承認與吳千語已經分手,結束五年情!而吳千語亦喺社交平台發文,表示難以放下五年間全心全意投入的感情,希望大家畀空間佢適應。不過林峯不愁寂寞,上年底已經交上內地索模、現年27歲擁34D火辣身材的張馨月,林峯早前帶同新歡返廈門過農曆年,張馨月又秘密來港陪男友開工,而且已經極速融入林家,甚得林父歡心!

撰文:東方新地|圖片:新傳媒、IG |編輯:Tom (原文刊於東方新地

林峯承認與吳千語分手

林峯日前出席活動時,當然被追問與吳千語的分手傳聞,佢承認同吳千語其實已經分開咗一段時間,希望大家畀啲空間佢哋;至於感情方面則是隨緣,會集中在工作上。林峯又強調只會講埋今次,私人事以後唔會再答!

吳千語:完全放下實在不容易

而身為女主角的吳千語亦喺社交網承認分手一事,佢留言:「感謝各界朋友短訊關心和支持,請原諒我選擇以社交平台作一次性的回應。五年間全心全意投入的感情,要完全放下實在不容易,大家請給我空間適應,未來我會勇敢面對。希望今後大家會繼續給我支持,並多留意我的工作。」

林峯父母穿紅線 安排相睇飯局

與吳千語分手後,林峯全副精神埋首工作,不過家底厚的林峯又點會冇女埋身,原來上年年底,林峯在父母安排的相睇飯局,結識現年27歲擁34D激凸上圍的內地索模張馨月,女方一見林峯即冧爆主動出擊,極速俘虜林峯的心。

張馨月甚得林峯父母歡心

據知林峯同吳千語拍拖時,林父唔鍾意女方拜金主義,又好名牌又有公主病,所以佢兩個分手,林家反而仲開心!仲即刻安排相睇飯局。原來張馨月屋企人係林峯親戚的朋友,林父見個女仔外形條件唔錯,人品又好,就撥行大葵扇。其實兩人都係農曆年前先開始拍拖,但因為張馨月溫柔又就得人,所以拍拖無耐,林峯已經好投入,心情仲好靚㖭!

張韾月融入林峯家庭 廈門見家長

日前,林峯父母由廈門來港探兒子,林峯就帶同女友陪家人一齊遊海洋公園,可見女方已融入林家,亦因此被遊客斷正拍拖。雖然冇正面承認戀情,但林峯對女方照顧周到,又掟公仔氹女友,兩人被追訪後分頭搭的士離開。

張馨月更勝前度BB

身材及五官都同吳千語有九成相似的張馨月,除咗有修長索腿, 眼大大面尖尖外,比吳千語更優勝就係擁有34D火辣身材,張馨月在2010年參加全國時尚內衣模特大賽奪得亞軍,去年11月又以模特兒身份出席過廣州車展,亦有客串內地電影,似乎圈中發展絕不遜於前度吳千語。

 

 

吳千語與林峯分手原因是?

吳千語入行後緋聞多多,後來因拍攝《男人如衣服》和林峯拍拖並發展至同居生活,可惜拍拖5年,最後仍分手收場。據說,是因為吳千語…詳情請看

吳千語親授找筍盤攻略?

吳千語為網台節目《絲打圍爐》擔任嘉賓,與「蝦頭」楊詩敏、練美娟與陳欣妍分享「獵筍盤秘笈」,她首先認為所謂的「筍盤」,是必須…詳情請看

你可能也喜歡

Recommended