黃翠如感性出文賀洪永城成家立室 網民狠批忽略正印感受 通宵隔空罵戰

撰文：東方新地 圖片：黃翠如fb截圖、新傳媒資料室、洪永城IG、梁諾妍IG、東方新地

黃翠如感性出文賀洪永城成家立室 網民狠批忽略正印感受

洪永城自去年底開始便與老婆梁諾妍（Inez）同居試婚，開朗善良的Inez最終將「無腳雀仔」收服，昨日洪永城在社交平台公佈婚訊，黃翠如送上祝福，卻被網民批內容勿略正印感受，從而引起罵戰。

黃翠如長文數落洪永城8大缺點

洪永城、黃翠如由有線拍檔做到無綫，不時傳出緋聞，不過二人現在已各自找到幸福，洪永城公布婚訊，黃翠如感觸發長文祝福，訴說二人一起成長，曾感受到他原來也懂得照顧人，不過其後突然狂數落洪永城缺點，包括污糟、大男人、脾氣差等八大缺點，最後感激梁諾妍肯接收洪永城！呢個祝福認真特別！

連環祝賀一對新人

黃翠如其後再在洪永城的喜訊post下留言：「當洪永城都會結婚，這個世界一定有美好的童話，我愛你們。」然後又在梁諾妍度留言：「都係嗰句，如果佢蝦你，話俾我知，我幫你搞掂佢﹗愛你們，所有的祝福。」黃翠如如此高調的舉動，卻引發一場網上抨擊，不少網民看完她寫給洪永城的長文，感覺到她酸溜溜句句有骨。

講到自己係大婆人哋係小三咁

黃翠如親身反擊 隔空罵戰一觸即發

一場藝人與網民的隔空罵戰一觸即發，黃翠如面對網民的指責，認為她不應該用這種方式公開祝賀洪永城，這樣只會令新娘子Inez及蕭正楠更加尷尬。

蕭正楠衝出來護妻

黃翠如堅持沒有問題，更罕有地幾乎逐一反駁，自黃翠如出POST後的廿小時，她都不停親身留言回應，話大家「諗多咗」、「可唔可以正面啲」等等，而老公蕭正楠與當事人洪永城亦有幫拖。

洪永城晒婚照宣布婚訊

洪永城貼出和女友梁諾妍行山的照片以公布喜訊，相中梁諾妍拿住小花束，而洪永城一臉興奮！洪永城出po留言指和梁諾妍由拍拖到現在展開人生新旅程「追到你是我的僥倖，娶到你是我的福氣」冧到爆﹗

由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛的Coco離世、到開工連晚安早晨都沒有機會同你講、到今日一齊攜手踏上我倆的新旅程

好在有你，緊握我手
我希望一世都有你在身旁

追到你是我的僥倖，娶到你是我的福氣

Let’s get Married !

洪永城廁所求婚多蝦碌

梁諾妍回憶被求婚時過程，她透露洪永城在家中廁所求婚：「求婚過程係好好笑，好多蝦碌嘢發生，佢喺屋企個廁所度求婚，好係佢嘅 style，成個過程我係笑到喊，不過都好感動，有晚佢拍完嘢返屋企，就入咗廁所一陣出嚟，跟住到我人有三急入廁所，佢又跟住我入廁所，當我打開廁所門，原來佢喺廁所度佈置咗有一個攝錄機，又喺洗手盆度放咗啲微型燈泡，又有一束鮮花，鏡上又貼咗啲心型卡，仲寫上MARRY ME？我好笑又感動，我問佢點解要喺洗手間求婚？佢話知道我一定要去，最好笑係佢拎隻戒指出嚟求婚時候，我話我真係好急，你等一等我去完廁所先，結果佢要等我辦完大事再求婚，我就Say Yes！」

同時間，梁諾妍亦在IG公布喜訊，回應洪永城的愛的宣言：「願餘生我們也一起笑住過﹗」公布喜訊後，圈中好友紛紛留逼祝賀，但洪永城前度唐詩詠未有祝福﹗

梁諾妍愛的宣言：

下半生手拖手

繼續一起跑下去
繼續跑去世界每個角落👫🏽

感恩遇到你
常常帶給我歡樂
照顧我陪我通宵睇動漫睇網球比賽
工作上的互相扶持
願餘生我們也要一起笑住過！