直擊43歲陳展鵬單文柔夫婦天后睇中醫   傳氹老婆追仔湊個「好」字

直擊43歲陳展鵬單文柔夫婦天后睇中醫 傳氹老婆追仔湊個「好」字

曾獲視帝的煎Pang陳展鵬今年事業似乎不太順利,一心再圓21年前的歌星夢有傳未能成事,原定今年9月底播出的重頭劇《唐人街》又被無綫抽起,認真阻滯!雖然工作失意,但家庭就相當不錯!囡囡小豬比(陳諾瑤Quinta)現已歲半,開始識行識走氹爸爸,現時陳展鵬多左時間陪小朋友,更萌生追個仔湊成「好」字,近半年陳展鵬與單文柔頻頻睇中醫調理身體,看來快要有喜訊了!

原文刊登於:東方新地|圖片來源:東方新地、單文柔IG、陳展鵬IG

直擊陳展鵬單文柔夫婦天后睇中醫

陳展鵬家庭生活排第一

事業上的不如意,煎Pang看來並不太在意,與單文柔結婚兩年育有歲半女兒小豬比,煎Pang有妻女萬事足,每次接受訪問總把家人掛在口唇邊,社交網盡是一家三口放閃晒幸福的照片,據知43歲的煎Pang榮升人父後,對人生有另一種領悟,更加珍惜家人,希望與單文柔追多個仔,知情者透露:「煎Pang做咗爸爸成個人唔同晒,以前佢覺得男人要以事業為重,依家見到個女就冧,錢係要繼續搵不過唔係瞓晒身,小豬比已經歲半,佢覺得係時間生多個,係仔就梗係最完美啦!女佢都好鍾意,不過都要氹掂老婆Phoebe(單文柔)先,因為佢兩公婆都唔想假手於人,平時煎Pang要開工,都係Phoebe負責一對一湊女,生多個難度亦增加,二人世界嘅時間都會大幅減少。」

結婚兩年囡囡小豬比已歲半大,煎Pang既是好老公亦是暖男爸爸,對住妻女顯得特別溫柔。
結婚兩年囡囡小豬比已歲半大,煎Pang既是好老公亦是暖男爸爸,對住妻女顯得特別溫柔。圖片來源:單文柔IG
囡囡小豬比肥肥白白非常可愛,不時與媽咪單文柔一齊在社交網為品牌做生招牌。
囡囡小豬比肥肥白白非常可愛,不時與媽咪單文柔一齊在社交網為品牌做生招牌。圖片來源:單文柔IG

陳展鵬為追仔全力補腎

正所謂有仔趁嫩生,30歲的單文柔有做開運動身子向來都好,不過43歲的煎Pang過去因拍劇捱壞了身體,需要不斷調理。煎Pang早年由亞視過檔無綫後備受重用,經常劇接劇無得休息,最高紀錄是連續53小時無瞓過,11年時拍攝劇集《叛徒》及《回到三國》,煎Pang只可以在來回兩個拍攝地點的時候,爭取時間瞌埋眼抖抖。煎Pang指當時無得瞓之餘,更要拍幾場跑山戲,令他感覺虛脫,成個人乾晒,好似沒有靈魂,全靠意志先頂到拍完收工。

煎 Pang《唐人街》早前臨時被抽起,《逆天奇案》和《超能使者》都未知幾時有得見街,已兩年冇劇上的煎 Pang近月行行企企專注湊女,曝光率持續低迷。
煎 Pang《唐人街》早前臨時被抽起,《逆天奇案》和《超能使者》都未知幾時有得見街,已兩年冇劇上的煎 Pang近月行行企企專注湊女,曝光率持續低迷。圖片來源:東方新地
圖片來源:東方新地
圖片來源:東方新地

 

一心圓歌星夢的Pang早前與林夏薇一齊上《流行經典50年》獻唱,不過已錄好的新歌仍未可以推出。
一心圓歌星夢的Pang早前與林夏薇一齊上《流行經典50年》獻唱,不過已錄好的新歌仍未可以推出。圖片來源:東方新地

為了有能力照顧單文柔及小豬比,現在他變得更加錫身,據知情者透露:「煎Pang依家盡量唔會捱得咁辛苦,仲成日睇中醫進補同按摩,等自己放鬆吓,最近佢為追仔睇中醫,醫師同佢講男人想生仔最緊要個腎,好腰好腎好男人嘛!所以佢搵好多補腎嘅食療,Phoebe不斷買補品補湯水畀佢飲。」

產女已年半的單文柔面色紅潤狀態keep住好,煎Pang反而面黑黯淡無光,難怪需要長期睇中醫調理。
產女已年半的單文柔面色紅潤狀態keep住好,煎Pang反而面黑黯淡無光,難怪需要長期睇中醫調理。圖片來源:東方新地
這日煎Pang與單文柔拖到實現身中環,先去商廈辦事然後去歎咖啡,難得唔使湊女可以過甜蜜拍拖生活。
這日煎Pang與單文柔拖到實現身中環,先去商廈辦事然後去歎咖啡,難得唔使湊女可以過甜蜜拍拖生活。圖片來源:東方新地
直擊43歲陳展鵬黯淡無光要補腎 氹單文柔追仔齊去天后睇中醫
圖片來源:東方新地
之後夫婦二人到天后睇中醫,單文柔睇完到煎Pang,現場所見,他們與醫師有講有笑,肯定是熟客仔。
之後夫婦二人到天后睇中醫,單文柔睇完到煎Pang,現場所見,他們與醫師有講有笑,肯定是熟客仔。圖片來源:東方新地
直擊43歲陳展鵬黯淡無光要補腎 氹單文柔追仔齊去天后睇中醫
圖片來源:東方新地

早前煎Pang與單文柔撇甩囡囡小豬比,拍拖出中環辦事,之後再一齊去天后睇中醫,二人輪流被醫師把脈,看來睇慣睇熟,等執藥期間兩公婆在區內周圍逛,又幫襯平民雜貨店買家庭用品,糖黐豆好恩愛,之後他們折返中藥店拎藥,拎走兩大袋中藥返屋企自己慢慢煲。暫時未有工開的煎Pang,靠中藥調理身體與單文柔集中火力再造第二胎,不過都唔可以歎慢板,因為煎Pang即將聯同陳煒、袁文傑,三位十多年的亞視舊將齊齊開拍新劇《黯夜守護者》(暫名),劇中的煎Pang飾演警員,因做臥底時發生意外而非常失意,視帝冇得hea,一旦開工就未必有精力造人,補品要加鞭先得喇!

行完街夠鐘折返中藥店,煎Pang一手拎住兩大袋中藥離開,單文柔負責收好張藥方。
行完街夠鐘折返中藥店,煎Pang一手拎住兩大袋中藥離開,單文柔負責收好張藥方。圖片來源:東方新地
煎Pang與單文柔孖住周街逛,買完髮型用品又在平民雜貨店買嘢,視帝都可以好貼地。
煎Pang與單文柔孖住周街逛,買完髮型用品又在平民雜貨店買嘢,視帝都可以好貼地。圖片來源:東方新地
直擊43歲陳展鵬黯淡無光要補腎 氹單文柔追仔齊去天后睇中醫
圖片來源:東方新地
據知醫師叫煎Pang要多吃補腎的食物,早前煎Pang在社交網上載芝麻卷蛋的照片,問人有冇效用。
據知醫師叫煎Pang要多吃補腎的食物,早前煎Pang在社交網上載芝麻卷蛋的照片,問人有冇效用。圖片來源:陳展鵬IG
直擊43歲陳展鵬黯淡無光要補腎 氹單文柔追仔齊去天后睇中醫
圖片來源:陳展鵬IG

Tag
TVB

你可能也喜歡