袁偉豪自爆靠叩頭道歉一千次轉運!節目狂呻做「三億駙馬」壓力大

袁偉豪自爆靠叩頭道歉一千次轉運!節目狂呻做「三億駙馬」壓力大

袁偉豪自與張寶兒結婚,成為「三億駙馬」後便爭議不斷,早前他更發長文回應網民一直以來對他的批評!日前袁偉豪現身麥玲玲師傅與林盛斌(Bob)主持的節目《師父有請》做嘉賓,再度大呻做「三億駙馬」壓力好大,更自認迷信,曾被指點上世得罪人,靠叩頭道歉才能成功轉運!

原文刊於:東方新地|圖片來源:袁偉豪、張寶兒IG圖片、節目圖片、新傳媒圖片庫

袁偉豪自爆曾叩頭道歉轉運 大呻「層樓我唔使供咩?」

袁偉豪(Ben)日前和好友陳山聰、姚子羚及謝東閔一同為麥玲玲師傅與林盛斌(Bob)主持的myTV Gold節目《師父有請》(Master’s Talk)擔任嘉賓,節目中眾人大講貧富懸殊關係,曾與富二代拍拖的姚子羚率先說:「之前我試過有個男朋友好有錢,屋企門外面有兩個保安守住,一入到屋大家都叫佢少爺嗰種,屋企仲有𨋢㖭!」而同富家女張寶兒結婚成為「三億駙馬」的袁偉豪亦直認壓力大:「其實我唔睇嗰啲報道真係冇事,睇完反而唔開心,入到外父屋企有乜好驚?我唔會驚,反而睇完報道之後會唔舒服,點解要咁講我呢?」

袁偉豪做「三億駙馬」狂呻壓力大 上世得罪人靠XX一千次成功轉運
談到圈中貧富懸殊關係,麥玲玲開名指陳伶俐首次到丈夫劉頌銘的豪宅時,曾嚇到走出門口就嗌分手。圖片來源:節目圖片
袁偉豪做「三億駙馬」狂呻壓力大 上世得罪人靠XX一千次成功轉運
今次上節目《師父有請》做嘉賓的袁偉豪、陳山聰、姚子羚及謝東閔都是「Crazy Runner」成員。圖片來源:節目圖片
袁偉豪做「三億駙馬」狂呻壓力大 上世得罪人靠XX一千次成功轉運
姚子羚話即使再揀多一次,都會選擇忠於自己,她說:「屋太大我會覺得好空虛,搵阿媽可能都要打電話,所以我反而想自己間屋感覺溫暖啲。」圖片來源:節目圖片

袁偉豪:「佢父母都好欣賞我」

袁偉豪續呻:「我性格係好硬頸,乜都要駁嘴,所以耐唔耐就會出聲!我有我自己睇法,你哋覺得係咪係,講真,層樓我唔使供咩?我都要搵錢,我都要Keep好個樣出嚟,點知又畀你班人話我面膠、醜男!」他又指寶兒父母願意將女兒交託給他,是因為覺得只有他能「治」到寶兒:「而且佢父母都好欣賞我呢個人一步一步咁成長,捱出自己嘅事業,所以佢哋先咁放心。」

袁偉豪做「三億駙馬」狂呻壓力大 上世得罪人靠XX一千次成功轉運
袁偉豪自言性格好硬頸,乜都要駁嘴。圖片來源:節目圖片
袁偉豪指外界閒言閒語未有影響到他和太太張寶兒的感情。圖片來源:張寶兒IG
袁偉豪指外界閒言閒語未有影響到他和太太張寶兒的感情。圖片來源:張寶兒IG

袁偉豪指愛巢算得上Dream House

提到同太太張寶兒以近七千萬聯名購入清水灣一個複式連私人花園的特色單位,袁偉豪透露自己在婚前都係每過幾年就搬一次屋,去年因為結婚而一年內搬了兩次,今次與太太一齊揀選的愛巢雖算得上是Dream House,卻並非終極,他說:「當時我跑步經過大坳門,沿路山邊有間爛屋好似《鐵甲奇俠》間屋,出面一邊係懸崖,另一邊有幾棵樹,落地玻璃望住清水灣,我就心諗好想有機會可以住嗰度,擁有自己設計嘅車房同埋Band房等等。」

袁偉豪做「三億駙馬」狂呻壓力大 上世得罪人靠XX一千次成功轉運
袁偉豪又直認買樓一事由外父主導︰「係佢建議我買,之後我花咗幾日去計計條數,加上自己硬頸又大膽,所以決定試試。」

袁偉豪自爆叩頭道歉一千次轉運

講到藝人借運之說,袁偉豪就透露自己曾經遇到一個問米婆婆的經歷:「佢話我前世得罪人,遮住咗我半塊面,所以我出道頭十年事業都完全冇起色,佢教我口中唸住對方姓氏叩頭道歉一千次,叩頭之後,我就有機會加入無綫,事業運亦慢慢轉好。」1997年當選校草入行的袁偉豪,的確在2007年《香港先生選舉》中奪冠並加入無綫,在2016年劇集《城寨英雄》中扮演「牙佬」,更令他登上事業高峰。

袁偉豪做「三億駙馬」狂呻壓力大 上世得罪人靠XX一千次成功轉運
袁偉豪自1997年當選校草入行,但直到在2007年《香港先生選舉》中奪冠並加入無綫,事業才開始有起色。圖為袁偉豪07年參加港男選舉時的泳衣照。

張寶兒亦表示聽過老公講「叩頭轉運」一事,她說:「佢話當日同朋友去一間廟仔,個問米婆婆話佢上世有件咁嘅事,當時佢冇即刻去做,係隔咗好多日,覺得上世如果真係有嘢做得唔好,自己都應該要道歉,等對方安息!」

袁偉豪做「三億駙馬」狂呻壓力大 上世得罪人靠XX一千次成功轉運
張寶兒話當年袁偉豪叩頭道歉一千次係為咗令對方安息。
袁偉豪做「三億駙馬」狂呻壓力大 上世得罪人靠XX一千次成功轉運
袁偉豪日前曾專程與陳山聰出海,一同到西貢天后宮上香祈福。
袁偉豪做「三億駙馬」狂呻壓力大 上世得罪人靠XX一千次成功轉運
兩兄弟拍住上好有神心。
袁偉豪做「三億駙馬」狂呻壓力大 上世得罪人靠XX一千次成功轉運
陳山聰第一句就祝福袁偉豪「添丁發財」,袁偉豪回應話「收齊」。

「過來人」陳山聰勸袁偉豪放下固執

此外曾與賭王千金何超雲拍拖兩年的陳山聰,就以「過來人」身分勸慰袁偉豪放下固執,不要反駁傳聞,努力用行動去證明一切,他說:「呢件事令到我成長,感恩遇過呢件事,一千萬人都未必會遇到一次,唔係淨係我揀,咁人哋都會揀嘛!當時我經歷咗好多嘢,啲封面多到好誇張,父母都好唔開心。點去瓦解呢啲負面新聞?就係面對佢,你自己先清楚是非黑白,所以由得人講。」

袁偉豪做「三億駙馬」狂呻壓力大 上世得罪人靠XX一千次成功轉運
陳山聰話當年最唔開心嘅係令到屋企人唔開心:「到今日我能夠面對自己,行番出嚟,有仔有好老婆,佢哋都好安慰。」

陳山聰激動落淚:「我曾經做錯事」

談及太太及兒子時,陳山聰激動落淚說:「我曾經做錯事,或者做錯一啲決定,係咪代表一世都要錯呢?唔一定,只要有一線生機,我就唔會畀自己放棄。我最記得當我個仔仲喺老婆個肚入面時,我老婆曾經同個仔講:『你第日一定要學到你爸爸嗰種堅持同勤力!』大家都知我係隻牛,多謝呢段日子以來,呢班兄弟好信任,大家嘅關係係一世。」

袁偉豪做「三億駙馬」狂呻壓力大 上世得罪人靠XX一千次成功轉運
陳山聰談及太太及兒子時一度激動落淚。

袁偉豪孝順仔為遵父遺願娶張寶兒!39歲成「3億駙馬」全因…

袁偉豪自爆靠叩頭道歉一千次轉運!節目狂呻做「三億駙馬」壓力大

Tag
TVB

你可能也喜歡