吳卓羲身家擁半億物業+持40隻名錶及3層博物館 為城中有錢孝順筍盤

吳卓羲買半億樓贈母

吳卓羲是圈中出了名的孝順仔，不但第一層物業寫了母親名字，開始投資物業也是順應母親的意思。吳卓羲於2013年以900萬購入深井碧堤半島1,200呎單位已升值至近2千萬港元，據說是送給媽媽的禮物之一。

掘金能力強三年供完一層樓

出道即爆紅，當時年少氣盛的吳卓羲好玩車，戰車換個不停，曾被拍到駕駛百萬 Benz跑接載緋聞女友張馨予，不過自12年和張馨予分手，狂換戰車時期亦已成過去式，並落力儲錢買磚頭。據好友爆料：「出道冇耐就紅又搵到，後生仔邊個唔貪玩？捨得揈錢買衫、買名錶、玩模型、玩車，都係啲揮霍玩意，有段時間真係儲唔到錢，連吳媽媽都好擔心佢，一路提佢儲錢買樓！」

吳卓羲受高人指點計劃再入市

據知吳卓羲是透過圈中好友，認識被喻為隱世高人的苗師傅，得苗師傅指點迷津，阿 Ron近年事業暢旺兼遠離是非，手上物業亦愈滾愈多。據知情者透露：「苗師傅批 Ron條命要買樓投資會令佢事業財運都相得益彰，17年Ron聽高人意見再入市，買咗一個二千幾呎物業，嗰時阿 Ron覺得層樓個價好乸脷，仲驚唔知幾時升值，又怕自己負擔唔到，好在聽從師傅意見，買完後工作接唔停手，更喺呢年高薪簽做邵氏御用演員，層樓上年亦供完！就連喺內地置業都有斬獲，所以佢好信苗師傅，只要苗師傅講一句，佢二話不說照做！」

吳卓羲喜歡跑車

被譽為娛樂圈黃金筍盤之一的吳卓羲一向鍾情於收藏名錶及靚車！身家豐厚持超過40隻名錶及7架名車。之前吳卓羲曾上了由伍詠薇、林盛斌（Bob）主持的TVB節目《Tiger’s Talk》分享家中收藏品。眾人談到誰擁有最多車，一致認為是吳卓羲，他亦直言：「我的個人興趣就是車，很少機會在街上走路，唯一只是待在家中或在車內。」

吳卓羲持超過40隻名錶 升值空間大

在節目《Tiger’s Talk》中，陳山聰大爆吳卓羲於拍攝《大唐雙龍傳》時已戴Rolex Daytona，現在炒價已經到40-50萬一隻，吳卓羲則表示當時購買時還是便宜，他更表示自己獨愛勞力士。在節目中表示愛上勞力士全因睇日劇見木村拓哉戴住369，諗住戴了勞力士就會變成木村一樣型。

吳卓羲於北京開三層博物館

吳卓羲不僅鍾愛買樓、買車、買名錶，還喜歡買模型、玩具，甚至為了這些玩具在北京開設了三層高的玩具博物館公諸同好，免費開放給路人參觀！為圓玩具夢，近年密密接job拍戲冇停過！吳卓羲收藏嘅figure數量多到可以開博物館，可想而知財力驚人！孝順、有錢、英俊！未知這位黃金筍盤最後被那位女士簽下來呢？