歐錦棠揭「900日無薪假」真相 反擊樂易玲 爆無綫反常要求

歐錦棠揭「900日無薪假」真相 反擊樂易玲 爆無綫反常要求

歐錦棠日前於自己的YouTube提到2013年拍電影受傷令左眼爆血管,一直醫唔好,更提當年被無綫高層指他請了900幾日病假的真相,歐錦棠爆料指當時受傷後被公司要求放無薪假等不合理對待,相當不近人情,最後完約心淡離巢﹗

原文刊於:東方新地|圖片來源:歐錦棠《心乜棠水舖》頻道影片截圖

歐錦棠拍戲被智叔勒頸後左眼爆血管

歐錦棠在YouYube頻道分享護眼之道,歐錦棠憶述2013年拍攝電影《魔警》被廖啟智用粗繩勒頸:「嗰場戲佢想『勒瓜』我,雖然做戲但都真係好大力,我又要不停掙扎,嗰場戲喺棺材舖拍,周圍好多木糠木屑四圍飛,當晚都感覺到有啲木屑入咗眼,有啲唔舒服﹗到第二、三日左眼開始紅,爆咗血管﹗」

歐錦棠重提900日無薪假真相 爆無綫提出不合理要求
歐錦棠曾因左眼爆血管,影響幕前工作﹗(圖片來源:《乜乜棠水舖》影片截圖)
歐錦棠重提900日無薪假真相 爆無綫提出不合理要求
歐錦棠拍攝《魔警》被廖啟智勒頸後左眼爆血管﹗(圖片來源:《乜乜棠水舖》影片截圖)
(圖片來源:)
歐錦棠拍完被勒頸戲後左眼爆血管,最初看醫生有好轉﹗(圖片來源:《乜乜棠水舖》影片截圖)

醫生查不出原因 歐錦棠靠一個穴位痊癒

歐錦棠左眼爆血管求醫,初時有好轉,但一星期後突然變嚴重,眼紅範圍變大,曾向兩個香港最頂尖的眼科醫生求醫,都不明所以只是表示一條好粗的血管爆了,醫生最後建議他要做激光修復血管手術,歐錦棠指自己驚青又怕會失明,雖然眼紅超過四個月但唔想接受手術,後來他無意間發現眼窩一個穴位,按下時感到劇痛,佢話:「可能我自細打功夫,覺得痛都係好事,好似腳底按摩係通番啲經絡,試吓按吓,一日按兩次,按咗幾日奇蹟發生,紅眼退左一半,一個禮拜全退,我唔敢講係咪完全因為咁,但按穴位係會對眼睛好,有保健作用﹗」

歐錦棠重提900日無薪假真相 爆無綫提出不合理要求
歐錦棠用了醫生開出眼藥水後一度好轉,但一星期後突然「第二次再爆血管,大半隻眼都染紅」。(圖片來源:《乜乜棠水舖》影片截圖)

稱無綫要求放無薪假兼搵計拒畀騷錢

歐錦棠指左眼變紅影響幕前工作,當時還是無綫藝員的他向公司申報,有醫生紙提供,但公司卻要求他放無薪假,歐錦棠話:「咁我問公司我要攞幾耐無薪假?公司回覆係攞到我好番為止﹗其實我唔介意,咪當唞吓﹗點知攞完無薪假有個導演叫我上節目講香港漫畫史,覺得我最適合去講,佢哋就角度只係影我右邊面,一講講咗四集﹗」

歐錦棠重提900日無薪假真相 爆無綫提出不合理要求
歐錦棠指被無綫要求放無薪假直至病好﹗(圖片來源:《乜乜棠水舖》影片截圖)

歐錦棠:我點同你賣命

拍完節目卻收到公司電話,歐錦棠話被公司問責為何開工?歐錦棠答:「我鬼知咩,導演叫我上節目講咪講囉,公司話問番我唔係眼有事唔拍得嘢咩?我話導演就我角度﹗點知公司答『咁唔得呀,你唔會有騷錢計㗎﹗』點解咁呢?公司就係用咗個好唔係理由嘅理由,話我係本台藝員唔可以做嘉賓,所以冇騷錢計喎,咁都得﹗…我點同你賣命,咁我咪聽你話攞無薪假囉,於是咪有連攞900幾日假嗰單嘢,嗰件事其實係咁樣嚟嘅﹗」

歐錦棠重提900日無薪假真相 爆無綫提出不合理要求
歐錦棠指無綫以「一個唔係理由嘅理由」拒畀騷錢﹗(圖片來源:《乜乜棠水舖》影片截圖)
歐錦棠重提900日無薪假真相 爆無綫提出不合理要求
歐錦棠已被迫放無薪假,之後還要工作後收唔到錢﹗(圖片來源:《乜乜棠水舖》影片截圖)

歐錦棠反擊「膠層」樂易玲

根據昔日報道指13年無綫高層樂易玲出席活動時,指出歐錦棠自2013年不斷攞病假,攞足900幾日病假,每次都有醫生紙,又指本來公司想安排他拍攝《公公出官》、《城寨英雄》、《無雙譜》等,但因對方請病假而推劇﹗當時歐錦棠在社交平台反擊:「成千日病假?你係老闆都唔批啦﹗邊個醫生批你病三年呀?嗰啲叫做冇薪假,我地叫No Pay Leave,用新任財爺英文就係No Salary Holiday,搞清楚先啦,膠層﹗」

歐錦棠重提900日無薪假真相 爆無綫提出不合理要求
歐錦棠貼出傳媒報道2013年他和樂易玲就無薪假惹起的紛爭﹗(圖片來源:《乜乜棠水舖》影片截圖)
(圖片來源:新傳媒照片庫)
(圖片來源:新傳媒照片庫)
歐錦棠重提900日無薪假真相 爆無綫提出不合理要求
當時歐錦棠在社交網反擊樂易玲指他放了900幾日病假。(圖片來源:《乜乜棠水舖》影片截圖)
歐錦棠重提900日無薪假真相 爆無綫提出不合理要求
歐錦棠近日為Now主持英超、西甲、意甲及法甲四大歐洲足球聯賽﹗(圖片來源:歐錦棠facebook)
歐錦棠重提900日無薪假真相 爆無綫提出不合理要求
歐錦棠近日與香港奧運劍擊代表張小倫拍住上講波﹗(圖片來源:歐錦棠facebook)

你可能也喜歡