朱敏瀚《萬千星輝頒獎禮2020》奪飛躍進步獎:捱足11年努力儲錢望養活一家人!

朱敏瀚《萬千星輝頒獎禮2020》奪飛躍進步獎:捱足11年努力儲錢望養活一家人!

《萬千星輝頒獎典禮2020》28歲朱敏瀚勇奪飛躍進步男藝員,打敗羅天宇、丁子朗、馬貫東、謝東閔等一眾力捧小生的他眼泛淚光直言:「電視劇對我影響好大!」17歲入行的他轉眼入行11年,今年終憑《反黑路人甲》、《機場特警》及《C9特工》等劇集備受肯定。朱敏瀚更曾因兩病纏身失角色,近年努力操肌變大隻,默默耕耘的他努力工作只為養活一家人及不願女友余思霆太辛苦。

撰文:Hazel|部份原文刊於:東方新地|圖片來源:TVB截圖、朱敏瀚@Instagram、東方新地

《萬千星輝頒獎禮2020》朱敏瀚奪飛躍進步獎:「電視劇對我影響好大!」

朱敏瀚昨日於《萬千星輝頒獎禮2020》打敗對手羅天宇、丁子朗、馬貫東、謝東閔等小生,憑《反黑路人甲》、《機場特警》及《C9特工》獲得「飛躍進步男藝員」獎。獲獎的他即時眼泛淚光表示:「我細個每一餐飯都係用電視撈飯,電視劇對我影響好大,好多謝自己17歲揀咗行演員條路。呢度(TVB)係我第一份工,我係喺呢度成長,多謝公司。我好享受自己依家做緊嘢……我好希望我會保留呢個對演戲嘅初心」,最後更首尾呼應指希望每家每戶都延續住電視撈飯的傳統。

圖片來源:TVB截圖
圖片來源:TVB截圖
圖片來源:TVB截圖
圖片來源:TVB截圖

朱敏瀚演活《反黑路人甲》中的陸秋,成功脫離一向陽光少年的形象,黑幫打手一樣入形入格,如此大突破難怪奪得「飛躍進步男藝員」。

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚17歲入行 捱足11年操肌改形象成功!

朱敏瀚17歲中學畢業後,便投考無綫藝員訓練班入行,對演戲有好大憧憬,可惜被斯文瘦弱外形局限,每每只被派演主角年輕版及做主角細佬角色,早年發揮機會不多,更曾因體弱多病而試過失去角色。直至18年接拍劇集《機場特警》,朱敏瀚終於開竅,努力操肌洗走孱仔形象,拓闊戲路,隨即演出機會增加!

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚為《機場特警》花數月操肌 一星期做5日Gym

朱敏瀚一向想打破主角細佬宿命,有知情者指:「喺無綫十年,Brian(朱敏瀚)接親都係啲唔起眼角色,始終冇自己嘅Character,佢好唔甘心,解唔開心結都成日搵朋友呻,咁啱接到《機場特警》呢套劇,因為要做機場特警組隊員,要拍攝好多特訓場面,一定要保持高體能,瘦弱身形更加冇說服力,於是佢花咗幾個月時間操肌,更加練到開竅,明白要打破自己外形局限,先可以爭取更多機會,好積極做 Gym,最初靠自己練,後來搵埋教練幫手,一星期做 Gym做足五日,嫌自己太白唔夠Man,仲去曬埋太陽燈。」

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

觀眾眼前一亮,無綫一班監製亦對朱敏瀚改觀,爆肌終於令他有運行連拍四劇,當中《反黑路人甲》、《踩過界 II 》都有不少發揮機會,據朱敏瀚好友透露:「最初操肌係想拓展戲路,都係諗住博一博,健身之後,發現身體健康咗,拍劇捱更抵夜都唔會咁易病,而且真係多咗好多演出機會,好似喺《反黑路人甲》,佢已經升呢做男三,監製仲安排佢有打拳戲,繼續騷肌,發揮機會多咗,佢覺得自己揀啱咗路,依家都繼續 keep住做 Gym。」

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚曾被兩病纏身失角色

17年正在趕拍劇集《是咁的,法官閣下》的他,同時兩病纏身,口水腺生石以及扁桃腺發炎,因口水分泌不足不能吃飯,扁桃腺又經常發炎,每星期要打針消腫,令他拍劇時相當辛苦,拍完該劇即入院做手術,也因為手術後要休息,失去《包青天再起風雲》一個重要角色,令他相當失落。據知情者透露:「嗰時佢啱啱同公司申請調離《都市閒情》冇耐,唔做主持,都係為咗可以有多啲機會拍劇,點知又因為身體出事,要做兩個手術,令佢接拍唔到《包青天再起風雲》一個幾重戲份嘅角色,佢覺得自己好唔爭氣,嗰時好唔開心,朋友不停安慰佢,佢先收拾心情再等機會,好彩皇天不負有心人,佢之後有機會演出《好日子》及《 C9特工》,令佢明白人嘅際遇,有失亦會有得,最緊要先裝備好自己!」

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚入行11年收入不穩 加入《都市閒情》是打擊

朱敏瀚愛演戲,一心只想演戲的他曾被公司安排擔任《都市閒情》主持,他直言起初確實受到打擊。然而在加入節目後,他發現《都市閒情》對他而言亦是一種鍛練,亦是他入行以來最能感受到「大家庭」感覺的節目,大王安德尊及監制也非常照顧他,而且在那段時間的收入也較多。藝人工作收入不穩,退出《都市閒情》後便沒有了穩定的收入,他曾跟媒體透露母親知道他收入不穩,會塞八達通給他,但他也盡量不要。在收入少時或許無法給予家用,假如某段時間收入較多便會給一大筆錢作家用,作為子女當然想養活父母,不希望還要靠家人養。

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚余思霆低調拍拖2年 努力賺錢養起女友

18年朱敏瀚與華姐余思霆拍《好日子》相識相愛,轉眼拍拖兩年,兩人愛得依然甜蜜,不過轉變的是捱出頭的朱敏瀚,終於事業超前女友,不用再被指女尊男卑。據知情者透露:「雖然依家感情穩定,仲一齊同居,但話晒事業啱啱上位,Brian唔想阻礙前途,同女友有共識將感情低調,而且 Brian好大男人,佢希望自己可以賺錢養起女友,所以都定咗呢兩年會努力做嘢,事業行先!」

圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram
圖片來源:朱敏瀚@Instagram

朱敏瀚視余思霆為結婚對象:不想她太辛苦

朱敏瀚曾言每一次都以結婚為目標拍拖,因此他會努力進行目前的工作,盼能養到身邊人,也不想她(余思霆)過得太辛苦。拼搏事業的他常爭取時間約女友見面,在忙碌的同時也不會忽略女友。朱敏瀚近年事業穩步上升,戲份愈來愈重的同時,人氣收入當然也隨之上升,《萬千星輝頒獎典禮2020》更勇奪了飛躍進步男藝員,相信不久的將來養活一家人及女友余思霆也不難!

圖片來源:東方新地
圖片來源:東方新地

Tag
TVB

你可能也喜歡